Gift Nifty Indictor: ગિફ્ટ નિફ્ટી 200 પોઈન્ટ તૂટ્યો, જાણો નિફ્ટી અને બેન્ક નિફ્ટી માટે આજના મહત્વના લેવલ

Gift Nifty Indictor: ભારતીય શેર બજાર આજે એક નબળા ટ્રેડિંગ સેશન માટે તૈયાર દેખાઈ રહ્યું છે. બજાર પર મંદીવાળા હાવી થઈ શકે છે તેવા સ્પષ્ટ સંકેતો મળી રહ્યા છે. ગ્લોબલ માર્કેટમાં વેચવાલી અને ક્રૂડ ઓઇલની કિંમતોમાં આવેલા મોટા ઉછાળાની સીધી અસર રોકાણકારોના સેન્ટિમેન્ટ પર પડી રહી છે.

ગિફ્ટ નિફ્ટી આપી રહ્યો છે નબળા સંકેત

નિફ્ટી 50ના પરફોર્મન્સનો પ્રારંભિક સંકેત આપતો ગિફ્ટ નિફ્ટી આજે સવારે 8 વાગ્યે 23,656.50ના લેવલ આસપાસ ટ્રેડ કરી રહ્યો હતો. આ આંકડો નિફ્ટી ફ્યુચર્સના અગાઉના ક્લોઝિંગ 23,873.60 કરતા લગભગ 205 પોઈન્ટ નીચે છે.

તમને જણાવી દઈએ કે, અગાઉના ટ્રેડિંગ સેશનમાં પણ બજારમાં સતત ચોથા દિવસે ઘટાડો જોવા મળ્યો હતો. 6 જૂન પછીનો આ સૌથી લાંબો ઘટાડાનો સિલસિલો છે. નિફ્ટી 50 ઈન્ડેક્સ 126.65 પોઈન્ટ 0.53% ઘટીને 23,869.60 પર બંધ થયો હતો, જ્યારે સેન્સેક્સ 363.66 પોઈન્ટ 0.47%ના ઘટાડા સાથે 76,391.39 પર આવી ગયો હતો.

વિશ્વભરના બજારોમાં હાલ વેચવાલીનો માહોલ છે:

એશિયન માર્કેટ: ક્રૂડ ઓઇલના ઊંચા ભાવ અને ટેકનોલોજી શેર્સમાં વેચવાલીને કારણે એશિયન બજારો પણ રેડ ઝોનમાં જોવા મળ્યા. જાપાનનો નિક્કેઈ 225 ઈન્ડેક્સ 2.46%, સાઉથ કોરિયાનો કોસ્પી 3.04%, ઓસ્ટ્રેલિયાનો ASX 200 ઈન્ડેક્સ 0.57% અને ચીનનો શાંઘાઈ કમ્પોઝિટ 0.01% તૂટ્યો હતો.

અમેરિકન માર્કેટ: મિડલ ઈસ્ટમાં વધતા તણાવ અને મોટી કંપનીઓના ક્વાર્ટર રિઝલ્ટ બાદ યુએસ માર્કેટમાં મોટો કડાકો બોલાયો છે. આર્ટિફિશિયલ ઇન્ટેલિજન્સ (AI) પાછળ થઈ રહેલા મોટા ખર્ચને કારણે આલ્ફાબેટ 7% અને ટેસ્લા 14% જેવા મોટા ટેક શેર્સ ગગડ્યા હતા. આની અસર રૂપે ડોવ જોન્સ 506.93 પોઈન્ટ 0.97% ઘટીને 51,711.65 પર, S&P 500 ઈન્ડેક્સ 1.21% ઘટીને 7,408.30 પર અને નેસ્ડેક 2.15% તૂટીને 25,137.69 પર બંધ થયો હતો.

