Social Security: 71 ટકા વરિષ્ઠ નાગરિકો પાસે નથી પીએફ અને પેન્શનની સુરક્ષા, વૃદ્ધાવસ્થામાં પણ કરી રહ્યા છે કામ

Social Security: દેશમાં વૃદ્ધ લોકોની મોટી વસ્તીને કોઈપણ સામાજિક સુરક્ષા યોજના હેઠળ આવરી લેવામાં આવી નથી. જેના કારણે વૃદ્ધાવસ્થામાં લોકો આર્થિક અને આરોગ્ય સંબંધિત પડકારોનો સામનો કરી રહ્યા છે. એક રિપોર્ટમાં દાવો કરવામાં આવ્યો છે કે માત્ર 29 ટકા વૃદ્ધ જ વૃદ્ધાવસ્થા પેન્શન અથવા પ્રોવિડન્ટ ફંડ જેવી યોજનાઓમાં જોડાઈ શક્યા છે. લગભગ 71 ટકા વૃદ્ધ વસ્તી પીએફ અને પેન્શન જેવી કોઈપણ યોજનાના દાયરાની બહાર છે. આ મોટી વસ્તી આર્થિક અસલામતીનો સામનો કરી રહી છે.

17 ટકા વરિષ્ઠ નાગરિકોને કામ કરવું પડે છે

આર્થિક સમસ્યાઓની સાથે તેઓ બીમારીઓ સામે પણ ઝઝૂમી રહ્યા છે

વરિષ્ઠ નાગરિકો આર્થિક સુરક્ષાને લઈને ચિંતિત છે. ચિંતાજનક બાબત એ છે કે છેલ્લા એક વર્ષમાં લગભગ ત્રીજા ભાગના વૃદ્ધોને કોઈ આવક મળી નથી. લગભગ 65 ટકા વૃદ્ધો નાણાકીય સુરક્ષાને લઈને ચિંતિત છે. રિપોર્ટ અનુસાર, વરિષ્ઠ નાગરિકો સતત આર્થિક સમસ્યાઓની સાથે-સાથે બીમારીઓથી પણ ઝઝૂમી રહ્યાં છે. લગભગ અડધા વરિષ્ઠ નાગરિકોને હાઈ બ્લડ પ્રેશર અને 43 ટકાને ડાયાબિટીસ છે.

સંયુક્ત રાષ્ટ્રના અહેવાલમાં પણ ચિંતા વ્યક્ત કરવામાં આવી

ગયા વર્ષે, યુનાઈટેડ નેશન્સ પોપ્યુલેશન ફંડના રિપોર્ટમાં કહેવામાં આવ્યું હતું કે ભારતમાં સમાજ કલ્યાણ યોજનાઓને લઈને વરિષ્ઠ નાગરિકોમાં બહુ ઓછી જાગૃતિ છે. વર્ષ 2050 સુધીમાં દેશની 20 ટકા વસ્તી વૃદ્ધ બની જશે. વૃદ્ધો માટેની ત્રણ મુખ્ય સરકારી યોજનાઓ ઈન્દિરા ગાંધી રાષ્ટ્રીય વૃદ્ધાવસ્થા પેન્શન યોજના (IGNOAPS), ઈન્દિરા ગાંધી રાષ્ટ્રીય વિધવા પેન્શન યોજના (IGNWPS) અને અન્નપૂર્ણા યોજના છે.

આ પણ વાંચો-Ayodhya: અયોધ્યામાં જોવા મળશે દક્ષિણ કોરિયાની ઝલક, 'ક્વીન હો પાર્ક'માં પણ જોવા મળશે અવધ સંસ્કૃતિ