વેલ્યુએશન આકર્ષક હોવાથી એક્સિસ બૅન્ક માટે જેફરીઝ સકારાત્મક

એક્સિસ બૅન્કને કોન્ફીડન્સ છે કે ઈક્વિટી રિટર્ન 18 ટકાના સ્તરે સ્થિર રહેશે અને આગામી સમયમાં ફંન્ડિંગ પ્રોફાઈલ સુધરવાથી વોલેટિલિટી ઘટશે અને વ્યાજનું માર્જિન પણ સુધરશે. પરિણામે હાલના સમયમાં એક્સિસ બૅન્કનો શૅર આકર્ષક હોવાનું જેફરીઝે કહ્યું હતું.

રિપોર્ટમાં જણાવવામાં આવ્યું છે કે બૅન્કમાં રિટેલ ડિપોઝીટ્સના હિસ્સામાં વધારો થઈ રહ્યો છે, જેથી એકંદર ફંન્ડિંગનું ચિત્ર સુધરી રહ્યું છે. આ સિવાય કસ્ટમર એક્સપિરિયન્સમાં સુધારો, બ્રાન્ચ સ્ટાફની પુનઃરચના, કોર્પોરેટ સેલેરી અકાઉન્ટ ઉપર ફોકસ અને ડિજિટલ બૅન્કિંગ પ્લેટફોર્મ્સના ટેકે બૅન્કની વૃદ્ધિ થશે.

Gold Rate Today: સોનાના ભાવમાં આવ્યો ઘટાડો, જાણો 24 થી 18 કેરેટ ગોલ્ડના ભાવ

જેફરીઝનું કહેવુ છે કે કોર્પોરેટ ધિરાણમાં પ્રાઈસિંગનું ચિત્ર સુધર્યું છે. મૂડીખર્ચના ચક્રમાં પણ સુધારો થયો છે પરંતુ બૅન્કો અને પ્રમોટર્સને મૂડીખર્ચ બાબતે ચિંતા છે. અમારો અંદાજ છે કે નાણા વર્ષ-23થી 26 દરમિયાન બૅન્કનો નફો 16 ટકાના ચક્રવૃદ્ધિ દરે વધશે અને ઈક્વિટી રિટર્ન 18 ટકાના સ્તરે રહેશે.

મૂલ્યાંકન ઉપર નજર કરીએ તો 12 મહિનાના ફોરવર્ડ એડજેસ્ટેડ પીબી 18 ગુણાંકમાં છે જે આઈસીઆઈસીઆઈ બૅન્ક અને એચડીએફસી બૅન્કની સરખામણીએ પચ્ચીસ ટકા ઓછો છે. પરિણામે હાલના સમયમાં બૅન્કનો શૅર ખરીદવા માટે સારો સમય છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.