શેરબજારમાં ઉતાર-ચઢાવ ચાલુ રહેવાના સંકેત: નિફ્ટી માટે 23350 મહત્ત્વનો સપોર્ટ, જાણો આજનો ટ્રેડિંગ સેટઅપ અને એક્સપર્ટ્સની સલાહ

Stock Market Updates: શેરબજારમાં હાલમાં ભારે ઉતાર-ચઢાવનો માહોલ જોવા મળી રહ્યો છે. ગ્લોબલ માર્કેટના સંકેતો અને સ્થાનિક પરિબળોની અસર બજાર પર સ્પષ્ટ દેખાઈ રહી છે. સળંગ બીજા સત્રમાં પણ બજારમાં રાહતની રેલી જોવા મળી છે. 17 માર્ચે નિફ્ટી (Nifty)માં 0.74 ટકાનો વધારો નોંધાયો હતો. ખાસ વાત એ છે કે, અમેરિકા અને ઈરાન વચ્ચેના યુદ્ધના કારણે સ્ટ્રેટ ઓફ હોર્મુઝમાં ચાલી રહેલા સંકટ અને ક્રૂડ ઓઈલની કિંમતો બેરલ દીઠ 100 ડોલરથી ઉપર હોવા છતાં આ તેજી આવી છે. આ વધારા પાછળનું મુખ્ય કારણ શોર્ટ કવરિંગ અને ઈન્ડિયા VIX (India VIX)માં આવેલો ઘટાડો છે.

જોકે, બજારના જાણકારોનું કહેવું છે કે બજારની એકંદર સ્થિતિમાં કોઈ મોટો સુધારો આવ્યો નથી. ઇન્ડેક્સ હજુ પણ તેના તમામ મહત્ત્વના મૂવિંગ એવરેજથી નીચે છે અને સતત ‘લોઅર હાઈ-લોઅર લો' ની પેટર્ન બનાવી રહ્યો છે. ચાલો વિગતવાર સમજીએ કે આજનો ટ્રેડિંગ સેટઅપ કેવો રહેશે.

નિફ્ટી માટેનો ટ્રેડિંગ સેટઅપ

માર્કેટ એક્સપર્ટ્સના મતે, જો નિફ્ટીને 23,800થી 24,000ના ઝોન તરફ આગળ વધવું હોય, તો આગામી કેટલાક સત્રોમાં તેને 23,600 થી 23,700 ના લેવલની ઉપર બંધ થવું અને ત્યાં ટકી રહેવું ખૂબ જ જરૂરી છે. જ્યાં સુધી આવું નહીં થાય, ત્યાં સુધી બજારમાં ઉતાર-ચઢાવ ચાલુ રહી શકે છે. નીચેની તરફ જોઈએ તો, નિફ્ટી માટે 23,350 પર એક તાત્કાલિક સપોર્ટ છે. જો આ લેવલ તૂટશે તો 23,000 નો આંકડો એક ખૂબ જ મહત્ત્વના સપોર્ટ લેવલ તરીકે કામ કરશે.

નફાકારક ટ્રેડ પકડવા માટે પીવટ પોઈન્ટ (Pivot Point) પર આધારિત આ લેવલ્સ ધ્યાનમાં રાખવા જેવા છે:

* સપોર્ટ લેવલ: 23,410, 23,336 અને 23,218

* રેઝિસ્ટન્સ લેવલ: 23,647, 23,720 અને 23,838

નિફ્ટીનું ટેકનિકલ એનાલિસિસ

ડેઈલી ચાર્ટ પર Nifty 50 એ ઉપલા અને નીચલા શેડો સાથે એક બુલિશ કેન્ડલ બનાવી છે, જે થોડી ઘણી 'હાઈ-વેવ-ટાઈપ' કેન્ડલસ્ટિક પેટર્ન જેવી દેખાય છે. આ દર્શાવે છે કે બજારમાં તેજી આવ્યા પછી અને રેઝિસ્ટન્સ નજીક હોવાથી, ખરીદદારો (Bulls) અને વેચવાલી કરનારા (Bears) વચ્ચે હજુ પણ અસમંજસની સ્થિતિ છે.

ઇન્ડેક્સ અગાઉના દિવસના હાઈની ઉપર અને ગોલ્ડન રેશિયો (એપ્રિલ 2025 ના લો થી જાન્યુઆરી 2026 ના હાઈ સુધીની રેલીનું 61.8 ટકા ફિબોનાચી રિટ્રેસમેન્ટ) ની ઉપર બંધ થયો છે. આમ છતાં, તે 20, 50, 100 અને 200 દિવસના EMA (એક્સપોનેન્શિયલ મૂવિંગ એવરેજ) થી નીચે ટ્રેડ કરી રહ્યો છે. RSI 33.18 પર છે જે પોઝિટિવ ક્રોસઓવરની તૈયારીમાં છે. આ તમામ બાબતો મિશ્ર ટ્રેન્ડનો સંકેત આપે છે, જેમાં રિકવરીના શરૂઆતી સંકેતો છે પણ પાક્કું રિવર્સલ હજુ કન્ફર્મ થયું નથી.

બેન્ક નિફ્ટીનો ટ્રેડિંગ સેટઅપ

બેન્ક નિફ્ટીએ ડેઈલી ટાઈમફ્રેમ પર એક બુલિશ કેન્ડલ બનાવી છે, જેમાં ઉપરની બાજુ નાનો અને નીચેની બાજુ લાંબો શેડો જોવા મળ્યો છે. આનો સીધો અર્થ એ છે કે નીચલા મથાળેથી રોકાણકારોએ જોરદાર ખરીદી કરી છે. બેન્ક નિફ્ટી અગાઉના દિવસના હાઈ અને 50 ટકા ફિબોનાચી રિટ્રેસમેન્ટ (માર્ચ 2025 ના લો થી ફેબ્રુઆરી 2026 ના હાઈ સુધી) લેવલની ઉપર બંધ થયો છે.

