આંતરરાષ્ટ્રીય બજારમાં કાચા તેલની કિંમતોમાં અચાનક મોટો ઉછાળો આવ્યો છે, જેણે આખી દુનિયાના શેરબજારોને હચમચાવી દીધા છે. 20 ઓક્ટોબરના રોજ ક્રૂડ ઓઇલના ભાવમાં જોરદાર તેજી જોવા મળી છે.
બ્રેન્ટ ક્રૂડ 111 ડોલરની નજીક, એશિયન શેરબજારોમાં મોટો કડાકો, જાણો મોંઘવારી પર શું થશે અસર?
કાચા તેલના ભાવ 111 ડોલરને પાર થતાં એશિયન શેરબજારોમાં ભારે ઘટાડો નોંધાયો છે. સાઉદી અરેબિયા પર હૂતી હુમલા અને ગ્લોબલ મોંઘવારીના ખતરાની સંપૂર્ણ માહિતી જાણો.
અપડેટેડ 05:19:37 PM Oct 20, 2026 પર
ક્રૂડના આ ભડકાની અસર 20 ઓક્ટોબરે એશિયન શેરબજારો પર સ્પષ્ટ જોવા મળી છે. દશેરાના તહેવારને કારણે ભારતીય શેરબજારો ભલે બંધ રહ્યા, પરંતુ અન્ય દેશોના બજારોમાં ભારે વેચવાલી જોવા મળી.
આંકડાઓ પર નજર કરીએ તો, બ્રેન્ટ ક્રૂડ 1.39 ટકા ઉછળીને 111.16 ડોલર પ્રતિ બેરલ પર પહોંચી ગયું છે. બીજી તરફ, WTI ક્રૂડ પણ 1.78 ટકાના વધારા સાથે 100 ડોલરની સપાટી પાર કરી ગયું છે. 20 મે પછી એટલે કે છેલ્લા 5 મહિનામાં કાચા તેલનું આ સૌથી હાઈ લેવલ છે. આ તેજીની સીધી અસર ગ્લોબલ માર્કેટ અને સામાન્ય માણસના ખિસ્સા પર પડવાની છે.
ક્રૂડ ઓઈલમાં ભડકા પાછળનું મુખ્ય કારણ શું છે?
આ નવી તેજી પાછળનું સૌથી મોટું કારણ સાઉદી અરેબિયામાં હૂતી વિદ્રોહીઓ દ્વારા કરવામાં આવેલા હુમલા છે. હૂતી વિદ્રોહીઓએ સાઉદી અરેબિયાના એનર્જી સેક્ટર, એરપોર્ટ અને સૈન્ય મથકોને નિશાન બનાવ્યા છે. અરામકોની સાઈટ પર પણ હુમલા થયા છે. કેપ્લરના રિપોર્ટ મુજબ, છેલ્લા બે અઠવાડિયામાં ગલ્ફ વિસ્તારમાં ઓઈલ ટેન્કર્સ સહિત ઓછામાં ઓછા 18 જહાજો પર હુમલાના સમાચાર છે. આ ઉપરાંત, સોમવારે યમનમાં સુરક્ષા દળોના એક ટ્રેનિંગ કેમ્પ પર થયેલા હુમલામાં 58 લોકોના મોત થયા છે અને 200 થી વધુ લોકો ઘાયલ થયા છે.
આ અશાંતિ અને ફેબ્રુઆરીના અંતથી ચાલી રહેલા અમેરિકા-ઈરાન વિવાદને કારણે ક્રૂડનો સપ્લાય ખોરવાયો છે. ING ના એનાલિસ્ટ્સના જણાવ્યા અનુસાર, ક્રૂડ સપ્લાય ચાલુ હોવા છતાં, સ્થિતિ નાજુક હોવાથી ભાવમાં જલ્દી કોઈ ઘટાડો થવાના સંકેત નથી.
અમેરિકા રશિયા પાસે માંગવા મજબૂર
અમેરિકામાં ક્રૂડ ઓઈલનો રિઝર્વ સતત ઘટી રહ્યો છે. ત્યાં ડીઝલના ભાવ પહેલાથી જ આસમાને છે. આ કટોકટીને પહોંચી વળવા માટે અમેરિકાને ડીઝલના સપ્લાય માટે રશિયા સાથે સમજૂતી કરવા મજબૂર થવું પડ્યું છે. જોકે, આનાથી ગ્લોબલ માર્કેટને કોઈ ખાસ રાહત મળવાની આશા નથી.
મોંઘવારી અને વ્યાજદર વધવાનો ખતરો
મોંઘુ ક્રૂડ ઓઈલ દુનિયાભરમાં મોંઘવારીને બેકાબૂ બનાવી શકે છે. મોંઘવારી ડામવા માટે સેન્ટ્રલ બેંકો વ્યાજદરમાં વધારો કરી શકે છે.અમેરિકન સેન્ટ્રલ બેંકએ ગયા મહિને 25 bps વ્યાજદર વધાર્યો હતો અને હવે 28 તારીખે આવનારી પોલિસીમાં ફરી રેટ વધવાની શક્યતા છે. ભારતમાં પણ આ મહિનાની શરૂઆતમાં જ RBI એ રેપો રેટમાં 0.25 ટકાનો વધારો કર્યો હતો. હવે નિષ્ણાતો માને છે કે ડિસેમ્બરમાં RBI ફરીથી રેપો રેટ વધારી શકે છે.
એશિયન શેરબજારોમાં મોટો કડાકો
ક્રૂડના આ ભડકાની અસર 20 ઓક્ટોબરે એશિયન શેરબજારો પર સ્પષ્ટ જોવા મળી છે. દશેરાના તહેવારને કારણે ભારતીય શેરબજારો ભલે બંધ રહ્યા, પરંતુ અન્ય દેશોના બજારોમાં ભારે વેચવાલી જોવા મળી.
દક્ષિણ કોરિયાનું બજાર કોસ્પી સૌથી વધુ 3.88 ટકા તૂટ્યું.જાપાનનો નિક્કેઈ 1.63 ટકા ડાઉન રહ્યો. હોંગકોંગના હેંગસેંગમાં 1.38 ટકાનો ઘટાડો જોવા મળ્યો. તાઈવાનનો ઇન્ડેક્સ 1.14 ટકા અને સિંગાપોરનો સ્ટ્રેટ્સ ટાઈમ્સ 0.25 ટકા નીચે ટ્રેડ કરી રહ્યો હતો.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
