Foxconn: ફોક્સકોન કર્ણાટકમાં 5,000 કરોડનું કરશે રોકાણ, 13000 લોકોને રોજગારી મળવાનો અંદાજ

Foxconn: તાઈવાનની ઈલેક્ટ્રોનિક્સ મેન્યુફેક્ચરિંગ કંપની ફોક્સકોન કર્ણાટકમાં તેના બે પ્રોજેક્ટમાં રૂપિયા 5,000 કરોડનું રોકાણ કરશે. તેનાથી 13,000 લોકોને રોજગાર મળશે. ફોક્સકોન અને કર્ણાટક સરકારે આ સંબંધમાં લેટર ઓફ ઈન્ટેન્ટ (LOI) પર હસ્તાક્ષર કર્યા છે. આ કરાર હેઠળ કંપની બે મેન્યુફેક્ચરિંગ પ્રોજેક્ટ સ્થાપશે. એક પ્રોજેક્ટ અમેરિકન કંપની એપ્લાઇડ મટિરિયલ્સ ( Applied Materials) સાથે પાર્ટનરશીપમાં હશે.

કર્ણાટક સરકારના પ્રતિનિધિઓ 31 જુલાઈના રોજ ચેન્નાઈમાં ફોક્સકોનના ચેરમેન યંગ લિયુને મળ્યા હતા અને બંને પક્ષો વચ્ચે એક પત્ર પર હસ્તાક્ષર કરવામાં આવ્યા હતા. કર્ણાટકના ઉદ્યોગ વિભાગના જણાવ્યા અનુસાર, ફોક્સકોન રાજ્યમાં બે પ્રોજેક્ટ પર કામ કરી રહી છે - એક ફોન એન્ક્લોઝર મેન્યુફેક્ચરિંગ સાથે સંબંધિત છે, જ્યારે બીજો સેમિકન્ડક્ટર ઇક્વિપમેન્ટ મેન્યુફેક્ચરિંગ સાથે સંબંધિત છે.

આ ઉપરાંત, કંપની સેમિકન્ડક્ટર મેન્યુફેક્ચરિંગ સાધનોના ઉત્પાદન માટે એપ્લાઇડ મટિરિયલ્સ સાથે પાર્ટનરશીપ કરશે. કર્ણાટક સરકારના એક નિવેદનમાં જણાવાયું છે કે, "પ્રોજેક્ટમાં $250 મિલિયન (રૂપિયા 2,000 કરોડ)નું રોકાણ જોવા મળશે અને લગભગ 1,000 લોકોને રોજગારી મળશે."

આ પ્રોજેક્ટ માટે, બેંગ્લોર ગ્રામીણ જિલ્લામાં સ્થિત હાઇ-ટેક એરોસ્પેસ અને ડિફેન્સ પાર્ક – ફેઝ II માં જમીન ફાળવી શકાય છે. ફોક્સકોને આ માટે 35 એકર જમીન માંગી છે. કર્ણાટકના ઉદ્યોગ મંત્રી એમબી પાટીલે જણાવ્યું હતું કે, “ફોક્સકોનના ચેરમેન અને કર્ણાટક સરકાર વચ્ચેની બેઠક રાજ્યની આર્થિક સુખાકારી માટે ખૂબ જ મહત્વપૂર્ણ છે. આ સાથે રાજ્યમાં રોજગાર, ટેકનોલોજી વગેરેની સુવિધાઓ વધશે. ફોક્સકોન અને કર્ણાટક સરકાર વચ્ચેનો આ કરાર રાજ્યમાં રોકાણને પ્રોત્સાહન આપશે.

આ પણ વાંચો - Gold Rate Today: દેશના 13 મોટા શહેરોમાં આજે સસ્તુ થયું સોનું, જાણો શું હતી કિંમત