વિટામિન Eથી ભરપૂર આ 6 ખાદ્યપદાર્થો મગજની શક્તિ વધારે છે, આહારમાં સામેલ કરો

સામાન્ય રીતે એવું માનવામાં આવે છે કે ઓમેગા-3 ફેટી એસિડ મગજની શક્તિ માટે ફાયદાકારક છે. જોકે, ઓમેગા-3ની સાથે વિટામિન E પણ મગજના સ્વાસ્થ્ય માટે એટલું જ અગત્યનું છે. ઘણા લોકો એવું માને છે કે વિટામિન E માત્ર ત્વચા અને વાળ માટે જ ઉપયોગી છે, પરંતુ તે મગજની ક્ષમતા વધારવામાં પણ મદદ કરે છે. અહીં એવા 6 ખાદ્યપદાર્થોની યાદી છે, જે વિટામિન Eથી ભરપૂર છે અને મગજના સ્વાસ્થ્યને ટેકો આપે છે.

1. બ્રોકોલી

બ્રોકોલી સૌથી પૌષ્ટિક શાકભાજીઓમાંની એક છે. તેમાં વિટામિન્સ, મિનરલ્સ અને એન્ટીઓક્સિડન્ટ્સ ભરપૂર હોય છે, જ્યારે કેલરીનું પ્રમાણ ખૂબ ઓછું હોય છે. બ્રોકોલીમાં વિટામિન E પણ સારી માત્રામાં હોય છે, જે મગજના સ્વાસ્થ્ય માટે ફાયદાકારક છે. એક કપ બ્રોકોલીમાં 1.6 મિલિગ્રામ વિટામિન E હોય છે, જે દૈનિક જરૂરિયાતના 6 ટકા હિસ્સાને પૂર્ણ કરે છે. આ ઉપરાંત, તેમાં ફાઈબરનું પ્રમાણ પણ વધુ હોય છે. તમે સલાડ, પાસ્તા કે શાકભાજીમાં બ્રોકોલીનો ઉપયોગ કરીને સ્વસ્થ રહી શકો છો.

2. પાલક

3. નટ્સ

બદામ, અખરોટ, કાજુ, હેઝલનટ જેવા નટ્સમાં વિટામિન E ભરપૂર હોય છે. આ ઉપરાંત, તેમાં હેલ્ધી ફેટ્સ પણ હોય છે, જે સ્વાસ્થ્ય માટે ફાયદાકારક છે. વિટામિન Eની ઉણપને પૂરી કરવા માટે નટ્સનું સેવન ખૂબ જ ઉપયોગી છે. તમે રોજ નાસ્તામાં મુઠ્ઠીભર બદામ ખાઈ શકો છો, જે તમારા મગજ અને શરીર માટે લાભદાયી રહેશે.

4. સૂર્યમુખીના બીજ

સૂર્યમુખીના બીજમાં વિટામિન Eનું પ્રમાણ નોંધપાત્ર હોય છે. એક ચતુર્થાંશ કપ સૂર્યમુખીના બીજમાં 7.4 મિલિગ્રામ વિટામિન E હોય છે, જે દૈનિક જરૂરિયાતના લગભગ 37 ટકા જેટલું છે. સૂર્યમુખીના બીજ ઉપરાંત તેનું તેલ પણ વિટામિન Eનો સારો સ્ત્રોત છે. તેનો ઉપયોગ રસોઈમાં કરીને પણ તમે લાભ મેળવી શકો છો.

5. ઓલિવ ઓઈલ

ઓલિવ ઓઈલને સૌથી આરોગ્યપ્રદ રસોઈ તેલોમાંનું એક ગણવામાં આવે છે. તેમાં વિટામિન E પણ પૂરતા પ્રમાણમાં હોય છે. રસોઈ, સલાડ કે અન્ય વાનગીઓમાં ઓલિવ ઓઈલનો ઉપયોગ કરવાથી તમને તેના ફાયદા મળી શકે છે. ઓલિવ ઓઈલ મગજની સાથે હૃદયના સ્વાસ્થ્ય માટે પણ ઉત્તમ માનવામાં આવે છે. એક ચમચી ઓલિવ ઓઈલથી દૈનિક વિટામિન Eની જરૂરિયાતનો 13 ટકા હિસ્સો મળે છે.

આ પણ વાંચો-વાયુસેના હોય કે નૌસેના, ભારતની સામે પાકિસ્તાન કોઈ પણ ભોગે નહીં ટકી શકે, પરંતુ આ ચાર ક્ષેત્રોમાં પાકિસ્તાન આગળ