કોંગ્રેસમાં વધતો આંતરિક વિખવાદ: હવે જમ્મુ-કશ્મીરના તારિક હમીદ કર્રા સામે 20 નેતાઓનો બળવો, દિલ્હી જવા તૈયાર

કોંગ્રેસ પાર્ટીમાં આંતરિક કલહ હવે કર્ણાટક પૂરતો મર્યાદિત નથી, જમ્મુ-કશ્મીરમાં પણ વિવાદ ઉભો થયો છે. જમ્મુ-કશ્મીર પ્રદેશ કોંગ્રેસ પ્રમુખ તારિક હમીદ કર્રા સામે અનેક સિનિયર નેતાઓએ મોરચો ખોલ્યો છે અને તેમને હટાવવાની માંગ ઉઠાવી છે. કર્રાને રાહુલ ગાંધીની નજીકના નેતા તરીકે ગણવામાં આવે છે, પરંતુ તેમની નેતૃત્વ શૈલીથી પાર્ટીના અનેક નેતાઓ નારાજ છે.

કોંગ્રેસમાં ગૂંચવણ વધી

જમ્મુ-કશ્મીરમાં કોંગ્રેસની હાલત ચિંતાજનક બની છે. તાજેતરમાં યોજાયેલી ચૂંટણીમાં જમ્મુ વિસ્તારમાં પાર્ટીને એક પણ સીટ નથી મળી, જે પરંપરાગત રીતે કોંગ્રેસનો ગઢ રહ્યો છે. ઘાટીમાં પણ માત્ર છ સીટો મળી, જેના કારણે નેતાઓમાં નારાજગી વધી છે. આ નિષ્ફળતાને લઈને તારિક હમીદ કર્રા પર આંગળી ઉઠી રહી છે. નેતાઓનો આરોપ છે કે કર્રા સિનિયર નેતાઓને નજરઅંદાજ કરે છે અને પાર્ટીના મુદ્દાઓથી હટીને વર્તન કરે છે.

શ્રીનગરમાં ‘ભોજ’નો બહિષ્કાર

કર્ણાટકમાં પણ અસંતોષ

જમ્મુ-કશ્મીર ઉપરાંત, કર્ણાટકમાં પણ કોંગ્રેસની મુશ્કેલીઓ ઓછી નથી. ડીકે શિવકુમારના સમર્થક એક ધારાસભ્યએ 100 ધારાસભ્યોનું સમર્થન હોવાનો દાવો કરીને સીએમ બદલવાની માંગ કરી છે. આ મુદ્દે રણદીપ સુરજેવાલાએ ધારાસભ્યો સાથે બે દિવસની બેઠક યોજી, પરંતુ હાઈકમાન્ડે હજુ કોઈ નિર્ણય લીધો નથી. મલ્લિકાર્જુન ખરગે દ્વારા આ મામલો હાઈકમાન્ડ પર છોડી દેવાયો છે.

આગળ શું?

જમ્મુ-કશ્મીરમાં કોંગ્રેસના નેતાઓનો આક્ષેપ છે કે કર્રાને પીડીપીમાંથી લાવીને મોટી જવાબદારી સોંપવામાં આવી, પરંતુ તેઓ પાર્ટીના મૂળ મુદ્દાઓને સમજવામાં નિષ્ફળ રહ્યા છે. જો આંતરિક વિખવાદ નહીં સંભાળાય તો આગામી ચૂંટણીઓમાં કોંગ્રેસને વધુ નુકસાન થઈ શકે છે. હાલમાં, રાહુલ ગાંધી અને ખરગેની મુલાકાતનો સમય ન મળ્યો હોવાથી નેતાઓ દિલ્હી જવા માટે રાહ જોઈ રહ્યા છે.

આ પણ વાંચો- Corona vaccine: શું કોરોના રસીઓને કારણે લોકો અચાનક મૃત્યુ પામે છે? AIIMSની સ્ટડીએ શંકાનો લાવ્યો અંત