બેન્ક નિફ્ટી માટેના લેવલ્સ

* પીવટ પોઈન્ટ સપોર્ટ: 54,324, 54,116 અને 53,779

* પીવટ પોઈન્ટ રેઝિસ્ટન્સ: 54,999, 55,207 અને 55,545

* ફિબોનાચી સપોર્ટ: 53,068 અને 50,705

* ફિબોનાચી રેઝિસ્ટન્સ: 55,220 અને 56,473

બેન્ક નિફ્ટીમાં RSI વધીને 31.76 પર પહોંચી ગયો છે, પરંતુ તે સિગ્નલ લાઈનની નીચે છે. MACD હજુ પણ ઝીરો લાઈનની નીચે છે. આ ડેટા સૂચવે છે કે મોટા ડાઉનટ્રેન્ડ વચ્ચે આ એક રિકવરીનો તબક્કો છે, તેથી ટ્રેડિંગમાં સાવચેતી રાખવી ખૂબ જરૂરી છે.

FII અને DIIના ફંડ ફ્લોનો ડેટા

વિદેશી રોકાણકારો (FII) અને સ્થાનિક રોકાણકારો (DII) નો ડેટા બજારની દિશા નક્કી કરવામાં મોટો ભાગ ભજવે છે. 17 માર્ચે FII એ પોતાની વેચવાલી ચાલુ રાખી હતી અને 4,741 કરોડથી વધુના શેર વેચ્યા હતા. બીજી તરફ, સ્થાનિક સંસ્થાકીય રોકાણકારો (DII) એ બજારને સપોર્ટ આપ્યો અને અંદાજે 5,225 કરોડના શેરની જંગી ખરીદી કરી હતી.

ઈન્ડિયા VIX (India VIX)

બજારમાં વોલેટિલિટી એટલે કે ઉતાર-ચઢાવ માપતો ઈન્ડિપેન્ડન્ટ ઇન્ડેક્સ India VIX 8.4 ટકા ઘટીને 19.79 ના સ્તરે આવી ગયો છે. સળંગ બીજા સત્રમાં VIX ઘટવાથી તેજીવાળાઓને મોટી રાહત મળી છે. જોકે, બજારમાં મજબૂત તેજી લાવવા માટે આ આંકડો 18 ની નીચે જવો ખૂબ જ જરૂરી છે.

પુટ-કોલ રેશિયો

માર્કેટનો મૂડ દર્શાવતો નિફ્ટીનો પુટ-કોલ રેશિયો (PCR) 17 માર્ચે વધીને 1.09 થઈ ગયો છે, જે અગાઉના સત્રમાં 1.03 હતો. શેરબજારના નિયમ મુજબ, જ્યારે PCR 0.7 ની ઉપર કે 1 ની પાર જાય છે, ત્યારે તે બજારમાં તેજીનું (Bullish) વલણ દર્શાવે છે. પરંતુ જો તે 0.7 કે 0.5 ની નીચે જાય તો તે મંદીનો સંકેત આપે છે.

F&O બૅન લિસ્ટ

ફ્યુચર એન્ડ ઓપ્શન્સ (F&O) સેગમેન્ટમાં એવી કંપનીઓના શેરને બૅન કરવામાં આવે છે, જેમના ડેરિવેટિવ કોન્ટ્રાક્ટ માર્કેટ વાઈડ પોઝિશન લિમિટના 95 ટકાને પાર કરી જાય છે.

બૅન લિસ્ટમાં સામેલ નવા શેર: કોઈ નહીં

પહેલાથી બૅન લિસ્ટમાં સામેલ શેર: SAIL (સ્ટીલ ઓથોરિટી ઓફ ઈન્ડિયા), Sammaan Capital

બૅન લિસ્ટમાંથી બહાર થયેલા શેર: કોઈ નહીં

એકંદરે જોઈએ તો બજારમાં નીચલા મથાળેથી થોડી રિકવરી જરૂર આવી છે, પરંતુ હજુ પણ ટ્રેન્ડ સંપૂર્ણપણે પોઝિટિવ થયો નથી. 23,600 ની ઉપરનું ક્લોઝિંગ જ બજારમાં નવી તેજી લાવી શકે છે. રોકાણકારોએ સ્ટોપલોસ (Stop Loss) સાથે કામ કરવું હિતાવહ છે.

આ પણ વાંચો- શેરબજારમાં હાહાકાર! દુનિયાની ટોપ 500 કંપનીઓમાંથી બહાર ફેંકાઈ આ મોટી ભારતીય કંપનીઓ, જાણો લિસ્ટમાં હવે કોણ બચ્યું?

(ડિસ્ક્લેમર: મનીકંટ્રોલ વેબસાઈટ પર આપવામાં આવેલા વિચારો અને ટ્રેડિંગ ટિપ્સ માર્કેટ એક્સપર્ટ્સના પોતાના અંગત વિચારો છે. વેબસાઈટ કે મેનેજમેન્ટ આના માટે જવાબદાર નથી. કોઈપણ નવું રોકાણ કરતા પહેલા તમારા સર્ટિફાઈડ ફાઇનાન્સિયલ એડવાઈઝરની સલાહ ચોક્કસથી લેવી.)