DMartના શેરમાં ભવ્ય ઉછાળો: Q4ના શાનદાર પરિણામો બાદ બ્રોકરેજ ફર્મ્સે વધાર્યો ટાર્ગેટ પ્રાઇસ, જાણો ડિટેલ્સ

ડીમાર્ટની રિટેલ ચેઈન ચલાવતી પેરન્ટ કંપની એવન્યુ સુપરમાર્ટ્સના શેરોમાં આજે શરૂઆતી કારોબારમાં જ 3% ની શાનદાર તેજી જોવા મળી હતી. આ ઉછાળો નાણાકીય વર્ષ 2025-26 ના છેલ્લા ક્વાર્ટર (જાન્યુઆરી-માર્ચ 2026) ના શાનદાર બિઝનેસ અપડેટને કારણે આવ્યો છે, જેનાથી બ્રોકરેજ ફર્મ્સનો ભરોસો કંપની પર વધુ મજબૂત બન્યો છે.

આજે ઈન્ટ્રા-ડેમાં શેર 3.50% ઉછળીને 4512.60 ના સ્તરે પહોંચી ગયો હતો. જોકે, ત્યારબાદ કેટલાક રોકાણકારોએ નફો બુક કરતા તેજી થોડી ઘટી હતી. હાલમાં BSE પર આ શેર 0.94% ના વધારા સાથે 4401.00 પર ટ્રેડ કરી રહ્યો છે.

માર્ચ 2026 ક્વાર્ટરમાં ડીમાર્ટનું પ્રદર્શન કેવું રહ્યું?

ડીમાર્ટે માર્ચ 2026 ના ક્વાર્ટરમાં રેવન્યુ અને વિસ્તરણ બંને મોરચે ઉત્તમ દેખાવ કર્યો છે:

નવા સ્ટોર્સનું વિસ્તરણ: કંપનીએ ખૂબ જ આક્રમક રીતે પોતાનું નેટવર્ક વધાર્યું છે. માર્ચ ક્વાર્ટરમાં જ ડીમાર્ટે 58 નવા સ્ટોર ખોલ્યા છે. નાણાકીય વર્ષ 2026 ની વાત કરીએ તો કુલ 85 નવા સ્ટોર ખુલ્યા છે, જેનાથી હવે કંપનીના કુલ સ્ટોર્સની સંખ્યા 500 પર પહોંચી ગઈ છે.

બ્રોકરેજ ફર્મ્સનો શું અભિપ્રાય છે?

શાનદાર પરિણામો બાદ જાણીતી બ્રોકરેજ ફર્મ્સ ડીમાર્ટના શેરોને લઈને પોઝિટિવ છે

CLSA: આ બ્રોકરેજ ફર્મે શેર પર પોતાનું 'હાઈ કન્વિક્શન આઉટપરફોર્મ' રેટિંગ જાળવી રાખ્યું છે અને 6583 નો ટાર્ગેટ પ્રાઇસ આપ્યો છે.

Morgan Stanley : ધાર્યા કરતા વધુ સારા રેવન્યુ ગ્રોથને જોતા તેમણે રેટિંગ અપગ્રેડ કરીને ઓવરવેઈટ કર્યું છે. સાથે જ ટાર્ગેટ પ્રાઇસ વધારીને 5188 કરી દીધો છે.

બ્રોકરેજ ફર્મનું માનવું છે કે ડીમાર્ટને ઊંચા ફુગાવાનો ફાયદો થશે, જેનાથી સામાન્ય રીતે સેમ-સ્ટોર-સેલ્સ ગ્રોથ વધે છે. ઝડપથી વધી રહેલા સ્ટોર નેટવર્કને કારણે FY 2027-2028 માં કંપનીનો રેવન્યુ ગ્રોથ 19-20% રહેવાની ધારણા છે.

છેલ્લા એક વર્ષમાં ડીમાર્ટ શેરની ચાલ

છેલ્લા એક વર્ષની વાત કરીએ તો આ શેરે રોકાણકારોને મોટો ઝટકો પણ આપ્યો હતો.

રેકોર્ડ હાઈ: 4 સપ્ટેમ્બર 2025 ના રોજ BSE પર શેર 4916.30 ના સ્તરે હતો, જે તેનું 1 વર્ષનું સર્વોચ્ચ લેવલ છે.

રેકોર્ડ લો: ત્યારબાદ 6 મહિનામાં જ શેરમાં ભારે કડાકો આવ્યો અને 28.22% તૂટીને 2 માર્ચ 2026 ના રોજ શેર 3528.65 પર આવી ગયો હતો, જે તેનું 1 વર્ષનું સૌથી નીચલું (52-week low) સ્તર છે.

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.