રાહુલના 'વોટ ચોરી' આરોપો પર ECIનું મોટું સ્ટેપ: e-Sign સિસ્ટમ લોન્ચ, જાણો મતદાર નામ કાઢવાના ફ્રોડને કેવી રીતે અટકાવશે

Rahul Gandhi allegations: કોંગ્રેસ નેતા રાહુલ ગાંધીના 'વોટ ચોરી'ના તીખા આરોપો પછી ભારતના ચૂંટણી પંચે (ECI) મતદાર યાદીમાં ગેરરીતિઓ અટકાવવા માટે મહત્વનું સ્ટેપ ભર્યું છે. ECIએ તેના ECINet પોર્ટલ અને મોબાઈલ એપ પર 'e-Sign' ફીચર લોન્ચ કર્યું, જે આધાર કાર્ડ સાથે લિંક્ડ મોબાઈલ નંબર દ્વારા ઓળખ વેરિફિકેશન કરશે. આ નવી સુવિધા મુખ્યત્વે ફોર્મ 7 (નામ હટાવવા માટે) જેવી અરજીઓમાં ફ્રોડને રોકવા માટે છે, જેના કારણે મોટા પાયે નામ કાઢવાના પ્રયાસો અટકાવી શકાય.

આ નિર્ણયની પાછળ કર્ણાટકના આલંદ વિધાનસભા ક્ષેત્રમાં થયેલા વિવાદ છે. 18 સપ્ટેમ્બરે પ્રેસ કોન્ફરન્સમાં રાહુલ ગાંધીએ જણાવ્યું કે, 2023ની વિધાનસભા ચૂંટણી પહેલાં કોઈએ સોફ્ટવેરની મદદથી 6,018 અરજીઓ દાખલ કરીને કોંગ્રેસ સમર્થક વિસ્તારોમાં મતદારોના નામ કાઢવાનો પ્રયાસ કર્યો. આમાંથી મોટાભાગની અરજીઓમાં અસલ મતદારોની ઓળખનો દુરુપયોગ થયો અને બહારના રાજ્યોના મોબાઈલ નંબરનો ઉપયોગ થયો. ECIએ આ આરોપોને 'અસંગત અને ખોટા' ગણાવીને કહ્યું કે, ઓનલાઈન કોઈપણ અરજીથી સીધું નામ કાઢી શકાતું નથી – વેરિફિકેશન પછી જ 24 અરજીઓ વાજબી મળી.

પરંતુ આ વિવાદને ધ્યાનમાં રાખીને ECIએ e-Sign સિસ્ટમ લાગુ કરી. અગાઉ અરજદારો વેરિફિકેશન વગર ફોર્મ 6 (નવું રજિસ્ટ્રેશન), ફોર્મ 7 અથવા ફોર્મ 8 (સુધારા) ભરી શકતા, જેનાથી ઓળખનો દુરુપયોગ થવાનું જોખમ હતું. હવે e-Signથી પ્રક્રિયા આવી રહેશે:

ECINet પર ફોર્મ ભરતા સમયે સિસ્ટમ મતદાર કાર્ડ અને આધારના નામની તુલના કરશે.

* OTP વેરિફાઈ કર્યા પછી જ અરજી જમા થશે.

આ ફેરફારથી નકલી અરજીઓ અને મોટા પાયે ડિલીશન પ્રયાસો રોકાશે, જે ચૂંટણી પ્રક્રિયાને વધુ પારદર્શક બનાવશે. ECIના અધિકારીઓ કહે છે કે આ ટેક્નિકલ ફેરફાર જુલાઈ-ઓગસ્ટથી શરૂ થયો હતો, પરંતુ વિવાદ પછી તેને વેગ મળ્યો. આ પગલાંથી મતદારોનો વિશ્વાસ વધશે અને લોકશાહીને મજબૂત કરશે.

આ પણ વાંચો- યુક્રેન-રશિયા યુદ્ધ વચ્ચે જેલેન્સ્કીનું મોટું નિવેદન: 'ભારત અમારી સાથે, મતભેદો ઉકેલી શકાય'