નેટફ્લિક્સે લોન્ચ કર્યું નવું ફીચર, હવે ટીવી પર પણ 30+ ભાષાઓમાં જોઈ શકાશે મૂવી અને વેબ સિરીઝ

નેટફ્લિક્સે તેના યુઝર્સના અનુભવને વધુ સારો બનાવવા માટે એક મોટું પગલું ભર્યું છે. કંપનીએ ભાષા પસંદગીના વિકલ્પમાં ફેરફાર કર્યો છે, જેના કારણે હવે દુનિયાભરનું કન્ટેન્ટ 30થી વધુ ભાષાઓમાં ઉપલબ્ધ થશે. આ નવું ફીચર ખાસ કરીને બહુભાષી દર્શકો અને નવી ભાષા શીખવા માંગતા લોકો માટે ખૂબ જ ઉપયોગી સાબિત થશે.

ગ્લોબલ કન્ટેન્ટની પહોંચ વધશે

નેટફ્લિક્સના આ નિર્ણય પાછળ ગૈર-અંગ્રેજી કન્ટેન્ટની વધતી લોકપ્રિયતા મુખ્ય કારણ છે. કંપનીના જણાવ્યા અનુસાર, તેમના મોટા ભાગના વ્યૂઝ ગૈર-અંગ્રેજી ભાષાઓમાંથી આવે છે. આને ધ્યાનમાં રાખીને, નેટફ્લિક્સે પોતાના પ્લેટફોર્મ પર વધુ ભાષાઓમાં કન્ટેન્ટ ઉપલબ્ધ કરાવવાનું નક્કી કર્યું છે. આનાથી યુઝર્સને વૈશ્વિક સ્તરનું કન્ટેન્ટ તેમની પસંદગીની ભાષામાં જોવાની તક મળશે.

30+ ભાષાઓમાં ઉપલબ્ધ થશે કન્ટેન્ટ

ટીવી પર પણ ભાષા પસંદગીનો વિકલ્પ

અગાઉ આ સુવિધા ફક્ત મોબાઈલ ડિવાઈસ અને વેબ બ્રાઉઝર પર જ ઉપલબ્ધ હતી, પરંતુ હવે નેટફ્લિક્સે ટીવી યુઝર્સ માટે પણ આ સુવિધા શરૂ કરી છે. કંપનીનું કહેવું છે કે દર મહિને હજારો યુઝર્સ તરફથી વિવિધ ભાષાઓમાં કન્ટેન્ટ ઉપલબ્ધ કરાવવાની માંગણીઓ આવતી હતી, જેને ધ્યાનમાં રાખીને આ અપડેટ લાવવામાં આવ્યું છે.

ભાષા શીખવામાં પણ મદદરૂપ

નેટફ્લિક્સનું માનવું છે કે આ પ્લેટફોર્મ માત્ર મનોરંજન જ નહીં, પરંતુ ભાષા શીખવામાં પણ મદદ કરી શકે છે. કસ્ટમાઈઝેબલ સબટાઈટલ્સ અને પીસી પર ‘બ્રાઉઝ બાય લેંગ્વેજ’ જેવા વિકલ્પો બહુભાષી દર્શકો માટે ખૂબ જ ફાયદાકારક છે. કંપનીનો દાવો છે કે આ ફીચર્સ ભાષા શીખવાની પ્રક્રિયાને સરળ બનાવવા અને કન્ટેન્ટની ઉપલબ્ધતા વધારવા માટે ખાસ ડિઝાઈન કરવામાં આવ્યા છે.

વધુ યુઝર્સ સુધી પહોંચવાનો ધ્યેય

આ અપડેટ દ્વારા યુઝર્સ પોતાની પસંદગીની ભાષામાં કોઈપણ કન્ટેન્ટ જોઈ શકશે. દાખલા તરીકે, કોઈ મેક્સિકન શોને કોરિયન ડબિંગ અને અંગ્રેજી સબટાઈટલ્સ સાથે જોઈ શકાશે. નેટફ્લિક્સનું કહેવું છે કે આ ફેરફાર બહુભાષી દર્શકોના અનુભવને સુધારવા અને ભાષા શીખનારાઓને વધુ સુવિધા આપવા માટે કરવામાં આવ્યો છે. આ ઉપરાંત, દુનિયાભરના યુઝર્સ સુધી પહોંચવાના ઉદ્દેશ્ય સાથે પણ આ નિર્ણય લેવાયો છે. અગાઉ પ્રાદેશિક ભાષાઓના વિકલ્પો મર્યાદિત હતા, પરંતુ હવે ઓટીટી પ્લેટફોર્મ તેના વિસ્તાર પર ઝડપથી કામ કરી રહ્યું છે. આ નવા ફીચરથી નેટફ્લિક્સના યુઝર્સને નવો અનુભવ મળશે અને વૈશ્વિક કન્ટેન્ટનો આનંદ તેમની માતૃભાષામાં લઈ શકાશે.

આ પણ વાંચો- રિલાયન્સ ગેમિંગની દુનિયામાં પણ પ્રવેશ કરશે, BLAST સાથે ઈ-સ્પોર્ટ્સ બિઝનેસ માટે હાથ મિલાવ્યા