દેશમાં ઝડપથી ફેલાઈ રહ્યું છે કોરોના સંક્રમણ, એક દિવસમાં નોંધાયા 5880 નવા કેસ, આજે અનેક પ્રદેશોમાં મોકડ્રીલનું આયોજન

Coronavirus Updates: દેશમાં ફરી એકવાર કોરોનાનો ફેલાવો શરૂ થયો છે. છેલ્લા 24 કલાકમાં ભારતમાં કોરોનાના 5880 નવા કેસ નોંધાયા છે. આ દરમિયાન કોરોના સંક્રમણને કારણે 12 લોકોના મોતના સમાચાર સામે આવ્યા છે. આ સાથે હવે દેશમાં સક્રિય દર્દીઓની સંખ્યા વધીને 35,199 થઈ ગઈ છે. રોજનો પોઝિટિવિટી રેટ વધીને 6.91 ટકા થઈ ગયો છે. એટલે કે દર 100 ટેસ્ટમાંથી લગભગ 7 લોકો કોરોના સંક્રમિત થઈ રહ્યા છે. દેશમાં સાપ્તાહિક સકારાત્મકતા દર વધીને 3.67 ટકા થઈ ગયો છે. આ પહેલા રવિવારે 5357 નવા કેસ નોંધાયા હતા. બીજી તરફ શનિવારે 6155 નવા કેસ નોંધાયા છે.

મહારાષ્ટ્રમાં છેલ્લા 24 કલાકમાં કોવિડ-19ના 788 નવા કેસ નોંધાયા છે. રવિવારની સરખામણીમાં અહીં 45 ટકાનો વધારો થયો છે. આ દરમિયાન એક દર્દીનું મોત થયું છે. આ સાથે રાજ્યમાં કુલ દર્દીઓની સંખ્યા વધીને 4587 થઈ ગઈ છે. બીજી તરફ મહારાષ્ટ્રમાં રવિવારે 542 નવા કેસ નોંધાયા હતા.

આજે કોરોનાને લઈને દેશભરની હોસ્પિટલોમાં મોકડ્રીલ કરવામાં આવી રહી છે. કેન્દ્રીય આરોગ્ય પ્રધાન મનસુખ માંડવિયાએ 7 એપ્રિલે યોજાયેલી સમીક્ષા બેઠકમાં રાજ્યના આરોગ્ય પ્રધાનોને હોસ્પિટલની મુલાકાત લેવા અને મોક ડ્રીલ નિહાળવા વિનંતી કરી હતી. આવી સ્થિતિમાં 10 અને 11 એપ્રિલના રોજ મોકડ્રીલ કરવામાં આવી રહી છે. કેન્દ્રીય મંત્રી 10મી એપ્રિલે એઈમ્સ, ઝજ્જર ખાતે મોક ડ્રીલનું નિરીક્ષણ કરશે. દેશભરમાં યોજાનારી આ મોક ડ્રીલનો ખરો હેતુ સમયસર ત્રુટિઓને સુધારી વધુ સારી રીતે તૈયારી કરવાનો છે. તમિલનાડુના આરોગ્ય મંત્રી સુબ્રમણ્યને ચેન્નાઈની રાજીવ ગાંધી જનરલ હોસ્પિટલમાં મોક ડ્રીલનું નિરીક્ષણ કર્યું હતું.

#WATCH | Tamil Nadu Health Minister Ma Subramanian inspects mock drill for emergency response for handling Covid19 at Rajiv Gandhi General Hospital in Chennai

A nationwide Covid19 preparedness drill in hospitals is being conducted today. pic.twitter.com/c129ny653W — ANI (@ANI) April 10, 2023

દિલ્હીમાં પોઝિટિવિટી રેટ 21.15 ટકા

દેશની રાષ્ટ્રીય રાજધાની દિલ્હીમાં કોરોનાના લગભગ 700 કેસ મળી આવ્યા છે. રાજ્યમાં એક્ટિવ કેસની સંખ્યા વધીને 2500 થઈ ગઈ છે. છેલ્લા 24 કલાકમાં દિલ્હીમાં 3305 ટેસ્ટ કરવામાં આવ્યા છે. તેમાંથી 699 લોકો કોરોના સંક્રમિત જોવા મળ્યા છે. પોઝિટિવિટી રેટ વધીને 21.15 ટકા થઈ ગયો છે.

આ પણ વાંચો - બિલ પેમેન્ટ્સથી શો પરેશાન, એ પછી હોય વીજ બિલ કે પછી હોય રિચાર્જ, આ બે કાર્ડથી કરો પેમેન્ટ, મળશે અનેક ફાયદા