Share Market Rally: IT શેર્સના દમ પર સેન્સેક્સમાં 300 પોઈન્ટનો ઉછાળો, જાણો નિફ્ટી 24500 પાર થવાના 5 મુખ્ય કારણો

Share Market Rally: આજે નિફ્ટીની વીકલી એક્સપાયરીના દિવસે ભારતીય શેરબજારમાં જબરદસ્ત તેજી જોવા મળી રહી છે. કાચા તેલના ભાવમાં થયેલો ઘટાડો, રૂપિયાની મજબૂતી અને વિદેશી રોકાણકારોની સતત ખરીદીના કારણે સેન્સેક્સ અને નિફ્ટી બમ્પર ઉછાળા સાથે ખુલ્યા હતા. ઇન્ટ્રા-ડે ટ્રેડિંગમાં સેન્સેક્સે 300 પોઈન્ટની છલાંગ લગાવી, જ્યારે નિફ્ટી 24500 ના મહત્વના લેવલને પાર કરી ગયો હતો. જોકે, બ્રોડર માર્કેટમાં થોડું દબાણ જોવા મળ્યું હતું.

બજારના લેટેસ્ટ આંકડા (સવારે 11:15 વાગ્યા સુધી)

સેન્સેક્સ 294.47 પોઈન્ટ (0.38%) ના ઉછાળા સાથે 78579.54 પર ટ્રેડ કરી રહ્યો છે. નિફ્ટી 50 78.35 પોઈન્ટ (0.32%) ના વધારા સાથે 24508.70 પર છે. નિફ્ટી મિડકેપ 100 અને નિફ્ટી સ્મોલકેપ 100 માં લગભગ અડધા ટકાનો ઘટાડો જોવા મળ્યો છે.

માર્કેટમાં તેજી પાછળના 5 મુખ્ય કારણો

આજે શેરબજારને સૌથી મોટો સપોર્ટ IT સેક્ટર તરફથી મળ્યો છે. નિફ્ટી IT ઇન્ડેક્સ 2.5 ટકા જેટલો મજબૂત થયો છે. દેશની સૌથી મોટી IT કંપની TCS ના પરિણામો આવવાના છે, તે પહેલાં જ આ સેક્ટરમાં રોકાણકારોની ભારે ખરીદી જોવા મળી રહી છે. છેલ્લા બે મહિનામાં નિફ્ટી IT 10.5% જેટલો તૂટ્યો હતો, જે હવે રિકવર થઈ રહ્યો છે.

2. સાઉદી અરેબિયા દ્વારા કાચા તેલના ભાવમાં મોટો ઘટાડો

સરકારી તેલ કંપની સાઉદી અરામકોએ ઓગસ્ટ મહિના માટે પોતાના સૌથી વધુ વેચાતા 'અરબ લાઈટ ક્રૂડ' ના ભાવમાં પ્રતિ બેરલ $11 નો મોટો ઘટાડો કર્યો છે. છેલ્લા 26 વર્ષમાં આ સૌથી મોટો ઘટાડો છે, જેના કારણે ગ્લોબલ માર્કેટની સાથે ભારતીય બજારમાં પણ પોઝિટિવ સેન્ટિમેન્ટ બન્યું છે.

3. વિદેશી રોકાણકારો (FII) ની વાપસી

વિદેશી રોકાણકારો હવે ભારતીય બજારમાં વેચવાલીને બદલે ખરીદી તરફ વળ્યા છે. સોમવારે FII દ્વારા ₹243.03 કરોડની નેટ ખરીદી કરવામાં આવી હતી, જ્યારે શુક્રવારે તેમણે ₹1355.33 કરોડનું રોકાણ કર્યું હતું. જીઓજિત ઇન્વેસ્ટમેન્ટ્સના ચીફ સ્ટ્રેટેજિસ્ટ વી.કે. વિજયકુમારના મતે, આ એક મોટો અને સકારાત્મક બદલાવ છે જે માર્કેટને સપોર્ટ આપી રહ્યો છે.

4. રૂપિયામાં મજબૂતી

આંતરરાષ્ટ્રીય સ્તરે બ્રેન્ટ ક્રૂડના ભાવ ઘટવાથી ભારતીય રૂપિયાને મોટો ફાયદો થયો છે. રૂપિયો અમેરિકન ડોલર સામે 15 પૈસા મજબૂત થયો છે. આ ઉપરાંત પશ્ચિમ એશિયામાં જીઓ-પોલિટિકલ ટેન્શન ઘટવાથી અને સ્ટ્રેટ ઓફ હોર્મુઝમાંથી ટ્રાફિક વધવાને કારણે કાચા તેલના ભાવ કાબૂમાં રહ્યા છે.

5. મજબૂત ટેક્નિકલ આઉટલૂક

માર્કેટ એક્સપર્ટ્સ માની રહ્યા છે કે નિફ્ટીનું ચાર્ટ સ્ટ્રક્ચર મજબૂત છે.જીઓજિત ઇન્વેસ્ટમેન્ટ્સના આનંદ જેમ્સના જણાવ્યા અનુસાર, નિફ્ટી 24400 ની ઉપર બંધ રહેવાથી હવે 24800 થી 25250 તરફ આગળ વધવાનો રસ્તો સાફ થયો છે. 24360 નો સપોર્ટ લેવલ ખૂબ મહત્વનો છે. ચોઇસ ઇક્વિટી બ્રોકિંગના આકાશ શાહના મતે, નિફ્ટીએ ફેબ્રુઆરી પછી પહેલીવાર 200-દિવસના EMA (એક્સપોનેન્શિયલ મૂવિંગ એવરેજ) ને પાર કર્યો છે, જે બજારમાં લાંબા ગાળાની તેજીનો સંકેત આપે છે. જ્યાં સુધી નિફ્ટી 24300-24400 ના સપોર્ટ ઝોનની ઉપર છે, ત્યાં સુધી બાય ઓન ડિપ્સની તક રહેશે.

આ પણ વાંચો-બજાર ખૂલતાં જ Tata Groupના આ શેરમાં કડાકો, જૂન ક્વાર્ટરના રિપોર્ટથી રોકાણકારો નિરાશ, Trent 11% તૂટ્યો