ક્રૂડ ઓઇલ $100ની પાર: બજાર માટે મોટો ખતરો

મિડલ ઈસ્ટના તણાવ અને રેડ સીમાં ઓઇલ ટેન્કરો પર હૂથી વિદ્રોહીઓના હુમલાને કારણે ગ્લોબલ સપ્લાય ચેઈન ખોરવાઈ છે. આ ઉપરાંત ડોનાલ્ડ ટ્રમ્પે ઈરાન પર મોટા હુમલાની ચેતવણી આપી છે. આ બધા જિયોપોલિટિકલ ટેન્શનને કારણે ગ્લોબલ બેન્ચમાર્ક બ્રેન્ટ ક્રૂડ 2 મહિનામાં પહેલીવાર પ્રતિ બેરલ $100 ની સપાટી વટાવી ગયું છે. આ અઠવાડિયે તેમાં લગભગ 14% નો ઉછાળો આવ્યો છે. જ્યારે વેસ્ટ ટેક્સાસ ઇન્ટરમીડિયેટ (WTI) પણ $92 પ્રતિ બેરલની આસપાસ ટ્રેડ કરી રહ્યું છે. રશિયાના બ્લેક સી કોસ્ટ પર થયેલા હુમલાઓએ પણ ઓઇલ સપ્લાયની ચિંતા વધારી છે.

નિફ્ટી અને બેન્ક નિફ્ટી માટે આજના મહત્વના લેવલ

બેન્ક નિફ્ટી આઉટલુક

એનરિચ મનીના CEO પોનમુડી આર. ના જણાવ્યા અનુસાર, બેન્ક નિફ્ટીમાં નેગેટિવ ટ્રેન્ડ ચાલુ રહેવાની શક્યતા છે. ઈન્ડેક્સ તેના મુખ્ય રેઝિસ્ટન્સ લેવલથી નીચે છે અને 200-દિવસના EMA (56,495) ની બિલકુલ નજીક છે, જે દર્શાવે છે કે મંદીવાળાઓ બજાર પર કંટ્રોલ જમાવી ચૂક્યા છે.

રેઝિસ્ટન્સ: ઉપરની તરફ 56,800 થી 56,900 નું ઝોન તાત્કાલિક રેઝિસ્ટન્સ છે, અને ત્યારબાદ 57,200 થી 57,300 નું લેવલ મહત્વનું રહેશે.

સપોર્ટ: નીચેની તરફ 56,400 થી 56,300 નું ઝોન મહત્વનો સપોર્ટ છે. જો આ લેવલ તૂટશે, તો મોટું સેલિંગ પ્રેશર આવશે અને ઈન્ડેક્સ 56,000 થી 55,800 સુધી ગગડી શકે છે. બજારમાં ફરી તેજી લાવવા માટે બેન્ક નિફ્ટીએ 57,000 નો આંકડો પાર કરવો ખૂબ જરૂરી છે.

નિફ્ટી 50 આઉટલુક

પીએલ કેપિટલના હેડ એડવાઇઝરી વિક્રમ કાસટના મતે, "$100 પ્રતિ બેરલની ઉપર ગયેલા ક્રૂડ ઓઇલના ભાવ અને જિયોપોલિટિકલ ટેન્શનના કારણે માર્કેટ સ્પષ્ટપણે રિસ્ક-ઓફ મોડ (જોખમ ટાળવાની સ્થિતિ) માં આવી ગયું છે. આ પરિસ્થિતિમાં કંપનીઓના મજબૂત ફંડામેન્ટલ્સ પર પણ દબાણ જોવા મળી શકે છે."

નિફ્ટી લેવલ: નિફ્ટી માટે હાલ 23,600 એક મુખ્ય અને મજબૂત સપોર્ટ લેવલ છે, જ્યારે ઉપરની તરફ 24,000 નું લેવલ તાત્કાલિક રેઝિસ્ટન્સ તરીકે કામ કરશે.

આજના દિવસે રોકાણકારોએ અત્યંત સાવધાનીપૂર્વક વેપાર કરવાની જરૂર છે. ગ્લોબલ માર્કેટના ખરાબ સંકેતો અને ઓઇલના ભાવોને ધ્યાનમાં રાખીને સ્ટોપ લોસ સાથે જ ટ્રેડિંગ કરવું હિતાવહ રહેશે. નિફ્ટી અને બેન્ક નિફ્ટીના મુખ્ય સપોર્ટ લેવલ તૂટે તો નવી પોઝિશન લેવાનું ટાળવું જોઈએ.

આ પણ વાંચો- IndiGo Q1 Results: ઈરાન યુદ્ધ અને મોંઘા ઈંધણનો ફટકો, આવક વધવા છતાં ઇન્ડિગોને 382 કરોડની મોટી ખોટ

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.