Turkey earthquake: તૂર્કિયેમાં 6.1ની તીવ્રતાનો ભૂકંપ, આફ્ટરશોકથી ફફડાટ, ઈમારતો ધરાશાયી

Turkey earthquake: તૂર્કિયેના ઉત્તર-પશ્ચિમ પ્રાંત બાલિકેસિરમાં રવિવારે રાત્રે 6.1ની તીવ્રતાનો શક્તિશાળી ભૂકંપ આવ્યો, જેના કારણે અનેક ઈમારતો ધરાશાયી થઈ. ભૂકંપનું કેન્દ્ર સિંદિરગી કસ્બા હતું, અને તેના આંચકા 200 કિલોમીટર દૂર ઈસ્તંબુલ સુધી અનુભવાયા, જ્યાં 1.6 કરોડથી વધુ લોકો રહે છે. ભૂકંપ બાદ આવેલા આફ્ટરશોક, જેમાં એકની તીવ્રતા 4.6 હતી,એ લોકોમાં ભય ફેલાવ્યો.

A 6.1-magnitude earthquake strikes western #Turkey, felt across multiple provinces including #Istanbul #Earthquake #Balikesir pic.twitter.com/9iP3lZcsuQ

— Elly Israel Hamas War Updates (@elly_bar) August 10, 2025

સિંદિરગીના મેયર સેરકન સાકે જણાવ્યું કે, ભૂકંપને કારણે વિસ્તારની ઘણી ઈમારતો નુકસાન પામી છે, જેમાં એક મસ્જિદનો મિનાર પણ પડી ગયો. રેસ્ક્યૂ ટીમે અનેક લોકોને કાટમાળમાંથી બચાવ્યા છે, પરંતુ હજુ ઓપરેશન ચાલુ છે. અધિકારીઓના જણાવ્યા અનુસાર, એક વ્યક્તિનું મોત થયું છે, અને ઘણા લોકો ઈજાગ્રસ્ત થયા છે. કેટલાક લોકો હજુ કાટમાળમાં ફસાયેલા હોવાની આશંકા છે.

12/ M6.1 earthquake struck Sındırgı, Balıkesir, Western Turkey, Aug 10, 2025, 16:53 UTC. Six people now rescued from collapsed building.#deprem #sismo https://t.co/Cw83uTNr4Z pic.twitter.com/HwOAsSnAUt — GeoTechWar (@geotechwar) August 10, 2025

તૂર્કિયેની ડિઝાસ્ટર મેનેજમેન્ટ એજન્સીએ લોકોને નુકસાનગ્રસ્ત ઈમારતોથી દૂર રહેવાની સૂચના આપી છે. આફ્ટરશોકનો ખતરો હજુ યથાવત છે, જેનાથી લોકોમાં ફફડાટની સ્થિતિ છે. સરકાર અને રેસ્ક્યૂ ટીમો નુકસાનનું આકલન અને બચાવ કાર્યમાં જોડાયેલી છે.

આ પણ વાંચો-Gujarat weather forecast: ગુજરાતમાં ચોમાસાનો નવો રાઉન્ડ શરૂ, વલસાડમાં 4 ઈંચ વરસાદ, 48 તાલુકામાં મેઘમહેર