Share Market Crash: આ 3 કારણોસર માર્કેટ કડડભૂસ, સેન્સેક્સ દિવસની ટોચથી 500 પોઈન્ટ તૂટ્યો, નિફ્ટી 24000ની નીચે

Share Market Crash: શેરબજારમાં આજે શરૂઆતી કારોબારમાં જ ભારે વેચવાલી જોવા મળી છે. એશિયન બજારોમાંથી મળેલા નબળા સંકેતો અને નિફ્ટીની વીકલી એક્સપાયરીના દિવસે માર્કેટ કડડભૂસ થયું છે. સેન્સેક્સ અને નિફ્ટી 50 લાલ નિશાનમાં ખુલ્યા બાદ થોડા રિકવર જરૂર થયા હતા, પરંતુ ત્યારબાદ મોટો કડાકો બોલી ગયો. વેચવાલીના દબાણને કારણે સેન્સેક્સ ઈન્ટ્રા-ડેની ઉચ્ચ સપાટીથી 500 પોઈન્ટથી વધુ તૂટ્યો છે અને નિફ્ટી પણ 24000 ની નીચે ગગડી ગયો છે.

માર્કેટની વર્તમાન સ્થિતિ

બપોરે 12:20 વાગ્યાના આંકડા મુજબ, સેન્સેક્સ 439.62 પોઈન્ટ (0.57%) ના ઘટાડા સાથે 76,654.45 પર ટ્રેડ કરી રહ્યો હતો. બીજી તરફ નિફ્ટી 50 પણ 137.65 પોઈન્ટ (0.57%) તૂટીને 23,965.25 ના સ્તરે પહોંચી ગયો હતો.

જો ઈન્ટ્રા-ડે કારોબારની વાત કરીએ તો, શરૂઆતી નબળાઈ બાદ સેન્સેક્સે 77,194.83 ની હાઈ સપાટી બનાવી હતી, જ્યાંથી તે 578.84 પોઈન્ટ તૂટીને 76,615.99 ના નીચલા સ્તરે આવી ગયો. તેવી જ રીતે નિફ્ટી 24,135.50 ની હાઈ સપાટીથી 181.90 પોઈન્ટ ગગડીને 23,953.60 સુધી પહોંચી ગયો હતો. બ્રોડર માર્કેટમાં પણ હવે દબાણ સ્પષ્ટ દેખાઈ રહ્યું છે. નિફ્ટી મિડકેપ 100 અને નિફ્ટી સ્મોલકેપ 100 ઇન્ડેક્સ પોતાની શરૂઆતી લીડ ગુમાવીને હવે અડધા ટકાથી વધુના ઘટાડા સાથે ટ્રેડ થઈ રહ્યા છે.

IT અને મેટલ સેક્ટરનું ભારે દબાણ

આજે માર્કેટમાં આઈટી અને મેટલ સેક્ટરના શેરોએ કમર તોડી નાખી છે. નિફ્ટી IT 2% થી વધુ અને નિફ્ટી મેટલ 2.5% થી વધુ તૂટ્યો છે. આ ઉપરાંત નિફ્ટી PSU બેંકમાં 1.5% નો ઘટાડો નોંધાયો છે. ફાર્મા સેક્ટરમાં 1% નો ઉછાળો હોવા છતાં, તે એકલું સેક્ટર બજારના આ મોટા કડાકાને બચાવી શક્યું નથી.

એશિયન બજારોનું નેગેટિવ સેન્ટિમેન્ટ

ગ્લોબલ માર્કેટમાં વેચવાલીની સીધી અસર ભારતીય બજાર પર પડી રહી છે. ગત રાત્રે અમેરિકન બજારમાં નેસ્ડેક 1% થી વધુ તૂટ્યો હતો અને S&P 500 પણ લાલ નિશાનમાં બંધ થયો હતો. એશિયન બજારોની વાત કરીએ તો સાઉથ કોરિયાના કોસ્પી (Kospi) માં 11% થી વધુનો ભયાનક કડાકો જોવા મળ્યો છે. આ સાથે જાપાનનો નિક્કેઈ 225 લગભગ 3%, હોંગકોંગનો હેંગ સેંગ 2%, ચીનનો શાંઘાઈ કમ્પોઝિટ અને તાઈવાન વેઈટેડ 1.5% તેમજ થાઈલેન્ડનો સેટ કમ્પોઝિટ 1% થી વધુ તૂટ્યા છે.

નિફ્ટીની વીકલી એક્સપાયરી

આજે નિફ્ટીના ઈન્ડેક્સ ડેરિવેટિવ કોન્ટ્રાક્ટ્સની સાપ્તાહિક એક્સપાયરીનો દિવસ છે. એક્સપાયરીના કારણે માર્કેટમાં વોલેટિલિટી વધી છે અને બજારમાં ભારે ઉતાર-ચઢાવ જોવા મળી રહ્યો છે.

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.

આ પણ વાંચો- Stock Market Insight: બજારમાં કમાણીની શાનદાર તક, જાણો કેમ 'રિસ્ક ન લેવું એ જ સૌથી મોટું રિસ્ક છે'