આ સ્વાદિષ્ટ વસ્તુઓ ખાવાથી ચરબી નહીં વધે, જાણો તેના યોગ્ય આહાર વિશે

એક સમય હતો જ્યારે 'ફૅટ ફ્રી' (Fat-Free) ફૂડને હેલ્ધી માનવામાં આવતું હતું, પરંતુ હવે સમય બદલાયો છે. હેલ્થ એક્સપર્ટ્સનું માનવું છે કે બધી જ ફૅટ ખરાબ નથી હોતી. વાસ્તવમાં, કેટલીક ફૅટ શરીર માટે ખૂબ જ જરૂરી છે અને તેને ડાયટમાં સામેલ કરવાથી શરીરને ઘણા ફાયદા થાય છે. આ ફૅટ મગજ અને હોર્મોન્સના કામકાજમાં મદદ કરે છે, સાથે જ વિટામિન A, D, E અને K ને પચાવવા માટે પણ અત્યંત મહત્વપૂર્ણ છે.

જોકે, એ જાણવું જરૂરી છે કે કઈ ફૅટ શરીર માટે ફાયદાકારક છે અને કઈ નુકસાનકારક. ટ્રાન્સ ફૅટ સ્વાસ્થ્ય માટે સૌથી વધુ હાનિકારક માનવામાં આવે છે, જે હૃદય રોગ, ડાયાબિટીસ અને સોજાનું કારણ બની શકે છે. ચાલો જાણીએ કેટલાક એવા ફૅટવાળા ફૂડ્સ વિશે જેને તમે તમારી ડાયટમાં સામેલ કરી શકો છો:

ઇંડા (Eggs)

ઇંડા પ્રોટીનનો ઉત્તમ સ્ત્રોત છે અને તેમાં હેલ્ધી ફૅટ પણ હોય છે. ઘણા લોકો ઇંડાનો પીળો ભાગ ખાવાનું ટાળે છે, પરંતુ હેલ્થ એક્સપર્ટ્સ અનુસાર ઇંડાનો પીળો અને સફેદ એમ બંને ભાગ ખાવા જોઈએ. પીળા ભાગમાં કોલિન, વિટામિન D, આયર્ન અને અન્ય જરૂરી પોષક તત્વો હોય છે જે મગજ અને ઇમ્યુન સિસ્ટમને મજબૂત બનાવે છે. મોટાભાગના લોકો માટે દરરોજ એક ઇંડુ ખાવું સુરક્ષિત છે.

નાળિયેર તેલને હેલ્ધી માનવામાં આવે છે, જોકે તેમાં સેચ્યુરેટેડ ફૅટનું પ્રમાણ વધુ હોય છે. કેટલીક રિસર્ચ દર્શાવે છે કે આ તેલ ખરાબ કોલેસ્ટ્રોલને વધારી શકે છે, પરંતુ સાથે જ તે સારા કોલેસ્ટ્રોલને પણ વધારવામાં મદદ કરે છે. તેમાં હાજર MCTs વજન ઘટાડવામાં અને મેટાબોલિઝમને સુધારવામાં મદદ કરી શકે છે. જોકે, તેનો ઉપયોગ ક્યારેક-ક્યારેક કરવો જોઈએ. રોજિંદા રસોઈ માટે ઓલિવ ઓઈલ અથવા એવોકાડો ઓઈલ જેવા હેલ્ધી ઓઈલનો ઉપયોગ વધુ સારો છે.

દૂધ (Milk)

જો તમને દૂધથી કોઈ સમસ્યા ન હોય, તો ફુલ ક્રીમ દૂધ અને તેમાંથી બનતી પ્રોડક્ટ્સ સ્વાસ્થ્ય માટે ફાયદાકારક હોઈ શકે છે. તેમાં પ્રોટીન, કેલ્શિયમ અને ઘણા જરૂરી વિટામિન્સ હોય છે. રિસર્ચ મુજબ, તેમાં રહેલી ફૅટ હૃદયના સ્વાસ્થ્યને નુકસાન પહોંચાડતી નથી. દરરોજ 3 સર્વિંગ ડેરી પ્રોડક્ટ્સ લેવી ફાયદાકારક હોઈ શકે છે. જેમાં એક કપ દૂધ અથવા દહીં, થોડું પનીર સામેલ કરી શકાય છે. તમે ફુલ ફૅટ, લો ફૅટ અને ફૅટ ફ્રી વિકલ્પોને મિક્સ કરીને પણ લઈ શકો છો.

માખણ અને ઘી (Butter and Ghee)

માખણ અને ઘી સ્વાદિષ્ટ હોવા ઉપરાંત સ્વાસ્થ્ય માટે પણ ફાયદાકારક છે. તેમાં બ્યુટિરિક એસિડ અને વિટામિન A હોય છે, જે પાચન, આંખો અને ઇમ્યુન સિસ્ટમને મજબૂત બનાવે છે. દિવસમાં એક ચમચીથી ઓછી માત્રામાં તેનું સંતુલિત સેવન લાભદાયક થઈ શકે છે. બસ, સંતુલન જાળવવું ખૂબ જ જરૂરી છે.

ડિસ્ક્લેમર: આ આર્ટિકલ ફક્ત સામાન્ય જાણકારી માટે છે. આ કોઈપણ દવા કે સારવારનો વિકલ્પ હોઈ શકે નહીં. વધુ જાણકારી માટે હંમેશા તમારા ડોક્ટરનો સંપર્ક કરો.