નેપાળમાં કુદરતનો કહેર: મનાસ્લુ વિસ્તારના ક્રક ગામ નજીક ભયાવહ ભૂસ્ખલન, અઢી મહિનામાં ત્રીજી મોટી તબાહી

નેપાળમાં કુદરત જાણે રૂઠી ગઈ છે. છેલ્લા અઢી મહિનામાં ત્રીજી મોટી કુદરતી આફતે દેશને હચમચાવી દીધો છે. મનાસ્લુ વિસ્તારના ક્રક ગામ નજીક પહાડનો વિશાળ ભાગ તૂટી પડતાં ભયાવહ ભૂસ્ખલન થયું છે. આ ઘટનામાં અનેક મકાનો ધ્વસ્ત થયા છે, રસ્તાઓ બંધ થઈ ગયા છે અને સ્થાનિક લોકોમાં ભયનો માહોલ ફેલાઈ ગયો છે.

શું બન્યું ક્રક ગામ નજીક?

લોકોએ જીવ બચાવવા ભાગવું પડ્યું

ઘટનાની જાણ થતાં જ ઊંચા પહાડી વિસ્તારમાં રહેતા લોકોમાં ભારે દહેશત ફેલાઈ ગઈ. લોકોએ પોતાના ઘર છોડીને સુરક્ષિત સ્થળો તરફ ભાગવું પડ્યું. જે લોકો કાટમાળમાં ફસાયા હોવાની આશંકા છે, તેમને શોધવા માટે રેસ્ક્યુ ટીમ યુદ્ધના ધોરણે કામગીરી ચલાવી રહી છે.

રાહત કાર્યમાં ખરાબ હવામાન બન્યું અવરોધ

બચાવ ટીમ ઘટનાસ્થળે પહોંચી ગઈ છે, પરંતુ ખરાબ હવામાન રાહત કાર્યમાં સૌથી મોટો અવરોધ બની રહ્યું છે. વરસાદ અને ધુમ્મસને કારણે હેલિકોપ્ટર ઉડાન ભરવામાં મુશ્કેલી પડી રહી છે અને પગપાળા પહોંચવું પણ ખતરનાક બન્યું છે.

અઢી મહિનામાં ત્રીજી મોટી આફત

નેપાળ માટે આ વર્ષ ખૂબ જ મુશ્કેલ સાબિત થઈ રહ્યું છે. અગાઉ ગ્લેશિયર તૂટવાથી આવેલા ભીષણ પૂર અને લેન્ડસ્લાઇડની ઘટનાઓએ દેશને હચમચાવી દીધો હતો. ખાસ કરીને ઓગસ્ટ મહિનામાં મનાસ્લુ ક્ષેત્રમાં જ મોટી કુદરતી આફત સર્જાઈ હતી, જેના ઘા હજુ રૂઝાયા પણ નથી ત્યાં ફરીથી આ નવી ઘટના બની ગઈ.

પ્રવાસન અને અવરજવર પર અસર

મનાસ્લુ વિસ્તાર ટ્રેકિંગ અને પ્રવાસન માટે વિશ્વભરમાં પ્રખ્યાત છે. આ ભૂસ્ખલનને કારણે પ્રવાસન પ્રવૃત્તિઓ પર ગંભીર અસર પડવાની આશંકા છે. સાથે જ, સ્થાનિક સ્તરે થતી અવરજવર પણ ખોરવાઈ ગઈ છે, કારણ કે મુખ્ય રસ્તાઓ કાટમાળ નીચે દબાઈ ગયા છે.

આ પણ વાંચો-અમેરિકામાં ભારતીય મૂળના નેતાઓનો ડંકો! સુહાસ સુબ્રમણ્યમ અને અરુણા મિલર ફરી જીત્યા, પિયા દાંડિયાએ રચ્યો ઇતિહાસ, રામાસ્વામીને ઝટકો