LIC Q3 Results:ડિસેમ્બર ક્વાર્ટરમાં LIC નો નફો 17% વધ્યો, પ્રીમિયમ આવકમાં પણ મોટો ઉછાળો

LIC Q3 Results: ભારતીય જીવન વીમા નિગમ (LIC)એ નાણાકીય વર્ષ 2025-26 ના ત્રીજા ક્વાર્ટરના પરિણામો જાહેર કર્યા છે. કંપનીએ નફા અને પ્રીમિયમ આવક બંનેમાં શાનદાર પ્રદર્શન કર્યું છે.

નફામાં 17.4 ટકાનો વધારો

ઓક્ટોબર થી ડિસેમ્બર 2025 ના ગાળામાં LIC નો ચોખ્ખો નફો વાર્ષિક ધોરણે 17.4 ટકા વધીને 12,930.44 કરોડ રૂપિયા થયો છે. ગયા વર્ષે સમાન ગાળામાં કંપનીનો નફો 11,008.65 કરોડ રૂપિયા હતો. નફાની સાથે સાથે કંપનીની કુલ આવક પણ વધીને 2,33,984 કરોડ રૂપિયા પર પહોંચી છે.

પ્રીમિયમ આવકની વિગત

નેટ પ્રીમિયમ આવક: 1,25,988.15 કરોડ રૂપિયા (17.4% વધારો)

નવા બિઝનેસનું પ્રીમિયમ: 10,605 કરોડ રૂપિયા (ગયા વર્ષે 7,285 કરોડ હતું)

સરકારી હિસ્સેદારી અને માર્કેટ કેપ

ડિસેમ્બર 2025 ના અંત સુધીમાં LIC માં ભારત સરકારની હિસ્સેદારી 96.50 ટકા છે. હાલમાં કંપનીનું માર્કેટ કેપ 5.31 લાખ કરોડ રૂપિયા થી વધુ છે.

LIC શેરની સ્થિતિ

5 ફેબ્રુઆરીના રોજ શેરબજારમાં ઘટાડા છતાં LIC ના શેરમાં તેજી જોવા મળી હતી:

બંધ ભાવ: 840.45 રૂપિયા (0.65% વધારો)

52 અઠવાડિયાની ઊંચી સપાટી: 980.05 રૂપિયા

52 અઠવાડિયાની નીચી સપાટી: 715.35 રૂપિયા છેલ્લા ત્રણ વર્ષમાં આ શેરે રોકાણકારોને 40 ટકા જેટલું વળતર આપ્યું છે.

શેરબજારમાં ઘટાડો

ગ્લોબલ માર્કેટના નબળા સંકેતોને કારણે ભારતીય શેરબજારમાં ગુરુવારે ઘટાડો નોંધાયો હતો. સેન્સેક્સ 503 અંક ઘટીને 83,313 પર અને નિફ્ટી 133 અંક ઘટીને 25,642 પર બંધ રહ્યા હતા. એશિયાના અન્ય બજારો જેમ કે દક્ષિણ કોરિયા અને જાપાનના બજારમાં પણ મોટો ઘટાડો જોવા મળ્યો હતો.

આ પણ વાંચો-Bharti Airtel Q3 Results: એક્સેપ્શનલ આઇટમ્સ પહેલાં નફો 25.5% વધીને ₹6,920 કરોડ