મહારાષ્ટ્રઃ લાડકી બહિંન યોજનાથી બજેટ હચમચ્યું, અન્ય કઇ યોજનાઓ થઇ પ્રભાવિત, જાણો મહેસૂલ મંત્રીએ શું કહ્યું?

મહારાષ્ટ્ર સરકારના મંત્રી ચંદ્રશેખર બાવનકુલેએ રવિવારે જણાવ્યું હતું કે મુખ્યમંત્રી માંઝી લાડકી બહેન યોજનાથી અન્ય કોઈ યોજના પ્રભાવિત થઈ નથી. તેમણે એ પણ સ્પષ્ટતા કરી કે દરેક કલ્યાણકારી યોજના માટે અલગ બજેટ જોગવાઈઓ કરવામાં આવી છે. એક પ્રશ્નના જવાબમાં મહારાષ્ટ્ર ભાજપ પ્રમુખ બાવનકુળેએ કહ્યું, “અમારી સરકારે દરેક યોજના માટે અલગ બજેટ ફાળવ્યું છે. લાડકી બહેન યોજના માટે અલગ બજેટ છે. તેવી જ રીતે, કૃષિ પાક વીમા માટે અલગ બજેટ છે અને કેટલાક લોકો લાડકી બહેન યોજના વિશે મૂંઝવણ ઉભી કરી રહ્યા છે.

ચૂંટણી પહેલા મહારાષ્ટ્ર સરકારે લાડકી બેહન યોજના શરૂ કરી હતી. રાજ્યમાં ફરી મહાયુતિની સરકાર બન્યા બાદ આ યોજના ચાલુ રાખવામાં આવી છે. આ અંતર્ગત, 21-65 વર્ષની વય જૂથની એવી મહિલાઓને દર મહિને 1,500 રૂપિયાની નાણાકીય સહાય આપવામાં આવે છે જેમની વાર્ષિક કૌટુંબિક આવક 2.5 લાખ રૂપિયાથી ઓછી હોય. અન્ય પાત્રતા શરતોમાં ફોર વ્હીલર ન હોવું અને પરિવારનો કોઈ સભ્ય સરકારી સેવામાં ન હોવો શામેલ છે.

‘લાડકી બહેન'ના લાભાર્થીઓની સંખ્યામાં પાંચ લાખનો ઘટાડો

જાન્યુઆરીમાં 'મુખ્યમંત્રી માજી લાડકી બહિન યોજના' હેઠળ લાભાર્થીઓની સંખ્યા ઘટીને 2.41 કરોડ થઈ ગઈ કારણ કે વિવિધ કારણોસર પાંચ લાખ મહિલાઓને અયોગ્ય ઠેરવવામાં આવી હતી. ડિસેમ્બર 2024માં લાભાર્થીઓની સંખ્યા 2.46 કરોડ હતી. મહિલા અને બાળ વિકાસ મંત્રી અદિતિ તટકરેએ કહ્યું છે કે ગયા વર્ષે જુલાઈથી ડિસેમ્બર દરમિયાન આ મહિલાઓના ખાતામાં કુલ 450 કરોડ રૂપિયા ટ્રાન્સફર કરવામાં આવ્યા હતા, પરંતુ તે રકમ ઉપાડવામાં આવી નથી અને રાજ્ય સરકારનો આવું કરવાનો કોઈ ઈરાદો નથી.

અધિકારીએ જણાવ્યું હતું કે અયોગ્ય જાહેર થયેલી પાંચ લાખ મહિલાઓમાંથી 1.5 લાખ 65 વર્ષથી વધુ ઉંમરની હતી, જ્યારે 1.6 લાખ મહિલાઓ કાં તો ફોર વ્હીલર ધરાવતી હતી અથવા 'નમો શેતકરી યોજના' જેવી અન્ય સરકારી યોજનાઓની લાભાર્થી હતી. અધિકારીએ જણાવ્યું હતું કે સંજય ગાંધી નિરાધાર યોજના હેઠળ લગભગ 2.3 લાખ મહિલાઓ લાભ મેળવી રહી છે, જેના કારણે તેઓ 'લાડકી બહેન યોજના' માટે અયોગ્ય બની ગઈ છે.

આ પણ વાંચો - અમેરિકામાં નીતા અંબાણીને કરાયા સન્માનિત, રાજ્યપાલે વિશ્વમાં પરિવર્તન લાવવા બદલ તેમની પ્રશંસા કરી, તેમને ગણાવ્યા 'ગ્લોબલ ચેન્જમેકર'