કોમોડિટી લાઇવ: નબળા ડૉલરથી સોના-ચાંદીમાં ખરીદદારી, કોપરની કિંમતોમાં મજબૂતી

શરૂઆતી કારોબારમાં ડૉલર સામે રૂપિયો 14 પૈસા મજબૂત થઈ 86.61 પ્રતિ શેરની સામે 86.47 પ્રતિ શેર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

ડૉલર ઇન્ડેક્સમાં ઉપલા સ્તરેથી વેચવાલીના કારણે સોનાની ચમક વધી, અહીં COMEX પર ભાવ 2702 ડૉલરની પાસે પહોંચ્યા, તો સ્થાનિક બજારમાં 78,887ના સ્તરની પાસે ફ્લેટ ટૂ નેગેટીવ ઝોનમાં કારોબાર જોવા મળ્યો હતો.

શરૂઆતી કારોબારમાં સ્થાનિક બજારમાં કોપર સહિત તમામ મેટલ્સમાં વેચવાલી રહી, સૌથી વધુ દબાણ એલ્યુમિનિયમમાં જોવા મળ્યું, જોકે ચાઈના તરફથી 1 વર્ષના પ્રાઈમ લેન્ડિંગ રેટમાં કોઈ ફેરફાર ન થતા વૈશ્વિક બજારમાં કોપરની કિંમતોમાં તેજી રહી પણ ઝિંકમાં દબાણ જોવા મળ્યું, તે સાથે જ 2025માં હાલ સુધી LME પર કોપરની કિંમતો આશરે 5 ટકા વધતી દેખાઈ.

રશિયા પર US તરફથી પ્રતિબંધોની ચિંતાએ ક્રૂડમાં તેજી આગળ વધી, જ્યાં બ્રેન્ટના ભાવ 80 ડૉલરને પાર પહોંચ્યા, તો NYMEX ક્રૂડમાં 78 ડૉલરને પાર કારોબાર જોવા મળ્યો, ઉલ્લેખનિય છે, કે USએ 100 ટેન્કરો અને 2 રશિયન તેલ ઉત્પાદકો પર પ્રતિબંધ મૂક્યો છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 4 ટકાથી વધુ તૂટતા 327ના સ્તરની પાસે પહોંચતી જોવા મળી.

શુગર પર ફોકસ, દેશમાં ઉત્પાદનનો અંદાજ 10 લાખ ટન ઘટાડી 270 લાખ ટન મૂકાયો, સહકારી સંસ્થા શુગર ફેક્ટરી ફેડરેશન દ્વારા નવો અંદાજ થયો જાહેર.