Meta AI Omnilingual ASR: માર્ક ઝુકરબર્ગની કંપની મેટાએ આર્ટિફિશિયલ ઇન્ટેલિજન્સ (AI)ના ક્ષેત્રમાં એક બહુ મોટું અને ક્રાંતિકારી પગલું ભર્યું છે. કંપનીએ ઓમ્નિલિંગ્યુઅલ ઓટોમેટિક સ્પીચ રિકગ્નિશન (Omnilingual ASR) નામનું એક નવું AI સ્પીચ મોડેલ લોન્ચ કર્યું છે. મેટાનો દાવો છે કે આ દુનિયાનું પહેલું એવું AI મોડેલ છે જે 1600થી વધુ ભાષાઓ અને બોલીઓને સમજી શકે છે અને ઓળખી શકે છે. આનાથી એવા કરોડો લોકો માટે AI ટેક્નોલોજીનો ઉપયોગ શક્ય બનશે જેઓ માત્ર પોતાની સ્થાનિક, પ્રાદેશિક અથવા દુર્લભ ભાષાઓ બોલે છે અને અંગ્રેજી કે અન્ય મોટી ભાષાઓ જાણતા નથી.
મેટાનું ધમાકેદાર AI સ્પીચ મોડેલ લોન્ચ: હવે 1600+ ભાષાઓ સમજાશે, ભારતીયો માટે મોટી રાહત!
Meta AI Omnilingual ASR: દિગ્ગજ ટેક કંપની મેટાએ વિશ્વનો પ્રથમ ઓમ્નિલિંગ્યુઅલ ASR AI સ્પીચ મોડેલ લોન્ચ કર્યું છે, જે 1600થી વધુ ભાષાઓ અને બોલીઓ સમજી શકે છે. જાણો આ ક્રાંતિકારી મોડેલ ભારતીય યુઝર્સ અને તેમની સ્થાનિક ભાષાઓ માટે કેવી રીતે ગેમ-ચેન્જર સાબિત થશે.
અપડેટેડ 08:00:56 PM Nov 17, 2025 પર
હવે તમે તમારી માતૃભાષામાં AIને સવાલ કરી શકશો અને જવાબ મેળવી શકશો.
ભારતીયો માટે કેમ છે આ ખુશખબરી?
ભારત વિવિધ ભાષાઓ અને બોલીઓનો દેશ છે. આ મોડેલનું સૌથી મોટું આકર્ષણ એ છે કે તે હિન્દી, બંગાળી, તમિલ જેવી પ્રચલિત ભાષાઓની સાથે સાથે છત્તીસગઢી અને અવધી જેવી ઘણી દુર્લભ ભારતીય બોલીઓ અને ઉચ્ચારણોને પણ ઓળખી શકે છે. ખાસ કરીને, આ મોડેલમાં 500થી વધુ એવી ભાષાઓનો સમાવેશ કરવામાં આવ્યો છે જેના બહુ ઓછા ડિજિટલ રેકોર્ડ્સ કે ડેટા ઉપલબ્ધ છે. આનાથી એવા લોકો કે જેઓ માત્ર લોકલ લેંગ્વેજની મદદથી પોતાનું કામકાજ કરે છે, તેમના સુધી મેટાનો AI મોડેલ સરળતાથી પહોંચ બનાવી શકશે. એટલે કે, હવે તમે તમારી માતૃભાષામાં AIને સવાલ કરી શકશો અને જવાબ મેળવી શકશો.
ઓમ્નિલિંગ્યુઅલ ASRની મુખ્ય વિશેષતાઓ:
વિશ્વસનીયતા: આ મોડેલ 1600થી વધુ ભાષાઓની ઓળખ કરીને તેમને સમજી શકે છે.
ભાષાઈ સમાવેશકતા: આ મોડેલ "સમાવેશી AI" (Inclusive AI) ના સિદ્ધાંત પર કામ કરે છે, જેનો ઉદ્દેશ AI ટેકનોલોજીને વિશ્વના વ્યાપક યુઝર બેઝ સુધી પહોંચાડવાનો છે.
દુર્લભ ભાષાઓ પર ફોકસ: તે પ્રાચીન અને ઓછી બોલાતી બોલીઓ માટે પણ સંપૂર્ણ રીતે સક્ષમ છે.
ઓપન સોર્સ (Open Source): મેટાએ આ નવા સિસ્ટમને ઓપન સોર્સના રૂપમાં રજૂ કર્યું છે, જેથી દુનિયાભરના ડેવલપર્સ અને સંશોધકો તેનો ઉપયોગ કરી શકે અને તેમાં સુધારો કરી શકે.
જ્યાં મેટાના જૂના વૉઇસ રિકગ્નિશન ટૂલ્સ મોટાભાગે માત્ર અંગ્રેજી જેવી મુખ્ય ભાષાઓ પૂરતા મર્યાદિત હતા, ત્યાં આ નવું ઓમ્નિલિંગ્યુઅલ ASR સિસ્ટમ બહુ-ભાષીય (Multilingual) અભિગમ અપનાવે છે. આનાથી સ્પષ્ટ છે કે, AI હવે માત્ર અમુક ભાષા બોલતા લોકોની નહીં, પરંતુ દરેક ભાષા બોલતા સામાન્ય માણસની મદદ કરવા માટે તૈયાર છે. આ મોડેલ વૈશ્વિક સ્તરે ભાષાઈ સમાવેશકર્તાની દિશામાં એક મોટું પગલું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
