TCSના માર્કેટ કેપમાં 72,072 કરોડનો બમ્પર ઉછાળો, L&Tને લાગ્યો મોટો ઝટકો

ગત સપ્તાહે ભારતીય શેરબજારમાં શાનદાર તેજીનો માહોલ જોવા મળ્યો હતો. બોમ્બે સ્ટોક એક્સચેન્જનો સેન્સેક્સ 582.06 પોઈન્ટ એટલે કે 0.75 ટકા વધીને બંધ થયો હતો. જ્યારે નેશનલ સ્ટોક એક્સચેન્જનો નિફ્ટી 50 ઈન્ડેક્સ પણ 127.4 પોઈન્ટ (0.52 ટકા) ના ઉછાળા સાથે બંધ રહ્યો હતો.

શેરબજારની આ તેજી વચ્ચે સેન્સેક્સની ટોપ 10 માંથી 5 કંપનીઓના માર્કેટ કેપમાં કુલ 1.54 લાખ કરોડ રૂપિયાનો ધરખમ વધારો નોંધાયો છે. તો બીજી તરફ, બાકીની 5 દિગ્ગજ કંપનીઓના રોકાણકારોને 46,191.32 કરોડ રૂપિયાનું નુકસાન સહન કરવાનો વારો આવ્યો છે.

TCS અને આ કંપનીઓએ રોકાણકારોને કર્યા માલામાલ

ગત સપ્તાહે ટાટા ગ્રુપની આઈટી કંપની ટાટા કન્સલ્ટન્સી સર્વિસિસના શેરમાં સૌથી વધુ ખરીદી જોવા મળી હતી. જેના કારણે તેના માર્કેટ કેપમાં જંગી વધારો થયો છે. TCS ઉપરાંત રિલાયન્સ અને બેન્કિંગ સેક્ટરના અમુક શેરોએ પણ શાનદાર પ્રદર્શન કર્યું છે.

માર્કેટ કેપમાં સૌથી વધુ 72,072.3 કરોડ રૂપિયાનો બમ્પર ઉછાળો નોંધાયો. હવે કંપનીનું કુલ વેલ્યુએશન 8,20,672.70 કરોડ રૂપિયા પર પહોંચી ગયું છે.

ICICI Bank

કંપનીના માર્કેટ કેપમાં 29,062.06 કરોડ રૂપિયાનો વધારો થયો અને તે 10,34,441.77 કરોડ રૂપિયા થઈ ગયું.

Reliance Industries

મુકેશ અંબાણીની આ કંપનીનું માર્કેટ કેપ 23,884.93 કરોડ રૂપિયા વધીને 17,95,091.26 કરોડ રૂપિયા પર પહોંચ્યું છે.

Bajaj Finance

આ કંપનીની વેલ્યુએશન 21,946.5 કરોડ રૂપિયા વધીને 6,57,274.28 કરોડ રૂપિયા થઈ ગઈ છે.

SBI

દેશની સૌથી મોટી સરકારી બેંક સ્ટેટ બેંક ઓફ ઇન્ડિયાના માર્કેટ કેપમાં 7,338.34 કરોડ રૂપિયાનો ઉછાળો આવ્યો અને તે 9,63,768.78 કરોડ રૂપિયા પર બંધ થયું.

L&T સહિત આ 5 કંપનીઓને લાગ્યો ઝટકો

એક તરફ 5 કંપનીઓએ નફો કરાવ્યો, તો બીજી તરફ અમુક દિગ્ગજ કંપનીઓના શેરમાં ભારે વેચવાલી જોવા મળી, જેના કારણે તેમની માર્કેટ વેલ્યુમાં મોટો ઘટાડો નોંધાયો છે.

Larsen & Toubro

આ કંપનીને સૌથી મોટો ઝટકો લાગ્યો છે. તેનું માર્કેટ કેપ 18,097.72 કરોડ રૂપિયા ઘટીને 5,24,840.68 કરોડ રૂપિયા રહી ગયું છે.

LIC

સરકારી વીમા કંપની એલઆઈસીની માર્કેટ વેલ્યુ 12,080.75 કરોડ રૂપિયા ઘટીને 5,48,124.30 કરોડ રૂપિયા પર આવી ગઈ છે.

Bharti Airtel

ટેલિકોમ સેક્ટરની આ દિગ્ગજ કંપનીનું વેલ્યુએશન 7,706.45 કરોડ રૂપિયા ઘટીને 11,91,067.77 કરોડ રૂપિયા રહી ગયું છે.

HDFC Bank

અગાઉના સપ્તાહે 35,808 કરોડનો ફાયદો કરાવનાર આ બેંકના માર્કેટ કેપમાં ગત સપ્તાહે 7,084.61 કરોડ રૂપિયાનો ઘટાડો નોંધાયો છે. હવે તેનું કુલ વેલ્યુએશન 12,62,369.81 કરોડ રૂપિયા છે.

Hindustan Unilever

FMCG સેક્ટરની આ કંપનીના માર્કેટ કેપમાં 1,221.79 કરોડ રૂપિયાનો ઘટાડો નોંધાયો અને તે 5,03,775.86 કરોડ રૂપિયા પર આવી ગયું છે.

આ પણ વાંચો-SBI Funds IPO Listing: ગ્રે માર્કેટમાં ધમાકો, લિસ્ટિંગના દિવસે જ રોકાણકારો થશે માલામાલ, જાણો તમારું અલોટમેન્ટ સ્ટેટસ

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.