વોટ્સએપમાં આવી રહ્યો છે મોટો બદલાવ: હવે ટેલિગ્રામ-સિગ્નલ પર પણ મેસેજ કરી શકશો, એક જ એપમાંથી!

WhatsApp third party messaging: વોટ્સએપ યુઝર્સ માટે એક મોટા સમાચાર છે. હવે તમે વોટ્સએપમાંથી જ અન્ય મેસેજિંગ એપ્સ જેમ કે ટેલિગ્રામ કે સિગ્નલ પર મેસેજ મોકલી શકશો. આ ફીચર હાલમાં ડેવલપ હેઠળ છે અને બીટા ટેસ્ટિંગમાં પણ હજુ ઉપલબ્ધ નથી.

આ બદલાવ પાછળનું કારણ છે યુરોપિયન યુનિયનનો ડિજિટલ માર્કેટ્સ એક્ટ (DMA). આ નિયમ મુજબ, મોટી એપ્સે એકબીજા સાથે જોડાણ કરવું જરૂરી છે. એટલે કે, એક વ્યક્તિ વોટ્સએપ વાપરે અને બીજી ટેલિગ્રામ વાપરે, તો પણ બંને એકબીજાને મેસેજ કરી શકે – અને એ માટે બીજી એપ ઇન્સ્ટોલ કરવી પડે નહીં. વોટ્સએપ આ માટે થર્ડ-પાર્ટી ચેટનું ફીચર બનાવી રહ્યું છે, જેમાં યુઝર્સ પાસે પૂરું કંટ્રોલ રહેશે. જ્યારે ઇચ્છો ત્યારે ચાલુ કરો, ન ઇચ્છો તો બંધ રાખો.

સૌથી મહત્વની વાત છે સુરક્ષા

વોટ્સએપ પોતાની એન્ડ-ટૂ-એન્ડ એન્ક્રિપ્શન સાથે કોઈ સમાધાન નથી કરવા માગતું. તેથી અન્ય એપ્સને તેના સિગ્નલ પ્રોટોકોલનું પાલન કરવું પડશે. દરેક થર્ડ-પાર્ટી સર્વિસે ટેક્નિકલ વેરિફિકેશન પાસ કરવું પડશે, જેથી મેસેજ સંપૂર્ણ સુરક્ષિત રહે. આમ, યુઝર્સની ખાનગી માહિતી અને સુરક્ષા બંને જળવાઈ રહેશે.

આ થર્ડ-પાર્ટી ચેટમાં માત્ર બેસિક ફિચર્સ જ મળશે. તમે ટેક્સ્ટ મેસેજ, ફોટો, વીડિયો, વૉઇસ મેસેજ અને ડોક્યુમેન્ટ્સ મોકલી શકશો. યુઝર્સને બે પ્રકારનું ઇન્ટરફેસ પસંદ કરવાનો ઓપ્શન મળશે – એકમાં બધા મેસેજ એકસાથે અને બીજામાં વોટ્સએપ અને થર્ડ-પાર્ટી મેસેજ અલગ-અલગ. પરંતુ સ્ટેટસ, સ્ટિકર્સ કે ડિસએપિયરિંગ મેસેજ જેવી વધારાની સુવિધાઓ અહીં નહીં મળે.

ગ્રુપ ચેટ પણ આવશે

વોટ્સએપ અન્ય એપ્સ સાથે ગ્રુપ ચેટને સપોર્ટ કરશે, પરંતુ એ માટે ગ્રુપના દરેક સભ્યએ આ સુવિધા ચાલુ કરેલી હોવી જરૂરી છે. ગ્રુપ બન્યા પછી તેમાં પણ મૂળભૂત સુવિધાઓ કામ કરશે. સિક્રસી યુઝર્સના હાથમાં રહેશે. તમે નક્કી કરી શકો કે કોણ તમને થર્ડ-પાર્ટી ગ્રુપમાં ઉમેરી શકે. દરેક વ્યક્તિ, માય કૉન્ટેક્ટ્સ, માય કૉન્ટેક્ટ્સ અને થર્ડ-પાર્ટી એપના લોકો, માત્ર માય કૉન્ટેક્ટ્સ, માય કૉન્ટેક્ટ્સ સિવાય કોઈ નહીં, અથવા કોઈને નહીં. આ ફીચરથી યુઝર્સને વધુ સગવડ મળશે, પરંતુ વોટ્સએપની સુરક્ષા અને સિક્રસી પર કોઈ અસર નહીં પડે.

આ પણ વાંચો- સોનાની ચમક વધી: 23 દેશો વધારી રહ્યા છે ગોલ્ડ રિઝર્વ, ઇતિહાસમાં પહેલીવાર થઈ રહ્યું છે આવું!