અનોખું છે ગોલ્ડ ATM: સોનું નાખો અને તરત પૈસા મેળવો, જાણો આ મશીન કેવી રીતે કરે છે કામ

ભારતમાં સોનાની કિંમતો રેકોર્ડ સ્તરે પહોંચી રહી છે, ત્યારે વિશ્વની મોટી અર્થવ્યવસ્થાઓ નવીનતાના ક્ષેત્રે ઝડપથી આગળ વધી રહી છે. શું તમે ક્યારેય સોનું આપીને તરત પૈસા મેળવવાની વાત સાંભળી છે? હવે ચીનના શાંઘાઈ શહેરમાં આવું જ એક અનોખું ‘ગોલ્ડ ATM’ શરૂ થયું છે, જે લોકોમાં આકર્ષણનું કેન્દ્ર બની ગયું છે. આ શાંઘાઈનું પ્રથમ ગોલ્ડ ATM છે, જે શેનઝેનની કંપની Kinghood Group દ્વારા ડિઝાઇન કરવામાં આવ્યું છે. આ મશીન ચીનના 100થી વધુ શહેરોમાં સ્થાપિત થઈ ચૂક્યું છે.

ગોલ્ડ ATM કેવી રીતે કામ કરે છે?

ગોલ્ડ ATMની કાર્યપ્રણાલી આ રીતે છે:

વજન અને શુદ્ધતા તપાસ: સૌથી પહેલા મશીન સોનાનું વજન કરે છે અને તેની શુદ્ધતા તપાસે છે, ખાસ કરીને તે 99.99 ટકા શુદ્ધ છે કે નહીં.

લાઇવ રેટ ડિસ્પ્લે: સોનાની શુદ્ધતા અને વર્તમાન બજાર ભાવના આધારે મશીન ગ્રાહકને મૂલ્ય બતાવે છે.

પેમેન્ટ: ગ્રાહકને તે મૂલ્યમાંથી થોડો સર્વિસ ચાર્જ કાપીને રોકડ અથવા બેંક ટ્રાન્સફરના રૂપમાં રકમ આપવામાં આવે છે.

શા માટે લોકોમાં લોકપ્રિય થયું?

આ ગોલ્ડ ATMની સૌથી મોટી ખાસિયત એ છે કે તે સોનાના વેપારને અત્યંત સરળ અને પારદર્શક બનાવે છે. ગ્રાહકોને તરત જ બજાર ભાવ મુજબ પૈસા મળી જાય છે, અને તેમણે જ્વેલર્સ કે અન્ય માધ્યમો પર આધાર રાખવાની જરૂર નથી. આ ઉપરાંત, મશીનની ઝડપી અને વિશ્વસનીય સેવા ગ્રાહકોને આકર્ષે છે.

ભારત અને ચીનમાં સોનાનું મહત્ત્વ

ભારતની જેમ ચીનમાં પણ સોનું સમૃદ્ધિ, સુરક્ષા અને રોકાણનું મજબૂત માધ્યમ માનવામાં આવે છે. બંને દેશોમાં લોકો સોનાને ફક્ત આભૂષણો જ નહીં, પરંતુ નાણાકીય સુરક્ષા માટે પણ ખરીદે છે. ખાસ કરીને આર્થિક અનિશ્ચિતતાના સમયમાં સોનું એક વિશ્વસનીય રોકાણનો વિકલ્પ બની રહે છે.

કોણે બનાવ્યું આ ATM?

રિપોર્ટ્સ અનુસાર, આ ગોલ્ડ ATM શેનઝેન સ્થિત Kinghood Group નામની કંપનીએ વિકસાવ્યું છે. આ કંપનીએ ચીનના 100થી વધુ શહેરોમાં આવા ATM સ્થાપ્યા છે, જેમાં શાંઘાઈનું આ પ્રથમ ગોલ્ડ ATM પણ સામેલ છે. આ મશીનોની લોકપ્રિયતા દર્શાવે છે કે લોકો તેની સુવિધા અને વિશ્વસનીયતાથી ખૂબ સંતુષ્ટ છે.

ભારતમાં આવી શકે છે આ ટેક્નોલોજી?

ભારતમાં સોનાનું વેચાણ અને ખરીદી ખૂબ જ લોકપ્રિય છે, પરંતુ હજુ સુધી આવા ગોલ્ડ ATMનો કોઈ અમલ જોવા મળ્યો નથી. જો ભારતમાં આવી ટેક્નોલોજી રજૂ કરવામાં આવે, તો તે સોનાના વેપારને વધુ પારદર્શક અને સરળ બનાવી શકે છે. ખાસ કરીને, ગ્રાહકો માટે ઝડપથી અને બજાર ભાવે સોનું વેચવાની સુવિધા ખૂબ ફાયદાકારક બની શકે છે.

આ પણ વાંચો-પાકિસ્તાનમાં ભયનું વાતાવરણ, શાહબાઝ શરીફે કહ્યું- પાણી બંધ કરવું એ યુદ્ધ જેવું ગણાશે