Opening Bell : નિફ્ટી 23700ની નીચે ખુલ્યો, સેન્સેક્સમાં 343 પોઈન્ટનો કડાકો, આ શેર્સ પર રહેશે રોકાણકારોની નજર

Opening Bell : આજે ભારતીય શેરબજારની શરૂઆત નિરાશાજનક રહી છે. માર્કેટ ખુલતાની સાથે જ બંને મુખ્ય ઇન્ડેક્સ લાલ નિશાન પર જોવા મળ્યા હતા. હાલમાં સેન્સેક્સ 343.29 અંક (0.45 ટકા) ના ઘટાડા સાથે 75789.52 ના સ્તર પર ટ્રેડ કરી રહ્યો છે. જ્યારે નિફ્ટી 90.95 અંક (0.38 ટકા)ના નુકસાન સાથે 23688.20 પર જોવા મળી રહ્યો છે. શરૂઆતી કારોબારમાં નિફ્ટી 23700 ની સપાટી તોડીને નીચે જતો રહ્યો છે.

માર્કેટ બ્રેડ્થની વાત કરીએ તો, અત્યારે લગભગ 1365 શેર્સમાં તેજી જોવા મળી રહી છે, 1037 શેર્સમાં ઘટાડો નોંધાયો છે, જ્યારે 179 શેર્સના ભાવમાં કોઈ જ ફેરફાર થયો નથી. આજના સેશનમાં શિપરોકેટ, મેનકાઇન્ડ ફાર્મા, જીઈ વર્નોવા અને અદાણી પાવર જેવા શેર્સ રોકાણકારોના ફોકસમાં છે.

ગઈકાલના માર્કેટની સ્થિતિ

ગઈકાલે પણ ભારતીય શેરબજારમાં વેચવાલીનું દબાણ જોવા મળ્યું હતું. બજાર પોતાની શરૂઆતી લીડ જાળવી રાખવામાં નિષ્ફળ ગયું હતું. ગઈકાલે કારોબારના અંતે સેન્સેક્સ 382.62 અંક (0.50 ટકા) ઘટીને 76132.81 પર બંધ થયો હતો. તેવી જ રીતે નિફ્ટી પણ 118.55 અંક (0.50 ટકા) ના ઘટાડા સાથે 23779.15 પર બંધ થયો હતો. ગઈકાલે માત્ર હેલ્થકેર સેક્ટર જ પોઝિટિવ રહ્યું હતું, બાકી તમામ સેક્ટરમાં ભારે વેચવાલી જોવા મળી હતી.

Arisinfra Solutionsને મળ્યો મોટો ઓર્ડર:-

આરિસઇન્ફ્રા સોલ્યુશન્સે તેની પેટાકંપની દ્વારા O2 Spaces પાસેથી એક મોટો ઓર્ડર મેળવ્યો છે. આ ઓર્ડર બેંગલુરુના વ્હાઇટફિલ્ડ વિસ્તારમાં બની રહેલા 'મોનિંગ મિસ્ટ' નામના રેસિડેન્શિયલ પ્રોજેક્ટ માટે મળ્યો છે. જેમાં કંપની DaaS (ડેવલપર-એઝ-એ-સર્વિસ) પૂરી પાડશે. આ પ્રોજેક્ટની અંદાજિત વેલ્યુ 280 કરોડ રૂપિયા છે. આ ડીલથી કંપનીને 100 કરોડ રૂપિયાથી વધુનો મટીરીયલ સપ્લાય કરવાનો મોકો મળશે. આ સારા સમાચારને પગલે Arisinfra નો શેર 3.01 ટકા (3.80 રૂપિયા) વધીને 130.00 રૂપિયા પર ટ્રેડ કરી રહ્યો હતો.

Divis Laboratoriesના શેરમાં ઐતિહાસિક તેજી

ફાર્મા સેક્ટરની દિગ્ગજ કંપની ડિવિસ લેબોરેટરીઝના શેરમાં આજે જોરદાર ઉછાળો જોવા મળ્યો છે. આજના કારોબારમાં આ શેર તેના ઓલટાઇમ હાઈ એટલે કે 9383.70 રૂપિયાની સપાટીએ પહોંચી ગયો હતો.

GE Vernova T&D બની L1 બિડર

GE Vernova T&D કંપનીને 6000 MW ના હાઈ વોલ્ટેજ ડાયરેક્ટ કરંટ (HVDC) પ્રોજેક્ટ માટે L1 બિડર તરીકે પસંદ કરવામાં આવી છે. આ પ્રોજેક્ટ હેઠળ બાડમેર II થી સાઉથ કલંબ સુધી રિન્યુએબલ પાવર પહોંચાડવા માટે ટર્મિનલ સ્ટેશનની ડિઝાઇન અને નિર્માણનું કામ કરવામાં આવશે.

આજના બજારમાં ભલે ઘટાડો જોવા મળી રહ્યો છે, પરંતુ કેટલાક ચોક્કસ શેર્સમાં કંપનીના સારા ન્યૂઝ અને ઓર્ડર મળવાને કારણે તેજીનો માહોલ છે. રોકાણકારોએ બજારની અસ્થિરતા વચ્ચે નફાકારક પ્રોજેક્ટ્સ ધરાવતી કંપનીઓ પર નજર રાખવી જોઈએ.

આ પણ વાંચો- Stocks to Watch: આજે શેરબજારમાં 4 નવી લિસ્ટિંગ, LIC અને SBI Life સહિત આ 21 શેરોમાં જોવા મળશે ભારે હલચલ

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.