Stock Market Today: બજાર ખુલતા પહેલા આ 5 મોટા સમાચારો પર કરો નજર, જાણો આજે કયા શેરોમાં જોવા મળશે એક્શન

Stock Market Today : ભારતીય શેરબજારમાં આજે ટ્રેડિંગ કરતા પહેલા કેટલાક મહત્વના ગ્લોબલ અને ડોમેસ્ટિક સમાચારો પર નજર કરવી ખૂબ જ જરૂરી છે. ગિફ્ટ નિફ્ટી તરફથી મળી રહેલા સંકેતો દર્શાવે છે કે આજે બજારની શરૂઆત મિશ્ર અથવા સપાટ રહી શકે છે. વહેલી સવારે 07:55 વાગ્યાની આસપાસ ગિફ્ટ નિફ્ટી 63.50 પોઈન્ટ (0.26%) ના વધારા સાથે 24,696.50 ના સ્તર પર કારોબાર કરી રહ્યો હતો.

આજે સેન્સેક્સની વીકલી એક્સપાયરી હોવાથી માર્કેટમાં ઉતાર-ચઢાવ જોવા મળી શકે છે. અગાઉના સેશનમાં સેન્સેક્સ 152.05 પોઈન્ટ વધીને 78,581.00 પર અને નિફ્ટી 9.75 પોઈન્ટના સામાન્ય વધારા સાથે 24,624.65 પર બંધ થયા હતા. ચાલો જાણીએ બજારને અસર કરતા આજના મુખ્ય સમાચારો.

વિદેશી રોકાણકારોની વેચવાલી

માર્કેટ માટે એક મોટો અપડેટ એ છે કે વિદેશી સંસ્થાકીય રોકાણકારોએ પોતાની સળંગ 6 દિવસની ખરીદી પર બ્રેક લગાવી છે. 5 ઓગસ્ટના ડેટા મુજબ, FII એ 943 કરોડ રૂપિયાના શેર વેચ્યા છે. બીજી તરફ, ઘરેલુ સંસ્થાકીય રોકાણકારોએ બજારને સપોર્ટ આપતા 2,883 કરોડ રૂપિયાની જોરદાર ખરીદી કરી છે.

અમેરિકન બજાર: ઈરાન સાથે શાંતિ કરારની દિશામાં હકારાત્મક સંકેતો મળતા ડાઓ જોન્સ 263.18 પોઈન્ટ ઉછળીને 54,349.06 ના રેકોર્ડ સ્તર પર બંધ થયો છે. જોકે, સ્પેસએક્સ અને AMD જેવી ટેક કંપનીઓના શેરોમાં વેચવાલીના કારણે નેસ્ડેક 221.55 પોઈન્ટ ઘટીને 26,363.44 પર બંધ થયો હતો.

એશિયન બજાર: એશિયાના બજારોમાં આજે ભારે દબાણ જોવા મળી રહ્યું છે. જાપાનનો નિક્કેઈ ઈન્ડેક્સ 1.47% ઘટ્યો છે, જ્યારે કોરિયાનો કોસ્પી ઈન્ડેક્સ 4.28% ના મોટા ઘટાડા સાથે ટ્રેડ થઈ રહ્યો છે. હોંગકોંગના હેંગ સેંગમાં પણ 1.70% ની નબળાઈ છે.

કોમોડિટી માર્કેટ: સોના-ચાંદીમાં તેજી અને ક્રૂડ ઓઈલ

અમેરિકામાં બોન્ડ યીલ્ડ અને ડોલર ઈન્ડેક્સ (હાલમાં 99.67 પર) નબળા પડવાથી સોના અને ચાંદીના ભાવમાં શાનદાર તેજી આવી છે. સોનું અને ચાંદી લગભગ 5% ઉછળીને બે મહિનાની ટોચે પહોંચી ગયા છે. આ સાથે તાંબાના ભાવ રેકોર્ડ હાઈ પર અને એલ્યુમિનિયમ 6 સપ્તાહની ટોચે પહોંચી ગયું છે. બીજી તરફ, ઈરાન અને ઓમાન વચ્ચેના કરારની આશાએ ક્રૂડ ઓઈલની સપ્લાય સુધરવાના સંકેત છે, જેના લીધે બ્રેન્ટ ક્રૂડ 80 ડોલરની નીચે સ્થિર છે.

કંપનીઓના પરિણામો પર રહેશે નજર

આજે બજારમાં ઘણી કંપનીઓના રિઝલ્ટ શેરોની ચાલ નક્કી કરશે.

Aurobindo Pharma: કંપનીના પરિણામો અપેક્ષા કરતા સારા રહ્યા છે. નફામાં 25% અને આવકમાં 16% નો ઉછાળો જોવા મળ્યો છે.

Biocon & PB Fintech: બાયોકોનનો નફો ચાર ગણો વધ્યો છે, જ્યારે પીબી ફિનટેકના નફામાં 92% નો જંગી ઉછાળો નોંધાયો છે.

Novelis: હિંડાલ્કોની આ સબસિડિયરી કંપનીનો નફો 128% અને નેટ ઈન્કમ 71% વધી છે.

Cummins India: આ કંપનીના પરિણામો નિરાશાજનક રહ્યા છે. નફો 8% ઘટ્યો છે અને માર્જિન પર પણ દબાણ છે.

આજે ટ્રેન્ટ, હીરો મોટોકોર્પ, બ્રિટાનિયા અને લ્યુપિન સહિતની 10 મોટી કંપનીઓના ક્વાર્ટર રિઝલ્ટ જાહેર થવાના છે, જેના પર રોકાણકારોની સીધી નજર રહેશે.

આ પણ વાંચો-Stocks to Watch: સેન્સેક્સની એક્સપાયરી, આજે 2 લિસ્ટિંગ અને PB Fintech-Biocon સહિત આ શેરો પર રહેશે નજર