પ્રશાંત ભૂષણના સત્તા પરિવર્તન વાળા નિવેદન પર ભડકી BJP, કહ્યું- ‘જે બાંગ્લાદેશમાં થયું તે ભારતમાં કરવા માંગે છે'

Prashant Bhushan Regime Change: મુખ્ય ચૂંટણી કમિશનર સામે ચાલી રહેલા વિરોધ પ્રદર્શનો વચ્ચે રાજકારણ ગરમાયું છે. જાણીતા વકીલ પ્રશાંત ભૂષણના 'સત્તા પરિવર્તન' (Regime Change) અંગેના નિવેદન બાદ ભારતીય જનતા પાર્ટી એ વિપક્ષ પર આકરા પ્રહારો કર્યા છે. ભાજપે આરોપ લગાવ્યો છે કે આ લોકો ભારતમાં પણ બાંગ્લાદેશ જેવી સ્થિતિ ઊભી કરવા માંગે છે. આ મામલે રક્ષા મંત્રી રાજનાથ સિંહે પણ પ્રેસ કોન્ફરન્સ કરીને રાહુલ ગાંધી અને પ્રદર્શનકારીઓ પર સીધું નિશાન સાધ્યું છે.

પ્રશાંત ભૂષણે ખુલાસો કરતા શું કહ્યું?

ગુરુવારે AISA ની નેહા બોરા અને CJP ના અભિજીત દિપકે સાથેની એક પ્રેસ કોન્ફરન્સમાં હાજર રહેલા પ્રશાંત ભૂષણે ખુલાસો કર્યો હતો કે તેમનો ઉદ્દેશ્ય શું છે. તેમણે સ્પષ્ટ કહ્યું, "હા, અમે સત્તા પરિવર્તન ઇચ્છીએ છીએ." ભૂષણે દાવો કર્યો કે લોકશાહીમાં સરકાર સામે અસંતોષ વ્યક્ત કરવો કે ફેલાવવો એ કોઈ ગુનો નથી.

તેમણે સરકાર પર પ્રહાર કરતા કહ્યું કે આ લડાઈ હવે એક તાનાશાહ સરકાર સામે સત્તા પરિવર્તનની લડાઈ બની ગઈ છે. લોકશાહીને કચડવામાં આવી રહી છે અને વહીવટીતંત્ર જેટલો અવાજ દબાવવાનો પ્રયાસ કરશે, તેટલા જ વધુ લોકો રસ્તા પર ઉતરશે. સાથે જ તેમણે સવાલ કર્યો કે શું ભાજપે અગાઉ સત્તા પરિવર્તન માટે આંદોલનો નહોતા કર્યા?

પ્રશાંત ભૂષણના આ નિવેદન બાદ રક્ષા મંત્રી રાજનાથ સિંહે શુક્રવારે લખનૌમાં વળતો પ્રહાર કર્યો હતો. તેમણે કહ્યું કે વિપક્ષનો અસલી એજન્ડા દેશમાં માત્ર અરાજકતા ફેલાવવાનો છે. પ્રદર્શનકારીઓ દેશના યુવાનોનો મોહરા તરીકે ઉપયોગ કરી રહ્યા છે અને બાંગ્લાદેશની જેમ ભારતમાં પણ 'સત્તા પરિવર્તન' લાવવા માંગે છે.

‘Regime Change’ और ‘संसद नहीं, सड़क से रास्ता निकलेगा’ जैसे नारों से लोकतंत्र मजबूत नहीं होता। राजनीतिक विरोध के नाम पर हिंसा और अराजकता को बढ़ावा देना देशहित के खिलाफ है। कांग्रेस को समझना चाहिए कि सत्ता का रास्ता जनमत से होकर जाता है, सड़कों पर अव्यवस्था फैलाने से नहीं। https://t.co/3YkYpjLzeF

— Rajnath Singh (@rajnathsingh) October 16, 2026

આ સાથે જ રાજનાથ સિંહે રાહુલ ગાંધીને આકરા શબ્દોમાં ચેતવણી આપતા કહ્યું કે, "રાહુલ ગાંધી અને તેમના સાથીઓએ સમજી લેવું જોઈએ કે લોકશાહીનો અર્થ અરાજકતા ફેલાવવો, બંધારણીય સંસ્થાઓની વિશ્વસનીયતા ઘટાડવી કે ભારતની વિકાસ યાત્રામાં અડચણ ઊભી કરવી એવો થતો નથી."

નેહા બોરાનો વાયરલ વીડિયો અને બાંગ્લાદેશ કનેક્શન

ભાજપે ગુરુવારે નેહા બોરાનો એક 39 સેકન્ડનો વીડિયો શેર કરીને પણ કોંગ્રેસ પર નિશાન સાધ્યું છે. આ વીડિયો ક્લિપમાં નેહા બોરા કહી રહી છે કે, ભારતમાં જે 'Gen Z' આંદોલન જોવા મળી રહ્યું છે, તેની શરૂઆત સૌથી પહેલા બાંગ્લાદેશથી થઈ હતી અને તે બાંગ્લાદેશના યુવાનોને રસ્તો બતાવવા બદલ અભિનંદન આપે છે.

આ અંગે પ્રતિક્રિયા આપતા ભાજપના પ્રવક્તા પ્રદીપ ભંડારીએ કહ્યું કે, રાહુલ ગાંધી અને તેમની આખી ઈકોસિસ્ટમ માત્ર રાજકીય વિરોધ કરવા નથી માંગતી, પરંતુ તેમનો અસલી ઉદ્દેશ્ય સત્તા પરિવર્તન છે. તેઓ બાંગ્લાદેશના આંદોલનથી પ્રેરિત છે અને ભારતમાં પણ તે જ ઈતિહાસનું પુનરાવર્તન કરવા માંગે છે.

આ પણ વાંચો- કાશ્મીર ફરવા જવાનો પ્લાન છે? દલ સરોવરમાં મોટરબોટ અને જેટ સ્કી પર હાઈકોર્ટે મૂક્યો પ્રતિબંધ, જાણો મોટું કારણ