Elon Musk: ઈલોન મસ્કે કમલા હેરિસનો ડીપફેક વીડિયો કર્યો પોસ્ટ, શું તેમની સામે લેવાશે પગલાં?

Elon Musk: એલોન મસ્કે યુએસ વાઇસ પ્રેસિડેન્ટ કમલા હેરિસનો ડીપ ફેક વીડિયો શેર કર્યો છે. મસ્કે આ વીડિયો સોશિયલ મીડિયા પ્લેટફોર્મ X (અગાઉ ટ્વિટર) પર શેર કર્યો છે. આ વીડિયોને શેર કરીને એલોન મસ્કે પોતે જ પોતાના સોશિયલ મીડિયા પ્લેટફોર્મની નીતિનું ઉલ્લંઘન કર્યું છે

મસ્કએ શુક્રવારે આ વીડિયો શેર કર્યો હતો, જે કમલા હેરિસ દ્વારા બહાર પાડવામાં આવેલા તાજેતરના કેમ્પેન વીડિયોનું ડીપફેક વર્ઝન છે. યુએસ પ્રમુખ જો બિડેન રાષ્ટ્રપતિની ચૂંટણીની રેસમાંથી ખસી ગયા બાદ કમલા હેરિસ હવે રાષ્ટ્રપતિ પદના ઉમેદવાર છે.

શું છે સમગ્ર મામલો?

આ ફેક વિડિયોને સૌપ્રથમ પોસ્ટ કરનાર એકાઉન્ટે તેના પર કમલા હેરિસ કેમ્પેઈન એડ પેરોડી કહીને ડિસ્ક્લેમર મૂક્યું હતું. આ ડિસ્ક્લેમરને કારણે, વિડિયો Xની પોલિસીનું ઉલ્લંઘન કરતું નથી, પરંતુ આ કોન્ટેન્ટ મસ્કની રીપોસ્ટમાં દેખાતી નથી.

This is amazing pic.twitter.com/KpnBKGUUwn

— Elon Musk (@elonmusk) July 26, 2024

મસ્ક જે પોસ્ટ કરે છે તેમાં માત્ર આ વીડિયો જ દેખાય છે. આના પર મસ્કે હસતા ઇમોજી સાથે લખ્યું, 'આ અદ્ભુત છે.' આ પોસ્ટને લઈને મસ્ક વિરુદ્ધ કોઈ કાર્યવાહી કરવામાં આવે છે કે કેમ તે તો સમય જ કહેશે, પરંતુ ચૂંટણીમાં AIની ભૂમિકા પર સવાલો ચોક્કસ ઉઠે છે.

AI નો દુરુપયોગ ચૂંટણીને કેવી રીતે અસર કરી શકે છે?

AI ચૂંટણીને કેવી રીતે પ્રભાવિત કરી શકે છે તેનું આ તાજેતરનું ઉદાહરણ છે. અમે ઘણા પ્રસંગોએ ખાસ લોકોના ડીપફેક વીડિયો જોયા છે. ભલે તેઓ આનંદ અને મનોરંજન માટે બનાવવામાં આવ્યા હોય, પરંતુ આ વીડિયો ચૂંટણી દરમિયાન મતદારોને ગેરમાર્ગે દોરી શકે છે.

સોશિયલ મીડિયા પ્લેટફોર્મને આ પ્રકારની સામગ્રી અંગે વધુ કડક બનવાની જરૂર છે. ખોટી માહિતીના ફેલાવાને રોકવા માટે તેઓએ તેમની ભૂમિકા વધારવી પડશે. Xએ તેની પોલિસીથી સ્પષ્ટ કર્યું છે કે તેના પ્લેટફોર્મ પર આવા વીડિયો સ્વીકારવામાં આવતા નથી, જે લોકોને મૂંઝવણમાં મૂકે અથવા નુકસાન પહોંચાડે.

Manipulating a voice in an “ad” like this one should be illegal. I’ll be signing a bill in a matter of weeks to make sure it is. pic.twitter.com/NuqOETkwTI — Gavin Newsom (@GavinNewsom) July 29, 2024

જો કે, જ્યારે મસ્ક દ્વારા શેર કરવામાં આવેલા વીડિયો પર લોકોએ સવાલ ઉઠાવ્યા તો તેણે આ જવાબ આપ્યો. મસ્કે લખ્યું છે કે તેણે તપાસ કરી છે અને અમેરિકામાં પેરોડીની મંજૂરી છે.

આ પણ વાંચો - ટેલિકોમ ઇક્વિપમેન્ટના મેન્યુફેક્ચરિંગમાં ભારતનું વધ્યું વર્ચસ્વ, વિશ્વના ઘણા દેશોમાં થઇ રહ્યાં છે એક્સપોર્ટ