Singapore Airlines જુલાઈથી તમામ કેબિન ક્લાસમાં ઓફર કરશે ફ્રી વાઈ-ફાઈ

Singapore Airlines 1 જુલાઈ, 2023 થી તેની ફ્લાઇટ્સ પર તમામ કેબિન ક્લાસમાં મુસાફરોને અમર્યાદિત ઇન્ટરનેટ કનેક્ટિવિટી પ્રોવાઇડ કરશે. એરલાઈને બુધવારે પોતાનો નિર્ણય જાહેર કર્યો હતો. હાલમાં, આ સર્વિસ સ્યુટ, ફર્સ્ટ ક્લાસ અને બિઝનેસ ક્લાસ સેગમેન્ટમાં મુસાફરી કરતા મુસાફરો માટે ઉપલબ્ધ છે. Singapore Airlinesના સિનિયર વાઇસ પ્રેસિડેન્ટ કસ્ટમર એક્સપિરિયન્સ યેઓહ ફેઇ ટેકે જણાવ્યું હતું કે, "આજના વધતા જતા હાઇપર-કનેક્ટેડ વિશ્વમાં, હાઇ-સ્પીડ ઇન-ફ્લાઇટ Wi-Fi કનેક્ટિવિટી એ અમારા કસ્ટમર્સ માટે સૌથી વધુ જરૂરી જરૂરિયાતો પૈકીની એક છે."

એરલાઈને કહ્યું કે આ સર્વિસનો બેનિફિટ લેવા માટે, મુસાફરોએ ક્રિસફ્લાયર માટે સાઈન અપ કરવાની જરૂર છે, એરલાઈનનો ફ્રિકવન્ટ ફ્લાયર પ્રોગ્રામ અને તેના માટે રજીસ્ટ્રેશન બિલકુલ ફ્રી છે.

ગ્લોબલ લેવલે, એરલાઇન્સ વિવિધ પ્રકારના ઇન્ટરનેટ પેકેજ ઓફર કરે છે. જ્યારે કેટલાક ઈન્ટરનેટ દ્વારા મુસાફરોને મફત મેસેજિંગ સર્વિસ પૂરી પાડે છે અને વીડિયો સ્ટ્રીમિંગ અને ઈન્ટરનેટ સર્ફિંગ માટે ફી વસૂલે છે. ઘણી એરલાઇન્સ ફ્લાઇટમાં કોઈપણ પ્રકારની ઇન્ટરનેટ સર્વિસ માટે ચાર્જ લે છે.

ફ્લાઇટની અવધિ, કલાક, એક મહિનો અથવા તો આખા વર્ષ દ્વારા ઉપયોગ માટે ઇન્ટરનેટ ઍક્સેસની વિવિધ શ્રેણીઓ પણ છે. કેટલીક એરલાઇન્સ કે જે બોર્ડ પર વાઇફાઇ ઓફર કરે છે તેમાં લુફ્થાન્સા, એર ફ્રાન્સ, કેએલએમ, નોર્વેજીયન એરલાઇન્સ, ડેલ્ટાનો સમાવેશ થાય છે. તાજેતરમાં, અમીરાત અને એતિહાદે પણ તેમના મુસાફરો માટે તેમની ઇન્ટરનેટ ઑફરનો વિસ્તાર કર્યો છે.

ભારતમાં, જ્યાં એર ઈન્ડિયા અને વિસ્તારા જેવી એરલાઈન્સ અમુક રૂટ પર સ્થાનિક ફ્લાઈટ્સ માટે ઇન-ફ્લાઇટ એન્ટરટેઈનમેન્ટ સિસ્ટમ ઓફર કરે છે. તે જ સમયે, ડોમેસ્ટિક ફ્લાઇટ્સ માટે ઇન્ટરનેટ ઍક્સેસ હજી વાસ્તવિકતા બની નથી.