Amitabh Bachchan Property: અમિતાભ બચ્ચને અયોધ્યામાં ખરીદી વધુ એક જમીન, જાણો કિંમત અને મંદિરથી અંતર

Amitabh Bachchan Property: રામ મંદિરના પ્રતિષ્ઠા પછી બોલિવૂડ સુપરસ્ટાર અમિતાભ બચ્ચને અયોધ્યામાં જમીનનો ભાગ ખરીદ્યો. હવે સમાચાર છે કે તેમણે અયોધ્યામાં બીજી જમીન ખરીદી છે. અમિતાભ બચ્ચને રામ મંદિરથી લગભગ 10 કિલોમીટરના અંતરે આ જમીન લીધી છે. આ જમીન આશરે 54,454 ચોરસ ફૂટ છે.

વાસ્તવમાં, અમિતાભ બચ્ચને અયોધ્યાના તિહુરા માઝા વિસ્તારમાં 40 બિસ્વા એટલે કે 2 વીઘા જમીન ખરીદી છે. પ્રાપ્ત માહિતી અનુસાર, આ જમીન 'હરિવંશ રાય બચ્ચન' ટ્રસ્ટના નામે ખરીદવામાં આવી છે.

અમિતાભે અયોધ્યામાં જમીન ખરીદી

એવું કહેવામાં આવી રહ્યું છે કે આ જમીન પર અમિતાભના પિતા અને કવિ હરિવંશ રાય બચ્ચનનું સ્મારક બનાવી શકાય છે. તે તિહુરા માંઝામાં સ્થિત છે, અને તેના પર 86 લાખ રૂપિયા ખર્ચ કરવામાં આવ્યા છે. મીડિયા રિપોર્ટ્સ અનુસાર, હરિવંશ રાય બચ્ચન મેમોરિયલ ટ્રસ્ટના સત્તાવાર સભ્ય રાકેશ ઋષિકેશ યાદવે અયોધ્યાના રજિસ્ટ્રાર ઓફિસમાંથી જમીનની નોંધણી કરાવી લીધી છે.

રિયલ એસ્ટેટ ડેટા એનાલિટિક્સ ફર્મ CRE મેટ્રિક્સ અનુસાર, જમીન HOABL Realtech Pvt Ltd પાસેથી 86,05,359 રૂપિયાના કરાર ભાવે ખરીદવામાં આવી હતી, જેમાં 6,02,500 રૂપિયાની સ્ટેમ્પ ડ્યુટી ચૂકવવામાં આવી હતી. આ મિલકતનું રજીસ્ટ્રેશન 31 જાન્યુઆરી 2025ના રોજ પૂર્ણ થયું હતું.

આપને જણાવી દઈએ કે, અભિનંદન લોઢા ગ્રુપ તિહુરા માઝા વિસ્તારમાં એક રહેણાંક વસાહત વિકસાવી રહ્યું છે. આ રહેણાંક વસાહત નયાઘાટ-અયોધ્યાથી દશરથ સમાધિ સુધી સરયુ નદીના કિનારે આવેલી છે. રામ મંદિર અહીંથી માત્ર 20 મિનિટ દૂર છે.

ઉલ્લેખનીય છે કે અમિતાભ બચ્ચને 2013માં હરિવંશ રાય બચ્ચન મેમોરિયલ ટ્રસ્ટની શરૂઆત કરી હતી. અમિતાભે કહ્યું હતું કે મને મારા પિતાની યાદમાં 'HRB મેમોરિયલ ટ્રસ્ટ' - ટ્રસ્ટની રચનાની જાહેરાત કરતા આનંદ થાય છે. રામ મંદિરના પ્રાણ પ્રતિષ્ઠા કાર્યક્રમમાં અમિતાભ બચ્ચન પણ જોવા મળ્યા હતા.

આ પણ વાંચો - CERT-In Warning: Chrome યુઝર્સ માટે મોટું એલર્ટ જાહેર, પર્સનલ ડેટા અને સિક્રસી જોખમમાં