આગામી બે દિવસ ગરમીથી મળશે રાહત, IMDએ જણાવ્યું દેશના કયા કયા ભાગોમાં પડી શકે છે વરસાદ

છેલ્લા કેટલાક દિવસોથી દેશભરમાં વાતાવરણ સતત ઠંડું રહ્યું છે. દેશના વિવિધ ભાગોમાં ભારે પવન સાથે વરસાદ જોવા મળી રહ્યો છે, જેના કારણે લોકોને કાળઝાળ ગરમીમાંથી પણ રાહત મળી છે. હવે ભારતીય હવામાન વિભાગ (IMD) એ આગામી દિવસોમાં પણ વરસાદની સંભાવના વ્યક્ત કરી છે. ભારતીય હવામાન વિભાગે બેંગલુરુ સહિત ઘણા ભાગોમાં વરસાદની આગાહી કરી છે.

બેંગલુરુ સહિત આ ભાગોમાં પડી શકે છે વરસાદ

ઉત્તર ભારતના આ વિસ્તારોમાં પડી શકે છે વરસાદ

ઉત્તર પશ્ચિમ ભારતમાં જમ્મુ, કાશ્મીર, લદ્દાખ, ગિલગિટ, પંજાબ, હરિયાણા, ચંદીગઢ અને દિલ્હીમાં હળવો વરસાદ અને કરા પડવાની સંભાવના છે. ભારતના મધ્ય ભાગમાં, વિદર્ભ અને છત્તીસગઢના ભાગોમાં 30 અને 31 માર્ચે વરસાદની સંભાવના છે. આ સાથે બિહાર, ઝારખંડ, ઓડિશા અને પશ્ચિમ બંગાળમાં પણ વ્યાપક વરસાદની શક્યતા વ્યક્ત કરવામાં આવી છે. આ સિવાય સિક્કિમમાં 31 માર્ચે વરસાદની સંભાવના છે.

ઉત્તર પૂર્વના ભાગોમાં વરસાદની શક્યતા

તે જ સમયે, ઉત્તર પૂર્વના કેટલાક રાજ્યોમાં ભારે વરસાદની સંભાવના વ્યક્ત કરવામાં આવી છે. 1-2 એપ્રિલ 2023 ના રોજ નાગાલેન્ડ, મણિપુર, મિઝોરમ અને ત્રિપુરામાં ભારે વરસાદ જોવા મળ્યો છે. ત્યારે વરસાદ ઉપરાંત તાપમાનમાં પણ લોકોને રાહત મળી રહી છે. આગામી 24 કલાક દરમિયાન તાપમાનમાં કોઈ ફેરફાર નહીં થાય. ત્યાર બાદ તાપમાનમાં 2-4 ડિગ્રીનો ઘટાડો થવાની શક્યતા છે. તે જ સમયે, દેશના પૂર્વીય ક્ષેત્રમાં આગામી બે દિવસ સુધી તાપમાનમાં કોઈ ખાસ ફેરફાર થશે નહીં, ત્યારબાદ આ ભાગમાં પણ તાપમાનમાં 2-4 ડિગ્રીનો ઘટાડો થઈ શકે છે. દેશના મોટાભાગના વિસ્તારોમાં તાપમાનમાં કોઈ ફેરફારની અપેક્ષા નથી.

દેશના આ ભાગોમાં 1-2 દિવસમાં વરસાદની આગાહી

30 માર્ચે હિમાચલ પ્રદેશ, ઉત્તરાખંડ, પંજાબ, હરિયાણા, રાજસ્થાન, હિમાચલ પ્રદેશ, ઉત્તરાખંડ, ઉત્તર પ્રદેશ, છત્તીસગઢ, બિહાર, ઝારખંડ, પશ્ચિમમાં છૂટાછવાયા વરસાદ/વાવાઝોડાની સંભાવના છે. IMDની આગાહીમાં કહેવામાં આવ્યું છે કે બંગાળ અને સિક્કિમમાં 31 માર્ચે અને ઉત્તરાખંડમાં 1 એપ્રિલે વરસાદ પડશે.

આ પણ વાંચો - Honda 2024 સુધીમાં લોન્ચ કરશે બે ઈલેક્ટ્રિક વ્હીકલ, જાણો કંપનીનો સંપૂર્ણ પ્લાન