India US Tariff Deal: ટ્રમ્પ અને મોદીના દાવા અલગ-અલગ? અમેરિકા સાથેની ટેરિફ ડીલ પર ચીન પણ બોલ્યું, જાણો શું છે મામલો

India US Tariff Deal: અમેરિકાના રાષ્ટ્રપતિ ડોનાલ્ડ ટ્રમ્પ અને ભારતના વડાપ્રધાન નરેન્દ્ર મોદી વચ્ચે હાલમાં જ ટેરિફ (આયાત શુલ્ક) અંગે એક મહત્વની વાતચીત થઈ છે. આ ડીલ બાદ અમેરિકાએ ભારત પર લાગતો ટેરિફ 50 ટકાથી ઘટાડીને સીધો 18 ટકા કરી દીધો છે. જોકે, આ બંને દેશો વચ્ચે થયેલી સમજૂતી પર હવે પાડોશી દેશ ચીનનું રિએક્શન આવ્યું છે. ચીનનું કહેવું છે કે ટ્રમ્પ અને મોદી બંનેના દાવાઓમાં મોટો તફાવત જોવા મળી રહ્યો છે.

ચીનને શેની નવાઈ લાગી?

ચીનના સરકારી મીડિયા 'ગ્લોબલ ટાઈમ્સ'ના અહેવાલ મુજબ, એક એક્સપર્ટે દાવો કર્યો છે કે ભલે અમેરિકા અને મોદી સરકાર વચ્ચે ટેરિફ ઘટાડવા પર સહમતિ બની ગઈ હોય, પરંતુ બંને નેતાઓના નિવેદનો એકબીજા સાથે મેચ થતા નથી. ચીનની સિંઘુઆ યુનિવર્સિટીના નેશનલ સ્ટ્રેટેજી ઈન્સ્ટિટ્યૂટના ડાયરેક્ટર કિયાંગ ફેંગે જણાવ્યું કે, બંને નેતાઓની ભાષામાં મોટું અંતર દેખાઈ રહ્યું છે.

ડોનાલ્ડ ટ્રમ્પનો દાવો શું છે?

પીએમ મોદીએ શું કહ્યું?

બીજી તરફ, ભારત સરકાર કે પીએમ મોદી તરફથી ટ્રમ્પના આ દાવાઓ પર કોઈ સીધી વાત કરવામાં આવી નથી. ડોનાલ્ડ ટ્રમ્પના નિવેદન બાદ વડાપ્રધાન નરેન્દ્ર મોદીએ જે ટ્વીટ કર્યું, તેમાં તેમણે રશિયન તેલ કે ઝીરો ટેરિફ જેવી કોઈ વાતનો ઉલ્લેખ નથી કર્યો. પીએમ મોદીએ માત્ર અમેરિકાનો આભાર માન્યો છે અને દુનિયામાં શાંતિ સ્થાપવા માટે ડોનાલ્ડ ટ્રમ્પના પ્રયાસોના વખાણ કર્યા છે. ચીનનું કહેવું છે કે મોદીએ ટ્રમ્પના રશિયન તેલવાળા દાવા પર મૌન સેવ્યું છે, જે ઘણું સૂચક છે.

પહેલીવાર નથી બન્યું આવું

ચીનના એક્સપર્ટ કિયાંગ ફેંગનું કહેવું છે કે, આ પહેલીવાર નથી જ્યારે ટ્રમ્પે આવો દાવો કર્યો હોય કે ભારત રશિયન તેલ ખરીદવાનું બંધ કરશે. ભૂતકાળમાં પણ ટ્રમ્પ આવા દાવા કરી ચૂક્યા છે અને ભારતે તેને નકારી કાઢ્યા છે. ચીનનું માનવું છે કે ટ્રમ્પના દાવાઓ સાચા છે કે નહીં, તે તો ત્યારે જ કન્ફર્મ થશે જ્યારે ભારત સરકાર સત્તાવાર રીતે કોઈ જાહેરાત કરે. હાલ તો બંને નેતાઓના અલગ-અલગ સૂરને કારણે ચીન આ ડીલને શંકાની નજરે જોઈ રહ્યું છે.

આ પણ વાંચો- Gold-Silver Price: સોના-ચાંદીના ભાવમાં ભૂકંપ! ક્રેશ થયા બાદ સીધો 21,000 રૂપિયાનો ઉછાળો, જાણો આજના લેટેસ્ટ ભાવ