વિદેશ યાત્રા જનારા માટે મોટા સમાચાર: ભારતીય પાસપોર્ટ 2026 રેન્કિંગમાં 84મા ક્રમે, હવે 55 દેશોમાં મળશે વિઝા ફ્રી એન્ટ્રી

Indian passport ranking 2026: જો તમે વિદેશ ફરવા જવાનો પ્લાન બનાવી રહ્યા છો, તો તમારા માટે એક મહત્વના સમાચાર છે. ભારતીયો માટે હવે દુનિયાના ઘણા દેશોમાં ફરવું આસાન બની ગયું છે. તાજેતરમાં જ વર્ષ 2026નો લેટેસ્ટ Henley Passport Index જાહેર કરવામાં આવ્યો છે. આ નવા રિપોર્ટ મુજબ ભારતીય પાસપોર્ટની તાકાતમાં થોડો વધારો જોવા મળ્યો છે, પરંતુ વિઝા ફ્રી દેશોની સંખ્યામાં ઘટાડો નોંધાયો છે.

પાસપોર્ટ રેન્કિંગમાં સતત ઉતાર-ચઢાવ

વર્ષ 2026 માં ભારતીય પાસપોર્ટના રેન્કિંગમાં ઘણો ઉતાર-ચઢાવ જોવા મળ્યો છે. આંકડાઓ પર નજર કરીએ તો:

* જાન્યુઆરીમાં ભારત 80મા ક્રમે હતું.

* જુલાઈ મહિનામાં રેન્કિંગ ઘટીને 81 થયું.

* હવે ઓક્ટોબર 2026 ના લેટેસ્ટ રિપોર્ટમાં ભારત 84મા ક્રમે છે.

ગયા વર્ષે ઓક્ટોબરમાં ભારત 85મા નંબર પર હતું. એટલે કે ગયા વર્ષની સરખામણીમાં એક પાયદાનનો સુધારો ચોક્કસ થયો છે, પરંતુ ટ્રાવેલ એક્સપર્ટ્સનું કહેવું છે કે રેન્કિંગ સુધરવા છતાં ટ્રાવેલ ફ્રીડમ (પ્રવાસની સ્વતંત્રતા) ઘટી છે. કારણ કે વિઝા વિના જઈ શકાય તેવા દેશોની સંખ્યા 57 થી ઘટીને હવે 55 થઈ ગઈ છે.

કેવી રીતે નક્કી થાય છે આ ઇન્ડેક્સ?

તમને જણાવી દઈએ કે Henley & Partners દ્વારા આ ઇન્ડેક્સ બહાર પાડવામાં આવે છે. જેમાં દુનિયાના 199 પાસપોર્ટ અને 227 ડેસ્ટિનેશન (દેશો/જગ્યાઓ) ના આધારે રેન્કિંગ નક્કી કરવામાં આવે છે. આ માટેનો સત્તાવાર ડેટા ઈન્ટરનેશનલ એર ટ્રાન્સપોર્ટ એસોસિએશન (IATA) પાસેથી લેવામાં આવે છે.

આ 55 દેશોમાં માણો વિઝા ફ્રી એન્ટ્રીની મજા

નવા રિપોર્ટ મુજબ ભારતીયો હવે 55 દેશોમાં અગાઉથી વિઝા લીધા વિના મુસાફરી કરી શકશે. જેમાં થાઈલેન્ડ, મલેશિયા, મોરેશિયસ, ભૂટાન, નેપાળ અને માલદીવ જેવા ભારતીયોના સૌથી ફેવરિટ ડેસ્ટિનેશન સામેલ છે.

સંપૂર્ણ લિસ્ટ નીચે મુજબ છે:

અંગોલા, બાર્બાડોસ, ભૂટાન, બ્રિટિશ વર્જિન આઇલેન્ડ્સ, બુરુન્ડી, કંબોડિયા, કોમોરો આઇલેન્ડ્સ, જિબૂતી, ડોમિનિકા, ઇથોપિયા, ફિજી, ગ્રેનેડા, ગિની-બિસાઉ, હૈતી, ઇન્ડોનેશિયા, જમૈકા, જોર્ડન, કઝાકિસ્તાન, કેન્યા, કિરિબાતી, લાઓસ, મકાઉ, મેડાગાસ્કર, મલેશિયા, માલદીવ, માર્શલ આઇલેન્ડ્સ, મોરેશિયસ, માઇક્રોનેશિયા, મંગોલિયા, મોન્ટસેરાત, મોઝામ્બિક, મ્યાનમાર, નેપાળ, નિયૂ, પલાઉ, ફિલિપાઇન્સ, કતાર, રવાન્ડા, સમોઆ, સેનેગલ, સેશેલ્સ, સિએરા લિયોન, શ્રીલંકા, સેન્ટ કિટ્સ એન્ડ નેવિસ, સેન્ટ લુસિયા, સેન્ટ વિન્સેન્ટ એન્ડ ગ્રેનેડાઇન્સ, તાન્ઝાનિયા, થાઈલેન્ડ, ગામ્બિયા, તિમોર-લેસ્તે, ત્રિનિદાદ એન્ડ ટોબેગો, તુવાલુ, વાનુઅતુ અને ઝિમ્બાબ્વે.

ટૂરિઝમ સેક્ટરને મળશે મોટો બૂસ્ટ

વિઝા ફ્રી દેશોની આ યાદીથી ટૂરિઝમ ઇન્ડસ્ટ્રીમાં ખુશીનો માહોલ છે. ટ્રાવેલ એસોસિએશનના જણાવ્યા અનુસાર, દિવાળી અને ક્રિસમસની રજાઓ માટે થાઈલેન્ડ અને મલેશિયા જેવા દેશોમાં એડવાન્સ બુકિંગમાં 20-25% નો ઉછાળો આવવાની આશા છે. ગયા વર્ષે લાંબી વિઝા પ્રોસેસના કારણે બુકિંગમાં 30% નો ઘટાડો નોંધાયો હતો. પરંતુ આ વખતે વહેલી શિયાળુ રજાઓ (અર્લી વિન્ટર હોલિડે) ને કારણે લોકોમાં વિદેશ પ્રવાસનો ક્રેઝ વધ્યો છે અને ડિમાન્ડ ખૂબ તેજ બની છે.

ટૂંકમાં કહીએ તો, ભલે વિઝા ફ્રી દેશોની સંખ્યા 57 થી 55 થઈ હોય, પરંતુ એશિયાના મુખ્ય અને સુંદર દેશો હજુ પણ આ લિસ્ટમાં હોવાથી ભારતીય પ્રવાસીઓને રજાઓ ગાળવા માટે કોઈ મોટી મુશ્કેલીનો સામનો કરવો પડશે નહીં.

આ પણ વાંચો- નોકરીયાતો માટે મોટા સમાચાર: આગામી વર્ષે મળશે બમ્પર સેલરી હાઇક, Aonના સર્વેમાં જાણો કયા સેક્ટરમાં થશે સૌથી વધુ પગાર વધારો