મોદી 3.0એ પ્રથમ 100 દિવસમાં આ 4 મોટા નિર્ણય પલટ્યા, પેપર લીક, રોજગાર અને મોંઘવારી પર ઘેરી રહી છે કોંગ્રેસ

કોંગ્રેસે વડા પ્રધાન નરેન્દ્ર મોદી અને તેમની સરકારના ત્રીજા કાર્યકાળના પ્રથમ 100 દિવસોને જનતાને અધૂરા વચનો, વ્યવસ્થિત ભ્રષ્ટાચાર અને સરકારમાં યુ-ટર્નથી ભરેલા ગણાવ્યા છે. કોંગ્રેસે પેપર લીક, શિક્ષણની ગેરવ્યવસ્થા, રોજગાર અને મોંઘવારી જેવા મુદ્દે સરકારને નિષ્ફળ ગણાવી છે. કોંગ્રેસે સરકારના પ્રથમ 100 દિવસના દસ્તાવેજો જાહેર કર્યા છે અને તેની નિષ્ફળતાઓ ગણાવી છે.

કોંગ્રેસે નિષ્ફળતા ગણાવતા કહ્યું....

NEET પેપર લીક

24 લાખ વિદ્યાર્થીઓના ભવિષ્ય સાથે ચેડા કરીને લાખો લોકોનો વિશ્વાસ ડગમગી ગયો હતો. તંત્રની નિષ્ફળતા માટે શિક્ષણ મંત્રીએ નૈતિક ધોરણે રાજીનામું આપી દેવું જોઈતું હતું પરંતુ તેમ થયું નથી.

રાષ્ટ્રીય સ્તરની પરીક્ષાઓની અખંડિતતા જાળવવાને બદલે, તે તૂટી જાય છે. NEET કૌભાંડ, UGC NET પરીક્ષાઓ રદ કરવામાં આવી કારણ કે પ્રશ્નપત્રો ડાર્ક વેબ પર રુપિયા 6 લાખમાં વેચાયા હતા.

બેરોજગારી સંકટ

યુવા બેરોજગારી દર 9.2 ટકા અને મહિલા બેરોજગારી દર 18.5 ટકા છે. 2014-2022 ની વચ્ચે, 22 કરોડ ઉમેદવારોએ કેન્દ્રીય નોકરીઓ માટે અરજી કરી હતી, પરંતુ નોકરીઓ ન મળી.

વચનોનો પુરા નાથયા

પુલ તૂટી પડવાથી માંડીને રામ મંદિરના ગર્ભ મંડપની છત પરથી પાણી ટપકવા સુધી, નિર્માણના થોડા દિવસોમાં, સ્થિતિ ભયાનક છે. અટલ બ્રિજ શરૂ થયાના છ મહિનામાં જ તિરાડો દેખાઈ હતી.

અગ્નિવીર યોજના

વિવાદાસ્પદ યોજનામાં 21 વર્ષીય અગ્નિવીર જિતેન્દ્ર સિંહ તંવરની શહીદીએ સૈનિકો અને તેમના પરિવારો પ્રત્યે સરકારની ઉપેક્ષાને છતી કરી. સૈનિકો પ્રત્યે સરકારમાં સહાનુભૂતિ નથી.

આર્થિક નિષ્ફળતા

ડોલર સામે રૂપિયો 84.09 રૂપિયાના ઐતિહાસિક નીચલા સ્તરે પહોંચી ગયો છે. જૂન 2024માં ખાદ્યપદાર્થોના ભાવમાં વધારો થયો, ફુગાવો 9.36 ટકા થયો. અમીર વધુ અમીર અને ગરીબ વધુ ગરીબ બન્યો.

મોદી સરકારનો યુ-ટર્ન

1. UPSC લેટરલ એન્ટ્રી જોબ્સની જાહેરાત રદ કરવી: વિચાર પરંપરાગત અમલદારશાહી પ્રમોશન સિસ્ટમ્સને બાયપાસ કરવાનો હતો અને બાહ્ય નિષ્ણાતોને લાવવાનો હતો. તેમાં અનુસૂચિત જાતિ (SC), અનુસૂચિત જનજાતિ (ST) અને અન્ય પછાત વર્ગો (OBC) માટે અનામતનો સમાવેશ થતો ન હતો. જ્યારે કોંગ્રેસ અને ભાજપ સહિતના સાથી પક્ષોએ વિરોધ કરતાં તેને પાછી ખેંચી લેવામાં આવી હતી.

2. બ્રોડકાસ્ટિંગ બિલ પર પુનર્વિચાર: કેબલ ટેલિવિઝન નેટવર્ક્સ (રેગ્યુલેશન) એક્ટ 1995ની જગ્યાએ બ્રોડકાસ્ટિંગ સર્વિસિસ (રેગ્યુલેશન) બિલ, 2024 ની રજૂઆતથી મીડિયા પર સરકારના અતિક્રમણ અને મીડિયા દમનના આરોપોને જન્મ આપ્યો. વિરોધ પક્ષોના વિરોધ બાદ તેને પાછો ખેંચી લેવામાં આવ્યો હતો.

3. વક્ફ બિલ જેપીસીને મોકલવામાં આવ્યું: વિવાદાસ્પદ વક્ફ (સુધારા) બિલ, 2024 ભાજપના મુખ્ય સહયોગીઓ અને મુસ્લિમ સંસ્થાઓના વિરોધ પછી સંયુક્ત સંસદીય સમિતિ (જેપીસી) ને મોકલવામાં આવ્યું હતું.

4. લાંબા ગાળાના મૂડી લાભો: મોદી સરકારે પણ મિલકતના વેચાણ માટેના લાંબા ગાળાના મૂડી લાભો પરના ઇન્ડેક્સેશન લાભો દૂર કરવાના નિર્ણયને ઉલટાવી દીધો, જે એક નીતિ બજેટ 2024 માં પ્રસ્તાવિત છે.

આ તમામ આરોપો કરીને કોંગ્રેસે સરકારને ઘેરવાનો પ્રયાસ કર્યો છે.

આ પણ વાંચો - ચિકનગુનિયાના નવા પ્રકારે પુણેમાં વર્તાવ્યો કહેર, શરીરમાં દેખાતા આ લક્ષણોને અવગણવું સાબિત થઈ શકે છે મોંઘું