Chandra Grahan 2023: વર્ષનું છેલ્લુ ચંદ્રગ્રહણ આજે, જાણો સુતક કાળ અને ગ્રહણનો સમય

Chandra Grahan 2023: વર્ષ 2023 ના અંતિમ ચંદ્ર ગ્રહણ આજે એટલે કે 28 ઑક્ટોબર દિવસ શનિવાર એટલે આજે લાગવા જઈ રહ્યુ છે. આ ચંદ્રગ્રહણ દેશના કેટલા રાજ્યોમાં જોવા મળશે. ચંદ્ર ગ્રહણ એક ખગોળીય ઘટના છે, પરંતુ જ્યોતિષ શાસ્ત્રમાં આ ઘટનાને શુભ નથી માનવામાં આવી રહ્યુ. સૂર્યની પરિક્રમાના દરમ્યાન જ્યારે પૃથ્વી, ચંદ્ર અને સૂર્યની વચ્ચેમાં આવે છે. ત્યારે ચંદ્રગ્રહણ લાગે છે. જ્યારે પૌરાણિક માન્યતાઓના અનુસાર પૂર્ણિમાની રાત્રે જ્યારે રાહુ અને કેતુ ચંદ્રને ગળવાની કોશિશ કરે છે તો ચંદ્રમાં પર ગ્રહણ લાગી જાય છે. જ્યારે ચંદ્ર ગ્રહણથી 9 કલાક પહેલા સુતક કાળ શરૂ થઈ જાય છે.

ચંદ્ર ગ્રહણ 28/29 ઑક્ટોબરના રાત્રે 01:06 વાગ્યાથી શરૂ થશે. મોડી રાત્રે 2.22 વાગ્યે સમાપ્ત થઈ જશે. કુલ મળીને 1 કલાક અને 16 મિનટનું ચંદ્રગ્રહણ લાગશે. પેનમ્બ્રામાંથી પ્રથમ ચંદ્ર સ્પર્શ 11:32 વાગ્યે છે. આ ચંદ્રગ્રહણ ભારતમાં પણ જોવા મળશે. સુતક કાળ ગ્રહણના 9 કલાક પહેલા શરૂ થાય છે.

વર્ષના છેલ્લા ચંદ્રગ્રહણનો સૂતક સમયગાળો 28 ઓક્ટોબરે બપોરે 2:52 વાગ્યાથી શરૂ થશે અને 29 ઓક્ટોબરના રોજ સવારે 02:22 વાગ્યા સુધી ચાલશે. સુતકનો સમયગાળો ચંદ્રગ્રહણના અંત સાથે સમાપ્ત થાય છે. સુતક સમયને અશુભ માનવામાં આવે છે, તેથી તેમાં કોઈ શુભ કાર્ય કરવામાં આવતું નથી.

સૂતક કાળમાં ન કરવા આ કામ

1. પૂજા ન કરવી

ચંદ્રગ્રહણનું સૂતક શરૂ થતાં જ મંદિરોના દરવાજા બંધ થઈ જાય છે. આ સમય દરમિયાન કોઈ પૂજા કે પાઠ ન કરો. સુતકમાં તમે તમારા પ્રિય દેવતાને યાદ કરી શકો છો અથવા તેમના મંત્રનો જાપ કરી શકો છો.

2. શુભ કાર્ય ન કરો

ચંદ્રગ્રહણના સુતક સમયગાળામાં કોઈ પણ શુભ કાર્ય કરવામાં આવતું નથી કારણ કે ધાર્મિક દૃષ્ટિએ આ સમય અશુદ્ધ માનવામાં આવે છે અને અશુભ પરિણામ આપે છે.

3. ખોરાક બનાવવો નહીં કે ખાવું નહીં

ચંદ્રગ્રહણ દરમિયાન રસોઈ અને ખાવા બંને પર પ્રતિબંધ છે. એવી માન્યતા છે કે ચંદ્રગ્રહણની આડ અસરને કારણે તમારું ભોજન દૂષિત થઈ શકે છે, જેનાથી સ્વાસ્થ્ય સમસ્યાઓ થઈ શકે છે.

4. સુતકના કાળમાં સૂવું નહીં

ચંદ્રગ્રહણના સુતક કાળમાં સૂવું વર્જિત છે. જો કે, બીમાર, વૃદ્ધો અને બાળકોને આમાંથી મુક્તિ આપવામાં આવી છે.

5. ચંદ્રગ્રહણ દરમિયાન ગર્ભવતી મહિલાઓએ આ કામો ન કરવા જોઈએ

સગર્ભા સ્ત્રીઓએ ચંદ્રગ્રહણ દરમિયાન ખાસ કાળજી લેવી જોઈએ. તેઓએ ઘરની બહાર ન નીકળવું જોઈએ. સોય, છરી વગેરે જેવી તીક્ષ્ણ વસ્તુઓનો ઉપયોગ ન કરવો જોઈએ. એક લોકપ્રિય માન્યતા છે કે આમ કરવાથી ગર્ભ પર નકારાત્મક અસર પડે છે.

6. ગ્રહણ દરમિયાન વાળ અને નખ ન કાપવા.