કોમોડિટી લાઇવ: ક્રૂડમાં 4 વર્ષના ઉપલા સ્તરેથી વેચવાલી, સોના-ચાંદીમાં ઘટાડો

શરૂઆતી કારોબારમાં ડૉલર સામે રૂપિયો 6 પૈસા મજબૂત થઈ 94.95 પ્રતિ ડૉલરની સામે 94.89 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળ્યો, ઉલ્લેખનિય છે કે ડૉલર ઈન્ડેક્સ અને ક્રૂડ ઓઈલમાં વેચવાલીનો સપોર્ટ રૂપિયાને મળતો દેખાયો છે.

શરૂઆતી કારોબારમાં સ્થાનિક બજારમાં સોનામાં સામાન્ય ખરીદદારી સાથે 1 લાખ 38 હજારની પાસે કારોબાર નોંધાયો, જ્યારે COMEX પર 1 વર્ષના નીચલા સ્તરે 4000 ડૉલરની નીચે કારોબાર જોવા મળ્યો, અહીં ડિસેમ્બરમાં USમાં દર વધવાની સંભાવનાએ કિંમતો પર દબાણ જોવા મળ્યું હતું.

શરૂઆતી કારોબારમાં સ્થાનિક બજારમાં કોપર સહિત તમામ મેટલ્સમાં સારી ખરીદદારી જોવા મળી, તો વૈશ્વિક બજારમાં પણ ડૉલર ઈન્ડેક્સમાં દબાણના કારણે બેઝ મેટલ્સની કિંમતોને સપોર્ટ મળી રહ્યો છે.

ક્રૂડ ઓઈલમાં દબાણ આવતા બ્રેન્ટના ભાવ અઢી ટકાથી વધુ ઘટીને 110 ડૉલરની પાસે પહોંચ્યા, NYMEX ક્રૂડમાં પણ 3 ટકાનો ઘટાડો નોંધાયો, અહીં, OPEC+ દ્વારા ડિસેમ્બર માટે પ્રોડક્શન લક્ષ્ય ન બદલાતા અને પશ્ચિમ એશિયા યુદ્ધ શાંત પડવાની આશંકાએ કિંમતો પર અસર જોવા મળી હતી.

શરૂઆતી કારોબારમાં સ્થાનિક બજારમાં નેચરલ ગેસની કિંમતો સામાન્ય ખરીદી સાથે 277ના સ્તરની પાસે પહોંચતી દેખાઈ હતી.

એગ્રી કૉમોડિટીમાં મસાલા પેક પર ફોકસ છે, હળદરમાં અડધા ટકાથી વધુની તેજી જોવા મળી છે. પણ ધાણામાં 3 ટકાથી વધુનો ઘટાડો જોવા મળ્યો. સુસ્ત સ્પોટ માર્કેટ ડિમાન્ડ અને નફાવસુલીના કારણે દબાણ બન્યું, ગુવાર પેકમાં પણ વેચવાલી જોવા મળી.