Closing Bell : શેરબજારમાં મે વાયદા સીરીઝની ધમાકેદાર શરૂઆત, સેન્સેક્સ 610 પોઈન્ટ ઉછળ્યો, ઓટો શેરોમાં તોફાની તેજી

Closing Bell : ભારતીય શેરબજારમાં બુધવારે રોકાણકારો માટે ખુશીના સમાચાર આવ્યા છે. મે વાયદા સીરીઝની શરૂઆત ખૂબ જ મજબૂત રહી છે. દિવસના અંતે ભારતીય ઇક્વિટી બેન્ચમાર્ક ઇન્ડેક્સ પોઝિટિવ નોટ પર બંધ થયા છે. નિફ્ટી 150 પોઈન્ટથી વધુ ઉછળીને 24,150 ની સપાટી વટાવી ગયો છે, જ્યારે સેન્સેક્સમાં પણ 600 પોઈન્ટથી વધુનો વધારો જોવા મળ્યો છે.

બજારની આજની સ્થિતિ

કારોબારના અંતે સેન્સેક્સ 610 પોઈન્ટના વધારા સાથે બંધ થયો હતો. નિફ્ટી 50 ઇન્ડેક્સમાં પણ સારી ખરીદી જોવા મળી, જે 24,150 ના સ્તરની ઉપર સ્થિર થયો છે. બજારમાં વોલેટિલિટી દર્શાવતો ઇન્ડેક્સ 'INDIA VIX' પણ 5% થી વધુ ઘટીને 17 ની નજીક આવી ગયો છે, જે બજાર માટે સારા સંકેત છે.

ઓટો અને ડિફેન્સ શેરોમાં તેજીની લહેર

આજના મુખ્ય વધનાર અને ઘટનાર શેર

ટોપ ગેનર્સ

મારૂતિ સુઝુકી ઇન્ડિયા, કોલ ઇન્ડિયા, ટેક મહિન્દ્રા, ITC લિમિટેડ, રિલાયન્સ ઇન્ડસ્ટ્રીઝ અને ઓએનજીસી

ટોપ લૂઝર્સ

હિંડાલ્કો ઇન્ડસ્ટ્રીઝ, એશિયન પેઇન્ટ્સ, એસબીઆઈ લાઇફ ઇન્શ્યોરન્સ, બજાજ ફિનસર્વ, ICICI બેંક અને NTPC

સેક્ટર મુજબ પ્રદર્શન

બજારમાં આજે મિશ્ર વલણ જોવા મળ્યું હતું. ઓટો, FMCG અને રિયલ્ટી ઇન્ડેક્સમાં લગભગ 1% નો વધારો થયો હતો. IT, ઇન્ફ્રાસ્ટ્રક્ચર અને ઓઇલ-ગેસ સેક્ટરમાં 0.5% ની મામૂલી તેજી રહી હતી. બીજી તરફ, PSU બેંક, મીડિયા અને કન્ઝ્યુમર ડ્યુરેબલ્સ ઇન્ડેક્સમાં 0.5% થી 1% સુધીનો ઘટાડો નોંધાયો હતો, જેણે બજારની કુલ તેજી પર થોડી બ્રેક લગાવી હતી.

મિડકેપ અને સ્મોલકેપમાં મજબૂતી

Broad Marketની વાત કરીએ તો, નિફ્ટી સ્મોલકેપ 100 ઇન્ડેક્સમાં 0.6% નો ઉછાળો જોવા મળ્યો હતો, જ્યારે નિફ્ટી મિડકેપ ઇન્ડેક્સમાં 0.5% ની તેજી રહી હતી. આ બંને ઇન્ડેક્સે આજે ફરી એકવાર મુખ્ય ઇન્ડેક્સ કરતા વધુ સારું પ્રદર્શન (Outperform) કર્યું છે.

આ પણ વાંચો-શેરબજારમાં જોરદાર તેજી: સેન્સેક્સ 800 પોઈન્ટથી વધુ ઉછળ્યો, નિફ્ટી 24200ને પાર