Share Market Outlook: સેન્સેક્સ-નિફ્ટી ગ્રીન ઝોનમાં બંધ, જાણો શુક્રવારે કેવી રહેશે માર્કેટની ચાલ

Share Market Outlook: 9 જુલાઈના રોજ શેરબજારમાં ભારે ઉતાર-ચઢાવ જોવા મળ્યો, છતાં માર્કેટ દિવસના અંતે સારી રિકવરી સાથે પોઝિટિવ બંધ થવામાં સફળ રહ્યું. ક્લોઝિંગ સમયે સેન્સેક્સ 238.22 પોઈન્ટ (0.31%) વધીને 76,741.82 પર બંધ થયો. જ્યારે નિફ્ટી 50 ઈન્ડેક્સ 80.75 પોઈન્ટ (0.34%) ના ઉછાળા સાથે 23,962.80 પર બંધ રહ્યો. બજારમાં ઓવરઓલ ખરીદીનો માહોલ રહ્યો, જેમાં 2793 શેરોના ભાવ વધ્યા, 1263 ઘટ્યા અને 167 શેરોના ભાવમાં કોઈ જ ફેરફાર થયો ન હતો.

કયા શેરો અને સેક્ટરમાં રહી તેજી?

નિફ્ટીની વાત કરીએ તો, સન ફાર્મા સૌથી વધુ 2.6% ઉછળ્યો. ત્યારબાદ ભારતી એરટેલ (2.2%), ઈન્ટરગ્લોબ એવિએશન (2%), કોટક મહિન્દ્રા બેન્ક (1.9%) અને એટરનલ (2%) માં સારી ખરીદી જોવા મળી.બીજી તરફ, ડો. રેડ્ડીઝ લેબોરેટરીઝમાં સૌથી વધુ 5.9% નો કડાકો બોલ્યો. આ ઉપરાંત ઈન્ફોસિસ (1.7%), મારુતિ સુઝુકી (1.6%), અને ઓએનજીસી (1.3%) ના શેરમાં ઘટાડો નોંધાયો.

સેક્ટર મુજબ જોઈએ તો, રિયલ્ટી સેક્ટરમાં સૌથી વધુ 3.5% નો ઉછાળો આવ્યો. નાના શેરોમાં પણ દમદાર તેજી જોવા મળી, જેમાં નિફ્ટી મિડકેપ ઈન્ડેક્સ 1.4% અને સ્મોલકેપ ઈન્ડેક્સ 1.8% વધ્યો, જેમણે મોટા શેરો કરતા ઘણું સારું પ્રદર્શન કર્યું.

ટેકનિકલ ચાર્ટ શું કહે છે?

એચડીએફસી સિક્યોરિટીઝના રિસર્ચ એનાલિસ્ટ નાગરાજ શેટ્ટીના મતે, નિફ્ટીનો શોર્ટ-ટર્મ ટ્રેન્ડ ભલે નબળો અને ઉતાર-ચઢાવ વાળો હોય, પરંતુ ડેઈલી ચાર્ટ પર 'ઈન્વર્ટેડ હેમર'પેટર્ન બની છે. ટેકનિકલ ભાષામાં આ પેટર્ન બજારમાં 'બુલિશ રિવર્સલ' એટલે કે તેજી પાછી ફરવાનો સંકેત આપે છે.

લેવલ્સ: નિફ્ટી માટે નીચેની તરફ 23,800 નો મજબૂત સપોર્ટ છે. જો બજાર 24,200 થી 24,300 ની ઉપર ટકશે, તો માર્કેટમાં જબરદસ્ત શોર્ટ કવરિંગ જોવા મળી શકે છે.

જિયોજિત ઈન્વેસ્ટમેન્ટ્સના હેડ ઓફ રિસર્ચ વિનોદ નાયર માને છે કે, દેશમાં ચોમાસાની સારી સ્થિતિ અને બજારના યોગ્ય વેલ્યુએશનના કારણે સ્થાનિક રોકાણકારોનો મૂડ સારો છે. જોકે, યુએસ ફેડ દ્વારા મોંઘવારી અંગે ફરીથી વ્યક્ત કરાયેલી ચિંતા ગ્લોબલ માર્કેટ પર દબાણ લાવી શકે છે.

ઇક્વિરસ વેલ્થના એમડી અંકુર પુંજના જણાવ્યા મુજબ, રોકાણકારો હાલમાં આઈટી કંપની TCSના ત્રિમાસિક પરિણામોની રાહ જોઈ રહ્યા છે. આ ઉપરાંત અમેરિકા-ઈરાન વિવાદને કારણે ક્રૂડ ઓઈલના ભાવ અને રૂપિયાની ચાલ પર ટ્રેડર્સની ચાંપતી નજર છે.

બોનાન્ઝાના રિસર્ચ એનાલિસ્ટ અભિનવ તિવારીએ જણાવ્યું કે, ભારત અને ઓસ્ટ્રેલિયા વચ્ચે વેપાર અને ક્લીન એનર્જીને લઈને થયેલી વ્યૂહાત્મક ભાગીદારી માર્કેટ માટે ખૂબ જ ઉત્સાહજનક સમાચાર છે. હાલમાં અમેરિકા-ઈરાનના તણાવ વચ્ચે કાચું તેલ 78 ડોલર પ્રતિ બેરલની આસપાસ છે અને ડોલર સામે રૂપિયો 95.5 ના સ્તરે નબળો છે. આવા સમયે ઓસ્ટ્રેલિયા સાથેના મજબૂત સંબંધો ભારતની મેન્યુફેક્ચરિંગ ઇન્ડસ્ટ્રીને મોટો સપોર્ટ આપશે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-