Cyber Fraud Artificial Intelligence: ભારતમાં AI બનશે સાઇબર ફ્રોડનો કાળ, સરકારનો નવો પ્લાન લાવશે ઓનલાઇન છેતરપિંડી પર લગામ

Cyber Fraud Artificial Intelligence: ભારતમાં ઓનલાઇન છેતરપિંડીના કેસ ઝડપથી વધી રહ્યા છે. CERT-Inના આંકડા મુજબ, 2022માં 10.2 લાખ સાઇબર ક્રાઇમની ફરિયાદો હતી, જે 2024માં વધીને 22.6 લાખ થઈ ગઈ છે. આ સંખ્યા દર્શાવે છે કે સાઇબર અપરાધીઓની ટેકનિક પણ વધુ જટિલ થઈ રહી છે. આને રોકવા માટે ભારત સરકારે 'Curbing Cyber Frauds in Digital India' નામનો નવો પ્લાન શરૂ કર્યો છે, જે આર્ટિફિશિયલ ઇન્ટેલિજન્સ (AI) અને મશીન લર્નિંગ (ML)નો ઉપયોગ કરીને ઓનલાઇન ફ્રોડને ઝડપથી શોધીને રોકશે.

સરકારનો ત્રણ આધારવાળો પ્લાન

AI અને MLથી ફ્રોડ શોધવું: AI ટેકનોલોજીની મદદથી સંદિગ્ધ ટ્રાન્ઝેક્શનને તાત્કાલિક શોધી શકાશે. આ ટેકનોલોજી બેંકો અને પોલીસને છેતરપિંડીવાળા ટ્રાન્સફરને રોકવામાં મદદ કરશે.

સાઇબર હેલ્પલાઇન: રાષ્ટ્રીય સાઇબર હેલ્પલાઇન નંબર 1930 અને cybercrime.gov.in વેબસાઇટને AI સાથે જોડવામાં આવશે. આનાથી બેંકો, ટેલિકોમ કંપનીઓ અને પોલીસ ઝડપથી એકસાથે કામ કરી શકશે.

પોલીસને ખાસ તાલીમ

સરકારે ટેકનોલોજીની સાથે માનવ સંસાધનને પણ તૈયાર કર્યું છે. 'CyTrain' પ્લેટફોર્મ દ્વારા 1.05 લાખ પોલીસકર્મીઓને સાઇબર ક્રાઇમ અને ડિજિટલ પુરાવાઓની તાલીમ આપવામાં આવી છે. ઉપરાંત, Information Technology Act, ઇન્ટરમીડિયરી ગાઇડલાઇન્સ અને ડિજિટલ પર્સનલ ડેટા પ્રોટેક્શન એક્ટ 2023 જેવા કાયદાઓએ ઓનલાઇન પ્લેટફોર્મની જવાબદારી વધારી છે.

ઓનલાઇન ફ્રોડથી બચવાની 5 ટિપ્સ

1) OTP, પાસવર્ડ કે UPI પિન ક્યારેય શેર ન કરો.

2) એપ્સ ફક્ત અધિકૃત સ્ટોરમાંથી ડાઉનલોડ કરો.

3) બધા એકાઉન્ટમાં ટુ-ફેક્ટર ઓથેન્ટિકેશન (2FA) ચાલુ રાખો.

4) સંદિગ્ધ ટ્રાન્ઝેક્શનને તરત 1930 અથવા cybercrime.gov.in પર રિપોર્ટ કરો.

5) એપની સેટિંગ્સ અને પરમિશન નિયમિત ચેક કરો.

આ પ્લાનથી ભારત ડિજિટલ દુનિયામાં વધુ સુરક્ષિત બનશે અને સાઇબર ફ્રોડનો ભય ઘટશે.

આ પણ વાંચો- Canada Indians: કેનેડામાં ભારતીયોને શા માટે બળજબરીથી દેશનિકાલ કરવામાં આવે છે? છેલ્લા 6 વર્ષથી સતત વધતી સંખ્યા