Air India broken seats: ‘સૌથી ખરાબ એરલાઈન્સ, તમામ રેકોર્ડ તોડ્યા', શિવરાજ પછી બીજેપી પ્રવક્તા જયદીપ શેરગીલ એર ઈન્ડિયા પર ભડક્યા

Air India broken seats: કેન્દ્રીય મંત્રી શિવરાજ સિંહ ચૌહાણ બાદ હવે ભાજપના પ્રવક્તા જયદીપ શેરગિલ એર ઈન્ડિયાના ગેરવહીવટ પર ગુસ્સે ભરાયા છે. તેમના ગુસ્સાનો અંદાજ એ વાત પરથી લગાવી શકાય છે કે તેમણે તેને સૌથી ખરાબ એરલાઇન ગણાવી હતી. જયદીપ શેરગિલ પણ એર ઈન્ડિયાની તૂટેલી સીટોથી ખૂબ ગુસ્સે હતા.

બધા રેકોર્ડ તોડી નાખ્યા

તેમણે X (અગાઉ ટ્વિટર) પર એક પોસ્ટમાં કહ્યું કે જો સૌથી ખરાબ એરલાઇન્સ માટે ઓસ્કાર સમકક્ષ એવોર્ડ હોત, તો એર ઇન્ડિયા બધી શ્રેણીઓમાં જીતશે. તૂટેલી બેઠકો, સૌથી ખરાબ સ્ટાફ, "ઓન ગ્રાઉન્ડ" દયનીય સપોર્ટ સ્ટાફ, કસ્ટમર સર્વિસ પ્રત્યે ડબલ સ્ટાડર્ડ! એર ઇન્ડિયામાં ઉડાન ભરવી એ સુખદ અનુભવ નથી પણ આજે તેણે બધા રેકોર્ડ તોડી નાખ્યા!

અસુવિધા બદલ અમે દિલગીર છીએ - એર ઇન્ડિયા

જોકે, એર ઇન્ડિયાએ શેરગિલની ફરિયાદોનો જવાબ આપ્યો અને તેમને થયેલી અસુવિધા બદલ માફી માંગી. શેરગિલની પોસ્ટનો જવાબ આપતા, એરલાઇને કહ્યું, "પ્રિય શેરગિલ, આપને થયેલી અસુવિધા બદલ અમે દિલગીર છીએ. કૃપા કરીને તમારી મુસાફરીની વિગતો DM દ્વારા અમારી સાથે શેર કરો. અમે તમારો સંપર્ક કરીશું."

આ પણ વાંચો - આખરે ઝૂક્યું યુક્રેન! અમેરિકા સાથે ખનિજ કરાર પર થઈ સહમતિ, ટ્રમ્પ વહીવટીતંત્રની નથી આવી કોઈ ટિપ્પણી