ચીનને ભારતનો સણસણતો જવાબ: 'અરુણાચલ પ્રદેશ અમારો અભિન્ન અંગ છે અને રહેશે', જાણો વિદેશ મંત્રાલયે બીજું શું કહ્યું

Indian Ministry of External Affairs: ભારતીય વિદેશ મંત્રાલયે સોમવારે ચીનને અરુણાચલ પ્રદેશ મુદ્દે કડક અને સ્પષ્ટ સંદેશ આપ્યો છે. વિદેશ મંત્રાલયના પ્રવક્તા રણધીર જાયસવાલે નવી દિલ્હીમાં પત્રકારો સાથે વાતચીત કરતાં જણાવ્યું કે, "અમે ઘણી વખત સ્પષ્ટ કર્યું છે કે અરુણાચલ પ્રદેશ ભારતનો એક અભિન્ન અને અતૂટ હિસ્સો છે અને હંમેશા રહેશે. અમે આ મામલે કોઈની દખલગીરી સહન કરીશું નહીં."

ચીન-ભારત સંબંધો પર શું કહ્યું?

અરુણાચલ પ્રદેશ પર કડક વલણ અપનાવવાની સાથે રણધીર જાયસવાલે બંને દેશોના સંબંધો પર પણ વાત કરી. તેમણે જણાવ્યું કે ભારત અને ચીન વચ્ચેના સંબંધો ધીમે ધીમે સકારાત્મક દિશામાં આગળ વધી રહ્યા છે અને ભારત આ સંબંધોને વધુ મજબૂત કરવા માંગે છે.

ચીનની મુસાફરી કરતા ભારતીયો માટે ચેતવણી

આંતરરાષ્ટ્રીય મુદ્દાઓ પર ભારતનું વલણ

UK દ્વારા ઉગ્રવાદી સંગઠનો પર પ્રતિબંધ

રણધીર જાયસવાલે કહ્યું, "અમે UK સરકાર દ્વારા ભારત વિરોધી ઉગ્રવાદી સંસ્થાઓ પર પ્રતિબંધ મૂકવાના નિર્ણયને આવકારીએ છીએ. આ પગલાથી આતંકવાદ અને ઉગ્રવાદ સામેની વૈશ્વિક લડાઈ વધુ મજબૂત બનશે." તેમણે જણાવ્યું કે આવા તત્વો માત્ર ભારત અને UK માટે જ નહીં, પરંતુ સમગ્ર વિશ્વ માટે ખતરો છે.

અમેરિકા સાથે ભાગીદારી

અમેરિકાના રાષ્ટ્રીય સુરક્ષા દસ્તાવેજ અંગે પૂછાયેલા સવાલના જવાબમાં તેમણે કહ્યું, "આ રિપોર્ટ દર્શાવે છે કે અમેરિકા ભારતને એક મહત્વપૂર્ણ ભાગીદાર તરીકે કેટલું મહત્વ આપે છે. બંને દેશો વચ્ચે મજબૂત વૈશ્વિક વ્યૂહાત્મક ભાગીદારી છે અને અમે આ સંબંધોને વધુ ગાઢ બનાવવા માટે કામ કરતા રહીશું."

આ પણ વાંચો- અમેરિકામાં ખતરાની ઘંટડી! 15 વર્ષનો રેકોર્ડ તૂટ્યો, હજારો કંપનીઓએ દેવાળું ફૂંક્યું, શું આ મંદીના સંકેત છે?