સામાન્ય લોકો માટે આજથી મુંબઈની પહેલી અંડરગ્રાઉન્ડ મેટ્રો લાઇન શરૂ, જાણો રૂટના ભાડા સહિત તમામ વિગત

મુંબઈના લોકો માટે સોમવારનો દિવસ ખૂબ જ ખાસ છે, કારણ કે 7 ઓક્ટોબર, 2024થી, BKC અને આરે વચ્ચે પ્રથમ અંડરગ્રાઉન્ડ મેટ્રો ટ્રેન સર્વિસ શરૂ થઈ છે. આ સર્વિસ મુંબઈ મેટ્રો લાઇન 3 પર ઉપલબ્ધ છે, જેનું ઉદ્ઘાટન વડાપ્રધાન નરેન્દ્ર મોદીએ કર્યું હતું. મેટ્રો પ્રશાસન આ સર્વિસ માટે MetroConnect3 એપ પણ લાવ્યું છે. તમને જણાવી દઈએ કે, BKC અને આરે વચ્ચે કુલ 10 મેટ્રો સ્ટેશન છે. તેના પર દરરોજ મેટ્રો ટ્રેનની 96 ટ્રીપ થશે. આ રૂટ પર લોકોને ઘણી સુવિધા મળશે. તેમની મુસાફરી સરળ બનશે અને સમયની પણ બચત થશે.

રૂટ પર આ સ્ટેશનો

આ મેટ્રો લાઇન છત્રપતિ શિવાજી મહારાજ ઇન્ટરનેશનલ એરપોર્ટના ટર્મિનલ 1 અને 2 ને પણ જોડે છે અને મારોલ નાકા સ્ટેશન પર ઘાટકોપર-અંધેરી-વર્સોવા મેટ્રો લાઇન 1 સાથે જોડે છે. રૂટ પરના દસ સ્ટેશનો વિશે વાત કરીએ તો, મુંબઈ મેટ્રો લાઇન 3 કોરિડોર BKC, બાંદ્રા કોલોની, સાંતાક્રુઝ, છત્રપતિ શિવાજી મહારાજ ઇન્ટરનેશનલ એરપોર્ટ (CSMIA) T1, સહર રોડ, છત્રપતિ શિવાજી મહારાજ ઇન્ટરનેશનલ એરપોર્ટ (CSMIA) T2, મરોલ નાકા, અંધેરી વચ્ચે છે. , SEEPZ, આરે કોલોની JVLR મેટ્રો સ્ટેશન છે.

કેટલું છે ભાડું

#WATCH | Mumbai, Maharashtra: The Bandra Kurla Complex to Aarey stretch of Mumbai Metro Line 3 opens for the public. Visuals from the BKC underground metro. pic.twitter.com/H3cdD7UhMd

— ANI (@ANI) October 7, 2024

માત્ર 12.44 કિલોમીટરનો માર્ગ ખોલવામાં આવી રહ્યો છે

મુંબઈ મેટ્રો લાઇન 3 ભૂગર્ભમાં 33.5 કિલોમીટર લાંબી છે. હાલ માત્ર 12.44 કિમીનો માર્ગ જનતા માટે ખુલ્લો મુકવામાં આવશે. આ પ્રોજેક્ટની કિંમત 32,000 કરોડ રૂપિયાથી વધુ હોવાનો અંદાજ છે. દરેક મેટ્રો ટ્રેનની ક્ષમતા 2,000થી વધુ લોકોની છે. ટ્રેનની મહત્તમ ઝડપ 85 કિલોમીટર પ્રતિ કલાક છે અને તે સરેરાશ 35 કિલોમીટર પ્રતિ કલાકની ઝડપે દોડે છે. ટિકિટ એપ અથવા સ્ટેશન કાઉન્ટર પરથી ખરીદી શકાય છે. આગામી મહિના સુધીમાં શહેરની તમામ મેટ્રો લાઇન પર નેશનલ કોમન મોબિલિટી કાર્ડનો ઉપયોગ કરી શકાશે. મેટ્રો લાઇન જૂન 2025 સુધીમાં સંપૂર્ણ રીતે કાર્યરત થવાની અપેક્ષા છે.

આ પણ વાંચો - અંબાજીના ત્રિશુળિયા ઘાટ પર બસનો અકસ્માત, 4 લોકોના મોત, 35થી વધુ ઇજાગ્રસ્ત