Share Market Crash: 4 મોટા કારણોથી શેરબજારમાં કડાકો, US-Iran ટેન્શનની આગમાં સેન્સેક્સ 464 પોઈન્ટ તૂટ્યો, નિફ્ટી 23700ની નીચે

Share Market Crash: આજના શેરબજારમાં નિફ્ટીની વીકલી એક્સપાયરીના દિવસે એટલે કે 8 સપ્ટેમ્બરે બજારમાં વેચવાલીનું એવું તો ભારે દબાણ જોવા મળ્યું કે સેન્સેક્સ 464 પોઈન્ટ્સ સુધી તૂટી ગયો અને નિફ્ટી 50 પણ 23700ના લેવલની નીચે સરકી ગયો છે. અમેરિકા અને ઈરાન વચ્ચે વધી રહેલા યુદ્ધના તણાવ સહિત એવા 4 મુખ્ય કારણો છે, જેના લીધે આજે માર્કેટ પર ભારે દબાણ જોવા મળ્યું છે.

શેરબજારની આજના દિવસની ચાલ

અમેરિકા અને ઈરાન વચ્ચેના યુદ્ધના ભણકારાને લીધે ક્રૂડ ઓઈલના ભાવ ભડકે બળ્યા છે, જેની સીધી અસર આપણા સ્ટોક માર્કેટ પર પડી છે. આ ગરમાગરમીમાં સેન્સેક્સ 464 પોઈન્ટ્સ ગગડી ગયો અને નિફ્ટી પણ 23800ની નીચે આવી ગયો. જોકે, રાહતની વાત એ છે કે બ્રોડર માર્કેટમાં ઘટાડાનું દબાણ થોડું હળવું છે. નિફ્ટી મિડકેપ 100 અને નિફ્ટી સ્મોલકેપ 100 માં માત્ર સામાન્ય ઘટાડો જોવા મળ્યો છે.

આજના લેટેસ્ટ આંકડાઓ પર નજર કરીએ તો, સવારે 11:45 વાગ્યાની આસપાસ સેન્સેક્સ 429.24 પોઈન્ટ્સ 0.56%ના ઘટાડા સાથે 75,703.57 પર ટ્રેડ કરી રહ્યો હતો. જ્યારે નિફ્ટી 50 ઈન્ડેક્સ 105.20 પોઈન્ટ્સ 0.44%ની પડતી સાથે 23,673.95 પર જોવા મળ્યો હતો. ઈન્ટ્રા-ડે ટ્રેડિંગ દરમિયાન સેન્સેક્સ 464.33 પોઈન્ટ્સ તૂટીને 75,668.48 અને નિફ્ટી 122.00 પોઈન્ટ્સ ઘટીને 23,657.15ના નીચલા સ્તરે પહોંચી ગયા હતા.

1. ક્રૂડ ઓઈલના ભાવમાં ભડકો

પશ્ચિમ એશિયામાં તણાવ વધવાને કારણે કાચું તેલ ઉકળી રહ્યું છે, અને તેની સીધી ઝાળ શેરબજારને લાગી રહી છે. ગ્લોબલ ઓઈલ બેન્ચમાર્ક બ્રેન્ટ ક્રૂડ 1% થી વધુ ઉછળીને 98 ડોલર પ્રતિ બેરલની પાર જતું રહ્યું છે. ઈરાને ખુલ્લી ધમકી આપી છે કે જો તેના પર કોઈ નવો હુમલો થશે, તો તે ખાડી દેશોમાં રહેલા અમેરિકાના એનર્જી ઈન્ફ્રાસ્ટ્રક્ચર પર સીધો હુમલો કરશે. આ ડરથી બજારમાં મોટો ગભરાહટ છે.

2. પ્રાઈવેટ બેન્કો અને ઓટો સેક્ટરનું દબાણ

આજે માર્કેટને નીચે લાવવામાં પ્રાઈવેટ બેન્કો અને ઓટો સેક્ટરનો મોટો ફાળો રહ્યો છે. નિફ્ટી પ્રાઈવેટ બેન્ક અને નિફ્ટી ઓટો બંનેમાં અડધા-અડધા ટકાનો મોટો ઘટાડો નોંધાયો છે.

3. ઈન્ડિયા VIXમાં ઉછાળો

શેરબજારમાં રોકાણકારોની ગભરાહટને માપતો વોલેટિલિટી ઈન્ડેક્સ 'ઈન્ડિયા વિક્સ' વધ્યો છે. હાલમાં તે 0.60% ના વધારા સાથે 11.23 ના સ્તર પર છે. આ ઈન્ડેક્સ વધવાનો સીધો અર્થ એ છે કે શોર્ટ ટર્મમાં બજારમાં મોટી ઉથલપાથલ થવાની આશંકા છે.

4. માર્કેટના ટેકનિકલ કારણો

માર્કેટ એનાલિસ્ટ્સનું માનવું છે કે બજારમાં ફરીથી તેજી લાવવા માટે નિફ્ટીએ 23800 નું લેવલ પાર કરવું ખૂબ જરૂરી છે.

ચોઈસ બ્રોકિંગ પ્રાઈવેટ લિમિટેડ ના ટેકનિકલ રિસર્ચ એનાલિસ્ટ હિતેશ ટેલરના જણાવ્યા મુજબ, નિફ્ટી હાલમાં તેની તમામ મુખ્ય મૂવિંગ એવરેજની નીચે છે, જે બજાર પર દબાણ બનાવી રહ્યું છે. તેમના મતે, 23,650 થી 23,700 નું લેવલ હાલમાં તાત્કાલિક સપોર્ટ તરીકે કામ કરી રહ્યું છે. જો માર્કેટ ઉપર જશે તો 23,950 થી 24,000 ના સ્તરે રેઝિસ્ટન્સનો સામનો કરવો પડશે. જો 23650 નો સપોર્ટ તૂટશે તો બજાર હજુ વધુ ગગડી શકે છે. ઓવરઓલ ટ્રેન્ડ સાવચેતી સાથે નકારાત્મક છે.

HDFC સિક્યોરિટીઝના હેડ ઓફ પ્રાઇસ રિસર્ચ દેવર્ષ વકીલ પણ જણાવે છે કે નિફ્ટી તમામ અગત્યની મૂવિંગ એવરેજની નીચે ટ્રેડ કરી રહ્યો છે. એક દિવસ પહેલા જ નિફ્ટીએ 23,786નું અગત્યનું લેવલ તોડી નાખ્યું હતું, જેના કારણે હવે 23,600ના નવા સપોર્ટ ઝોનનો રસ્તો ખૂલી ગયો છે. ઉપરની તરફ 24,000નું લેવલ શોર્ટ ટર્મ રિકવરી માટે મોટો અવરોધ બનેલું છે.

ટૂંકમાં કહીએ તો, જ્યાં સુધી ગ્લોબલ માર્કેટમાં જીઓપોલિટિકલ ટેન્શન શાંત નહીં પડે અને ટેકનિકલ ચાર્ટ પર નિફ્ટી મહત્વના રેઝિસ્ટન્સ લેવલને પાર નહીં કરે, ત્યાં સુધી માર્કેટમાં ઉતાર-ચઢાવ ચાલુ રહેવાની સંભાવના છે. રોકાણકારોએ આ સમયમાં સાવચેતીપૂર્વક પોતાના નિર્ણયો લેવા જોઈએ.

આ પણ વાંચો- Defense Stocks: આ ડિફેન્સ શેર બન્યો રોકેટ, 1.1 લાખ કરોડના સરકારી ઓર્ડરથી રોકાણકારોને થશે જંગી કમાણી

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.