અગ્નિવીરો માટે મોટી ખુશખબર: 4 વર્ષ પછી બહાર નહીં થાય, 2 વર્ષનું એક્સ્ટેન્શન અને પાકી નોકરીની તક, CDSની મોટી જાહેરાત

Agnipath Scheme update: અગ્નિપથ યોજના હેઠળ ભરતી થયેલા અગ્નિવીરો માટે સરકાર તરફથી એક ઐતિહાસિક અને રાહતભર્યા સમાચાર આવ્યા છે. ચીફ ઓફ ડિફેન્સ સ્ટાફ જનરલ એસ રાજા સુબ્રમણિએ અગ્નિવીરોના ભવિષ્યને લઈને એક મોટી જાહેરાત કરી છે. હવે 4 વર્ષની સેવા પૂરી કર્યા બાદ અગ્નિવીરોને સીધા બહાર નહીં કાઢવામાં આવે, પરંતુ તેમને 2 વર્ષનું એક્સ્ટેન્શન અને ત્યારબાદ સેનામાં કાયમી રીતે જોડાવાની તક મળશે. ચાલો, આ નવા મોડેલની દરેક વિગત સરળ ભાષામાં સમજીએ.

નવું રી-એંગેજમેન્ટ મોડેલ: શું બદલાશે?

25% સીધા પાકા: મૂળ નિયમ મુજબ, 4 વર્ષનો કાર્યકાળ પૂરો કરનારા અગ્નિવીરોમાંથી 25% ને મેરિટના આધારે સીધા સેનાના રેગ્યુલર કેડરમાં સામેલ કરવામાં આવશે.

75% ને 2 વર્ષનું એક્સ્ટેન્શન: બાકીના 75% અગ્નિવીરોને બહાર કરવાને બદલે 2 વર્ષનો બીજો એંગેજમેન્ટ પીરિયડ આપવામાં આવશે.

6 વર્ષ બાદ તમામને તક: 4 વર્ષ (પ્રથમ કાર્યકાળ) + 2 વર્ષ (બીજો કાર્યકાળ) એટલે કે કુલ 6 વર્ષની સેવા પૂરી થયા બાદ, પસંદગી માપદંડ અને વ્યક્તિગત ઇચ્છાના આધારે તમામ અગ્નિવીરોને ભારતીય સશસ્ત્ર દળોમાં સ્થાયી રીતે સમાવિષ્ટ થવાની તક મળશે.

વધારેલો પગાર અને ભથ્થાં: બીજા એંગેજમેન્ટ પીરિયડ (5મા અને 6ઠ્ઠા વર્ષ) દરમિયાન અગ્નિવીરોને પહેલાં કરતાં વધુ પગાર અને અન્ય સુવિધાઓ મળશે.

મહિલાઓ માટે પણ ખુલ્યા નવા રસ્તા

CDS સુબ્રમણિએ સ્પષ્ટ કર્યું કે સંરક્ષણ દળોની અનેક નવી શાખાઓ હવે મહિલાઓ માટે ખોલી દેવામાં આવી છે. અગ્નિપથ યોજના હેઠળ મહિલા અગ્નિવીરોની ભાગીદારી સતત વધી રહી છે. તેમને થલસેના, નૌસેના અને વાયુસેનાના વિવિધ કોરમાં સેવા આપવાની સમાન તક મળી રહી છે.

આ નિર્ણય કેમ મહત્ત્વનો છે?

અગ્નિપથ યોજના શરૂ થઈ ત્યારથી એક મોટી ચિંતા એ હતી કે 4 વર્ષ પછી 75% યુવાનોને બહાર કરવામાં આવશે. આ નિર્ણયથી અગ્નિવીરોનું ભવિષ્ય વધુ સુરક્ષિત બનશે. યુવાનોને સેનામાં 6 વર્ષનો લાંબો અનુભવ મળશે, સાથે વધુ પગાર અને ભથ્થાં પણ મળશે. સેનાને 6 વર્ષના કડક તાલીમ અને અનુભવમાંથી પસાર થયેલા પરિપક્વ અને શારીરિક રીતે ફિટ જવાનો મળશે.

આ પણ વાંચો-દિવાળી પહેલાં મોંઘવારીનો માર: ખાંડ 4 રૂપિયા પ્રતિ કિલો મોંઘી થઈ, જાણો તમારા શહેરમાં શું છે ભાવ