શાપૂરજી પલોનજી ગ્રુપ લાવવા જઈ રહ્યું છે IPO, ધિરાણકર્તાઓ પાસેથી માંગી આ છૂટ

શાપુરજી પલોનજી ગ્રુપ IPO લાવવાનો પ્રયાસ કરી રહ્યું છે. આ માટે જૂથે તેના ધિરાણકર્તાઓ પાસેથી મુક્તિ માંગી છે. એસપી ગ્રુપે ધિરાણકર્તાઓને આઈપીઓને ધ્યાનમાં રાખીને તેમની કેટલીક શરતો દૂર કરવા જણાવ્યું છે. આ નોટિસ કંપની દ્વારા 5 ઓક્ટોબરે જારી કરવામાં આવી હતી. તમને જણાવી દઈએ કે, SP ગ્રુપ Afcons Infrastructure Limitedનો IPO લાવવાનો પ્રયાસ કરી રહ્યું છે.

શું છે મામલો?

જૂન 2023માં એસપી ગ્રુપની કંપની ગોસ્વામી ઈન્ફ્રાટેક પ્રાઈવેટ લિમિટેડે 14,300 કરોડ રૂપિયા એકત્ર કર્યા હતા. કંપનીએ આ નાણાં નોન-કન્વર્ટિબલ ડિબેન્ચર્સ (NCDs) મારફત ઊભા કર્યા હતા. કંપનીએ આ નાણાં સર્બેરસ કેપિટલ, વર્ડે પાર્ટનર્સ, કેન્યોન કેપિટલ, ડેવિડસન કેમ્પનર અને ડચ બેંક, એડલવાઈસ સ્પેશિયલ ઓપોર્ચ્યુનિટીઝ ફંડ અને એરેસ એસએસજી જેવા વર્તમાન ધિરાણકર્તાઓ પાસેથી એકત્ર કર્યા હતા. જૂથે ગોસ્વામી ઇન્ફ્રાટેક પ્રાઇવેટ લિમિટેડ (GIPL) ના NCD ધારકો પાસેથી મુક્તિ માંગી છે.

તમને જણાવી દઈએ કે, GIPL શેરનું વેચાણ Afcons Infrastructure Limitedના IPO અને પ્રી-IPOમાં પણ સામેલ છે. આ માટે, એસપી ગ્રુપને ધિરાણકર્તાઓની સંમતિની જરૂર છે. અગાઉ 1 ઓક્ટોબરના રોજ અહેવાલ આવ્યો હતો કે Afcons હવે પ્રી-આઈપીઓમાંથી રુપિયા 4000 કરોડ અને આઇપીઓમાંથી રુપિયા 4500 કરોડ એકત્ર કરવાનો પ્રયાસ કરશે. જ્યારે અગાઉ કંપનીએ રુપિયા 7000 કરોડ એકત્ર કરવાની યોજના બનાવી હતી.

5 ઓક્ટોબરે મોકલવામાં આવેલી નોટિસમાં એસપી ગ્રૂપે પ્રી-આઈપીઓ અને આઈપીઓ દરમિયાન વેચવામાં આવેલા શેર પર મૂકેલા પ્લેજને દૂર કરવાની માંગ કરી છે. આ ઉપરાંત જૂથે અન્ય કેટલીક છૂટછાટની માંગ કરી છે.

Afcons IPO

આ IPOમાં GIPL શેરના વેચાણ ઉપરાંત, કંપની રુપિયા 1250નું ભંડોળ એકત્ર કરવા પર પણ ધ્યાન કેન્દ્રિત કરી રહી છે. કંપની IPOના નાણાંનો ઉપયોગ રુપિયા 500 કરોડનું દેવું ચૂકવવા માટે કરશે. જ્યારે અન્ય રુપિયા 150 કરોડ Cpex માટે છે અને રુપિયા 300 કરોડ ફંડીગ કેપિટલ માટે છે.

આ પણ વાંચો - LICની આ પોલિસીમાં દરરોજ 45 રૂપિયાની બચત સાથે કરો રોકાણ, મેચ્યોરિટી પર મળશે 25 લાખ રૂપિયા