Asian Market Today: એશિયન માર્કેટમાં કડાકો, નાસ્ડેક 1.55% ગગડ્યો, જાણો સોના અને ક્રૂડની લેટેસ્ટ સ્થિતિ

Asian Market Today:  US અને ઈરાન વચ્ચે અચાનક વધેલા યુદ્ધના તણાવે વૈશ્વિક બજારોને હચમચાવી દીધા છે. મિડલ ઈસ્ટના આ નવા ટેન્શનને કારણે ક્રૂડ ઓઈલના ભાવ રાતોરાત વધી ગયા છે. ઓઈલ મોંઘુ થતાં ફરી એકવાર મોંઘવારી વધવાનો ડર સતાવી રહ્યો છે. આ નકારાત્મક સેન્ટિમેન્ટની સીધી અસર મંગળવારે એશિયન અને અમેરિકન શેરબજારો પર જોવા મળી છે.

એશિયન માર્કેટમાં વેચવાલીનો માહોલ

યુદ્ધના ભય અને ક્રૂડની કિંમતોમાં વધારાને કારણે એશિયન માર્કેટમાં આજે ઘટાડા સાથે કારોબાર થયો હતો. જાપાનનો નિક્કેઈ 225 ઈન્ડેક્સ 0.58% ગગડ્યો છે, જોકે ટોપિક્સમાં 0.30% નો મામૂલી વધારો જોવા મળ્યો છે. દક્ષિણ કોરિયાના કોસ્પીમાં 1.46% અને હોંગકોંગના હેંગ સેંગ ઈન્ડેક્સમાં 1.11% નો મોટો ઘટાડો નોંધાયો છે. તાઈવાનનું બજાર સૌથી વધુ 2.24% તૂટીને 44,338.19 ના સ્તર પર આવી ગયું છે. ચીનનો શંઘાઈ કમ્પોઝિટ 0.07% ના સામાન્ય વધારા સાથે ફ્લેટ ટ્રેડ કરી રહ્યો છે.

ભારતીય બજાર માટે કેવા છે સંકેત?

વોલ સ્ટ્રીટ અને અમેરિકન બજારની સ્થિતિ

મિડલ ઈસ્ટમાં તણાવ વધતા રોકાણકારોએ રિસ્ક લેવાનું ટાળ્યું છે. પરિણામે સોમવારે US શેરબજાર પણ નુકસાન સાથે બંધ થયા હતા. ડાઉ જોન્સ 138.31 પોઈન્ટ (0.26%) ઘટીને 52,498.70 પર બંધ થયો. S&P 500 59.92 પોઈન્ટ (0.79%) ના ઘટાડા સાથે 7,515.47 પર આવી ગયો. નાસ્ડેક 408.43 પોઈન્ટ એટલે કે 1.55% નો મોટો કડાકો બોલાવીને 25,873.18 ના સ્તર પર બંધ થયો.

દિગ્ગજ ટેક કંપનીઓના શેરમાં કડાકો

માર્કેટમાં વેચવાલીના દબાણ હેઠળ મોટી ટેક કંપનીઓના શેર ધડામ થયા છે. એનવિડિયા 3.52%, AMD 4.21% અને બ્રોડકોમ 3.98% ઘટ્યા છે.ઈન્ટેલના શેરમાં સૌથી વધુ 6.12% નો ઘટાડો નોંધાયો છે. માઈક્રોન ટેકનોલોજી 4.32%, મેટા 1.86%, આલ્ફાબેટ 1.23%, ટેસ્લા 3.19% અને સ્પેસએક્સના શેર 4.24% તૂટ્યા છે. માત્ર માઈક્રોસોફ્ટના શેરમાં 1.53% નો ઉછાળો જોવા મળ્યો છે.

US-ઈરાન યુદ્ધનું લેટેસ્ટ અપડેટ

US પ્રેસિડેન્ટ ડોનાલ્ડ ટ્રમ્પે સત્તાવાર રીતે અમેરિકન સાંસદોને જાણ કરી છે કે દેશ ફરી એકવાર ઈરાન સાથે યુદ્ધની સ્થિતિમાં છે. તેમણે પોતાના વહીવટીતંત્રને કોંગ્રેસની મંજૂરી વિના આ વિસ્તારમાં મિલિટરી એક્શન લેવા માટે 60 દિવસનો સમય આપ્યો છે. બીજી તરફ, યમનમાં ઈરાનનું સમર્થન ધરાવતા હૂથી વિદ્રોહીઓએ સાઉદી અરેબિયાના આભા એરપોર્ટ પર મિસાઈલ અને ડ્રોન હુમલા કર્યા હોવાનો દાવો કર્યો છે.

બોન્ડ યીલ્ડમાં ભારી ઉછાળો

મોંઘવારી વધવાની આશંકાએ US ટ્રેઝરી યીલ્ડમાં રાતોરાત મોટો ઉછાળો આવ્યો છે. US 10-વર્ષના ટ્રેઝરી નોટ પર યીલ્ડ 4.9 bps વધીને 4.618% થઈ ગઈ છે. 30-વર્ષના બોન્ડની યીલ્ડ 3.3 bps વધીને 5.104% અને 2-વર્ષની યીલ્ડ 6.5 bps વધીને 4.273% પર પહોંચી છે. જાપાનની વાત કરીએ તો, 10-વર્ષના સરકારી બોન્ડની યીલ્ડ પણ 1 bp વધીને 2.795% થઈ છે.

ક્રૂડ ઓઈલ 4 અઠવાડિયાની ટોચે

હોર્મુઝ સ્ટ્રેટમાંથી ઓઈલ સપ્લાય ખોરવાઈ જવાના ડરથી ક્રૂડ ઓઈલના ભાવ 2% વધીને 4 અઠવાડિયાની ઊંચી સપાટીએ પહોંચી ગયા છે. બ્રેન્ટ ક્રૂડ 2% વધીને $84.98 પ્રતિ બેરલ અને US વેસ્ટ ટેક્સાસ ઈન્ટરમીડિએટ (WTI) ક્રૂડ 2.1% વધીને $79.79 પ્રતિ બેરલ પર પહોંચી ગયું છે. અગાઉના સેશનમાં બ્રેન્ટ ક્રૂડમાં 9.6% નો જબરદસ્ત ઉછાળો આવ્યો હતો.

સોના-ચાંદી અને ડોલરની ચાલ

મોંઘવારી કાબૂમાં લેવા માટે વ્યાજદરમાં વધારો થવાની શક્યતાને પગલે સોનાના ભાવમાં દબાણ જોવા મળ્યું છે. સ્પોટ ગોલ્ડની કિંમત 0.1% ઘટીને $3,996.63 પ્રતિ ઔંસ અને ચાંદી 0.3% ઘટીને $57.50 પ્રતિ ઔંસ પર આવી ગઈ છે.

બીજી બાજુ, US મોંઘવારીના ડેટા આવતા પહેલા ડોલર ઈન્ડેક્સ 101.27 પર ફ્લેટ રહ્યો હતો. યુરો $1.1383 પર અને બ્રિટિશ પાઉન્ડ (સ્ટર્લિંગ) $1.3347 પર ટ્રેડ કરી રહ્યો હતો, જ્યારે જાપાનીઝ યેન ડોલર સામે 162.40 ના સ્તર પર સ્થિર જોવા મળ્યો હતો.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.