Atiq Ahmed: ઉમેશ પાલ અપહરણ કેસમાં અતીક અહેમદને આજીવન કેદ, અશરફ સહિત 7 નિર્દોષ, 17 વર્ષ બાદ મળ્યો ન્યાય

Atiq Ahmed: ઉમેશ પાલ અપહરણ કેસમાં 17 વર્ષ બાદ પ્રયાગરાજ કોર્ટે ચુકાદો આપ્યો છે. ઉમેશ પાલ અપહરણ કેસમાં માફિયામાંથી રાજકારણી બનેલા અતીક અહેમદ સહિત ત્રણ આરોપીઓને આજીવન કેદની સજા ફટકારવામાં આવી છે. સમાચાર એજન્સી પીટીઆઈ અનુસાર, પ્રયાગરાજની સાંસદ-ધારાસભ્ય કોર્ટે ઉમેશ પાલ અપહરણ કેસમાં માફિયામાંથી રાજકારણી બનેલા અતીક અહેમદ સહિત ત્રણ આરોપીઓને દોષિત ઠેરવ્યા છે. વિશેષ અદાલતે આ કેસમાં બાકીના તમામ સાત આરોપીઓને નિર્દોષ જાહેર કર્યા છે. મીડિયા રિપોર્ટ્સ અનુસાર, પ્રયાગરાજ કોર્ટે અતીકના ભાઈ અશરફ અહેમદ સહિત 10માંથી સાત આરોપીઓને નિર્દોષ જાહેર કર્યા છે.

આ કેસમાં કુલ 11 આરોપી હતા, પરંતુ તેમાંથી એકનું મોત થઈ ગયું છે. આ પહેલા સોમવારે અતીક અહેમદને ગુજરાતની સાબરમતી જેલમાંથી પ્રયાગરાજ લાવવામાં આવ્યો હતો. જ્યારે તેના ભાઈ અશરફને બરેલીથી પ્રયાગરાજ લાવવામાં આવ્યો હતો. ગેંગસ્ટર-રાજકારણી અતીક અહેમદને 2006ના બીએસપી ધારાસભ્ય રાજુ પાલ હત્યા કેસમાં મુખ્ય સાક્ષી ઉમેશ પાલના અપહરણના સંબંધમાં મંગળવારે પ્રયાગરાજ કોર્ટમાં રજૂ કરવામાં આવ્યો હતો.

Atiq Ahmed's brother Khalid Azim alias Ashraf acquitted by Prayagraj court in Umesh Pal kidnapping case

— Press Trust of India (@PTI_News) March 28, 2023

ઉમેશે આરોપ લગાવ્યો હતો કે અતીકે તેની પર હુમલો કર્યો અને જાનથી મારી નાખવાની ધમકી આપી. અતીક પર આરોપ છે કે તેણે 2006માં બસપા ધારાસભ્ય રાજુ પાલ હત્યા કેસના સાક્ષી ઉમેશ પાલનું અપહરણ કર્યું હતું.

Prayagraj court convicts three including Atiq Ahmed in Umesh Pal kidnapping case

— Press Trust of India (@PTI_News) March 28, 2023

2006માં અપહરણ કર્યું હતું

ઉમેશે તેની તહરિરમાં જણાવ્યું હતું કે જ્યારે તેણે રાજુ પાલ હત્યા કેસમાં અતિકના દબાણમાં પીછેહઠ કરવાનો ઇનકાર કર્યો હતો, ત્યારે તેણે 28 ફેબ્રુઆરી, 2006ના રોજ બંદૂકની અણી પર તેનું અપહરણ કર્યું હતું. અતીક, તેના ભાઈ અશરફ અને ચાર અજાણ્યા લોકો સામે 5 જુલાઈ, 2007ના રોજ એફઆઈઆર નોંધવામાં આવી હતી. પોલીસે તેની ચાર્જશીટમાં 11 આરોપીઓની ધરપકડનો ઉલ્લેખ કર્યો હતો. અતીક અહેમદ પર 100થી વધુ ગુનાહિત કેસ નોંધાયેલા છે.

25 જાન્યુઆરી 2005ના રોજ રાજુ પાલની ગોળી મારીને હત્યા કરવામાં આવી હતી. આ કેસમાં અતીક અહેમદ, તેના ભાઈ અશરફ સહિત 5 આરોપીના નામ હતા. જ્યારે ચાર અજાણ્યાને આરોપી બનાવાયા હતા. આ કેસમાં રાજુ પાલના સંબંધી ઉમેશ પાલ મુખ્ય સાક્ષી હતા. આ કેસમાં બાહુબલી અતીક અહેમદ, તેના ભાઈ અશરફ સહિત 11 આરોપી છે.

ઉમેશ પાલની હત્યા

આ વર્ષે 24 ફેબ્રુઆરીના રોજ રાજુ પાલ હત્યા કેસના મુખ્ય સાક્ષી ઉમેશ પાલ અને તેના બે સુરક્ષાકર્મીઓની ગોળી મારીને હત્યા કરવામાં આવી હતી. બીજા જ દિવસે, ઉમેશ પાલની પત્નીની ફરિયાદ પર, ધૂમનગંજ પોલીસ સ્ટેશનમાં અતીક અહેમદ, તેના ભાઈ અશરફ, પત્ની શાઇસ્તા પરવીન અને અન્ય ઘણા લોકો વિરુદ્ધ FIR નોંધવામાં આવી હતી. અતીકના પુત્ર અસદ અને તેના અન્ય સાથીઓએ કરેલા બોમ્બ હુમલામાં ઉમેશ પાલનું મોત થયું હતું.

માફિયાને ગુજરાતમાંથી પ્રયાગરાજ લવાયો

ઉમેશ પાલ હત્યા કેસમાં નામ આપવામાં આવેલા માફિયા અતીક અહેમદ અને તેના ભાઈ અશરફને સોમવારે સાંજે ભારે સુરક્ષા વચ્ચે ગુજરાતની સાબરમતી જેલમાંથી પ્રયાગરાજની નૈની સેન્ટ્રલ જેલમાં લાવવામાં આવ્યા હતા. સોમવારે બપોરથી જ નૈની જેલમાં ભારે પોલીસ બંદોબસ્ત ગોઠવી દેવામાં આવ્યો હતો અને ત્યાં મીડિયા કર્મચારીઓનો જમાવડો હતો. આ ઉપરાંત, નૈની જેલના મુખ્ય દરવાજા પર પોલીસ દળો તૈનાત કરવામાં આવ્યા હતા અને બહારના લોકોના પ્રવેશ પર પ્રતિબંધ મૂકવામાં આવ્યો હતો.

નૈની સેન્ટ્રલ જેલના એક અધિકારીએ જણાવ્યું કે અતીક અહેમદ અને તેના ભાઈ અશરફને ઉચ્ચ સુરક્ષા બેરેકમાં રાખવામાં આવ્યા છે. તેણે જણાવ્યું કે અતીકના પુત્ર અલીને અલગ બેરેકમાં રાખવામાં આવ્યો છે. પ્રયાગરાજ પોલીસ કમિશનર રમિત શર્માના જણાવ્યા અનુસાર, 17 વર્ષ જૂના અપહરણ કેસના આરોપીઓને 28 માર્ચે કોર્ટમાં રજૂ કરવામાં આવનાર છે.

આ પણ વાંચો - સાવરકરના પૌત્રે રાહુલ ગાંધીને FIRની આપી ચેતવણી! કહ્યું- કોંગ્રેસના ઘણા નેતાઓ પણ તેમના નિવેદનથી નારાજ