Best Mutual Funds 2025: માર્કેટની ઉથલપાથલ વચ્ચે પણ બમ્પર કમાણી, આ 5 ફંડ્સે 5 વર્ષમાં રોકાણકારોને કર્યા માલામાલ

Best Mutual Funds 2025: ભારતીય શેરબજારમાં સતત ઉતાર-ચઢાવનો માહોલ છે, જ્યાં રોકાણકારો માટે યોગ્ય નિર્ણય લેવો પડકારજનક બની રહે છે. શુક્રવારે BSE સેન્સેક્સ 449.53 પોઈન્ટના વધારા સાથે 85,267.66 પર બંધ થયો હતો, જ્યારે NSE નિફ્ટી 50 પણ 148.40 પોઈન્ટની તેજી સાથે 26,046.95 પર પહોંચ્યો હતો. બજારની આવી અસ્થિર પરિસ્થિતિમાં પણ, કેટલીક મ્યુચ્યુઅલ ફંડ સ્કીમોએ રોકાણકારોને નિરાશ કર્યા નથી અને તેમના પોર્ટફોલિયોને મજબૂતીથી સંભાળ્યો છે.

ખાસ કરીને ફ્લેક્સી કેપ ફંડ્સ, જે બજારની સ્થિતિ અનુસાર લાર્જ, મિડ અને સ્મોલ કેપ કંપનીઓમાં રોકાણ કરવાની સુવિધા આપે છે, તેમણે શાનદાર પ્રદર્શન કર્યું છે. આજે આપણે એવી 5 ફ્લેક્સી કેપ મ્યુચ્યુઅલ ફંડ સ્કીમ્સ વિશે વાત કરીશું જેમણે છેલ્લા 5 વર્ષમાં રોકાણકારોને 21% થી લઈને લગભગ 25% સુધીનું જબરદસ્ત રિટર્ન આપ્યું છે.

આ 5 ફ્લેક્સી કેપ ફંડ્સે રોકાણકારોને કરી બમ્પર કમાણી

AMFI (એસોસિએશન ઓફ મ્યુચ્યુઅલ ફંડ્સ ઇન ઇન્ડિયા) ના ડેટા અનુસાર, અહીં એવા 5 ફ્લેક્સી કેપ ફંડ્સની યાદી આપી છે જેમણે છેલ્લા પાંચ વર્ષમાં રોકાણકારોને ઉત્તમ રિટર્ન આપીને ખુશ કર્યા છે:

Quant Flexi Cap Fund: બીજા ક્રમે ક્વોન્ટ ફ્લેક્સી કેપ ફંડ આવે છે. આ મ્યુચ્યુઅલ ફંડ સ્કીમે પણ શાનદાર પ્રદર્શન કરતાં છેલ્લા 5 વર્ષમાં રોકાણકારોને 24.02%નું તગડું રિટર્ન કમાવી આપ્યું છે.

Bank of India Flexi Cap Fund: બેંક ઓફ ઈન્ડિયા ફ્લેક્સી કેપ ફંડ આ યાદીમાં ત્રીજા સ્થાને છે. આ ફંડના ડાયરેક્ટ પ્લાને છેલ્લા 5 વર્ષમાં રોકાણકારોની સંપત્તિમાં વાર્ષિક 23.06%નો વધારો કર્યો છે.

JM Flexi Cap Fund: ચોથા ક્રમે JM ફ્લેક્સી કેપ ફંડ છે, જેણે છેલ્લા 5 વર્ષમાં સતત સારું પ્રદર્શન કર્યું છે. આ ફંડ સ્કીમે તેના રોકાણકારોને 21.89%નું ઉત્તમ રિટર્ન પૂરું પાડ્યું છે.

Parag Parikh Flexi Cap Fund: રોકાણકારોમાં ખૂબ જ લોકપ્રિય એવા પરાગ પારીખ ફ્લેક્સી કેપ ફંડે આ યાદીમાં પાંચમું સ્થાન મેળવ્યું છે. આ ફંડે છેલ્લા 5 વર્ષમાં રોકાણકારોને 21.24% નું શાનદાર રિટર્ન આપ્યું છે.

Disclaimer: આ આર્ટિકલ ફક્ત શૈક્ષણિક અને માહિતીના હેતુ માટે છે. મ્યુચ્યુઅલ ફંડમાં રોકાણ બજારના જોખમોને આધીન છે. કોઈપણ પ્રકારનું નાણાકીય રોકાણ કરતા પહેલા, કૃપા કરીને તમારા નાણાકીય સલાહકારની સલાહ અવશ્ય લો. અહીં આપેલી માહિતીના આધારે લેવાયેલા કોઈપણ નાણાકીય નિર્ણય કે નુકસાન માટે અમે જવાબદાર નથી.

આ પણ વાંચો- વીમા ક્ષેત્રમાં ઐતિહાસિક ફેરફાર: હવે 100% વિદેશી રોકાણને મંજૂરી, જાણો સામાન્ય માણસને શું ફાયદો થશે?