BJP Candidate List: ચંદીગઢથી કિરણ ખેરની કપાઈ ટિકિટ, તો આસનસોલથી શત્રુઘ્ન સિંહાને ટક્કર આપશે એસએસ આહલુવાલિયા, ભાજપની નવી યાદી જાહેર

BJP Candidate List: ભારતીય જનતા પાર્ટીએ લોકસભા ચૂંટણી માટે વધુ એક યાદી બહાર પાડી છે. આ યાદીમાં નવ ઉમેદવારોના નામ છે. જેમાં ઉત્તર પ્રદેશની સાત બેઠકો અને પશ્ચિમ બંગાળની આસનસોલ અને ચંદીગઢ બેઠકોનો સમાવેશ થાય છે. બીજેપીએ ચંદીગઢથી વર્તમાન સાંસદ કિરણ ખેરની ટિકિટ રદ્દ કરી દીધી છે. તેમની જગ્યાએ સંજય ટંડનને ઉમેદવાર બનાવવામાં આવ્યા છે. આ સિવાય આસનસોલથી શત્રુઘ્ન સિંહા સામે એસએસ અહલુવાલિયાને મેદાનમાં ઉતારવામાં આવ્યા છે.

ભાજપના નેતાએ બલિયાથી પૂર્વ વડાપ્રધાન ચંદ્રશેખરના પુત્ર નીરજ શેખરને ટિકિટ આપી છે. જ્યારે ગાઝીપુરથી પારસનાથ રાયને મુખ્તાર અંસારીના ભાઈ અને સપાના ઉમેદવાર અફઝલ અન્સારી સામે મેદાનમાં ઉતારવામાં આવ્યા છે. આ ઉપરાંત ફુલપુરથી પ્રવીણ પટેલ, અલ્હાબાદથી નીરજ ત્રિપાઠી, મછલીશહરથી બીપી સરોજને ટિકિટ આપવામાં આવી છે. વિનોદ સોનકરને કૌશામ્બીથી મેદાનમાં ઉતારવામાં આવ્યા છે. ભારતીય જનતા પાર્ટીએ મૈનપુરી સીટ પર સમાજવાદી પાર્ટીના ડિમ્પલ યાદવ સામે જયવીર ઠાકુરને ટિકિટ આપી છે. હાલમાં તેઓ યુપીની યોગી સરકારમાં કેબિનેટ મંત્રી છે.