Closing Bell: ભારે ઉતાર-ચઢાવ વચ્ચે સેન્સેક્સ-નિફ્ટી ફ્લેટ બંધ, મેટલ અને ડિફેન્સ શેરોમાં જબરદસ્ત તેજી

Closing Bell: ભારતીય શેર બજારમાં આજે દિવસભર ભારે ઉતાર-ચઢાવનો માહોલ જોવા મળ્યો હતો. જોકે, ટ્રેડિંગ સેશનના અંતે બજાર લગભગ ફ્લેટ સ્તરે બંધ થવામાં સફળ રહ્યું છે. છેલ્લા કલાકમાં ઉપલા મથાળેથી બજારમાં નફારૂપી વેચવાલી જોવા મળી હતી, જેના કારણે માર્કેટ સરકીને નીચે આવ્યું હતું.

સેન્સેક્સ અને નિફ્ટીની ચાલ

આજના કારોબારના અંતે મુખ્ય ઇન્ડેક્સના આંકડા નીચે મુજબ રહ્યા હતા.

સેન્સેક્સ (Sensex): બોમ્બે સ્ટોક એક્સચેન્જનો સેન્સેક્સ 49.74 પોઈન્ટ એટલે કે 0.07 ટકાના મામૂલી વધારા સાથે 74608.98 ના સ્તર પર બંધ થયો હતો.

કયા સેક્ટરમાં રહી તેજી?

જોકે મુખ્ય ઈન્ડેક્સ ફ્લેટ રહ્યા હતા, પરંતુ બ્રોડર માર્કેટમાં ખરીદીનો સારો ટ્રેન્ડ જોવા મળ્યો હતો. આજના કારોબારમાં મિડકેપ અને સ્મોલકેપ ઈન્ડેક્સ લીલા નિશાનમાં એટલે કે વધારા સાથે બંધ થયા છે. ખાસ કરીને મેટલ, ડિફેન્સ અને PSE (પબ્લિક સેક્ટર એન્ટરપ્રાઈઝ) શેરોમાં રોકાણકારોએ જામીને ખરીદી કરી હતી. આ ઉપરાંત ઓઈલ એન્ડ ગેસ, ઈન્ફ્રાસ્ટ્રક્ચર અને એનર્જી સેક્ટરના ઈન્ડેક્સ પણ મજબૂતી સાથે લીલા નિશાનમાં બંધ રહ્યા હતા.

કયા સેક્ટરમાં નોંધાયો ઘટાડો?

બજારમાં અમુક સેક્ટરમાં દબાણ પણ જોવા મળ્યું હતું. IT અને ઓટો સેક્ટરના શેરોમાં આજે નિરાશા જોવા મળી હતી. આ બંને ઈન્ડેક્સમાં વેચવાલીનું દબાણ રહેતા તે ઘટાડા સાથે લાલ નિશાનમાં બંધ થયા છે.

એકંદરે જોવામાં આવે તો, આજના કારોબારમાં ડિફેન્સ અને મેટલ જેવા સેક્ટરે બજારને ટેકો આપ્યો હતો. પરંતુ છેલ્લા કલાકમાં હેવીવેઈટ શેરોમાં થયેલા નફાવસૂલીના કારણે બજાર કોઈ મોટી તેજી નોંધાવી શક્યું ન હતું અને ફ્લેટ બંધ રહ્યું હતું. રોકાણકારો હવે આગામી વૈશ્વિક સંકેતો અને સ્થાનિક પરિબળો પર નજર રાખી રહ્યા છે.

આ પણ વાંચો-HPCL Q4 Results: શેરધારકોને જલસો! 5 વર્ષના સૌથી મોટા ડિવિડન્ડની જાહેરાત, શેરમાં 5% નો તોફાની ઉછાળો